Hvað nú

Það er með nokkrum ólíkindum, hvað stjórnarflokkarnir eru seinir að ganga í nauðsynlega hluti og hvað þeim gengur illa að afgreiða mál. Raunar hefur þetta verið helsta einkenni kyrrstöðustjórnar Katrínar Jakobsdóttur alla tíð. 

Katrín Jakobsdóttir hefur um nokkra hríð verið ákveðin í að gefa kost á sér sem forseti. Þrátt fyrir það er eins og helstu samstarfsmenn hennar formenn Sjálfstæðisflokks og Framsóknar komi nánast af fjöllum og þá fyrst er skoðað hvað skuli gera. Sérkennilegt þegar fólk hefur setið saman í ríkisstjórn í 7 ár. En það er í samræmi við stjórnarstefnuna að gera  sem minnst of seint.

Þeir sem vilja sjá raunverulega breytingu og tilþrif ríkisstjórnar t.d. í orkumálum og varðandi hælisleitendur telja vænlegasta kostinn að VG yrði þökkuð samfylgdin, en leitað hófana um samstarf við Flokk fólksins og Miðflokkinn.

Væntanlega of gott til að vera satt. Formenn Sjálfstæðis- og Framsóknarflokks virðast frekar vilja hökta í sama hjólfarinu, sem engu skilar nema auknum ríkisskuldum, orkuskorti og brostnum innviðum m.a. vegna hælisleitenda sem streyma inn í landið. 

 

 

Þversögn umburðarlyndisins

Heimspekingurinn Karl Popper sagði “þversögn umburðarlyndisins væri þessa: "ef við sýnum ótakmarkað umburðarlyndi, jafnvel þeim sem hafa ekkert umburðarlyndi og erum ekki tilbúin til að verja umburðarlynt þjóðfélag gegn árásum þeirra sem ekkert umburðarlyndi hafa, þá verða þeir umburðarlyndu eyðilagðir og umburðarlyndið líka“

Þegar vinstri woke stjórnmálamenn eins og Katrín Jakobsdóttir reyna að þröngva upp á þjóðina umburðarleysi með sama hætti og Nicole Sturgeon í Skotlandi gerði með lögum um hatursorðræðu. Þá er það tilraun til að eyðileggja umburðarlynt þjóðfélag á grundvelli woke sjónarmiða. Fólki er m.a. bannað að segja sannleikann t.d.að það séu karlmenn sem hafi tippi og konur fari á túr, þá er grunnstoð lýðræðis og mannréttinda rifin niður. 

Grunnstoðir umburðarlynda þjóðfélagsins sem Vesturlönd hafa notið umfram allar aðrar þjóðir í heiminum er líka reynt að rífa niður með því að hleypa gríðarlegum fjölda íslamista, sem ekkert umburðarlyndi hafa, inn í vestræn samfélög.

Fyrir 3 árum þ.25.mars 2021 neyddist kennari við grunnskólann í Bartley í Bretlandi til að fara í felur eftir að hafa sýnt myndir af Múhammeð spámanni við kennslu í trúarbragðafræði. Múslímskir foreldrar mótmæltu og kennarinn fékk fjölda líflátshótana. Þetta er flestum öðrum gleymt nema kennaranum. Hann og fjölskylda hans neyðast enn til að vera í felum. Umburðarlyndið er eyðilagt með því að leyfa þeirri einmenningu, sem enga gagnrýni þolir að koma sínu fram.

Í stað þess að styðja við umburðarlyndi, frjálsar skoðanir og tjáningarfrelsi eru vinstri woke stjórnmálamennirnir að hlaða undir og stuðla að þjónkun við umburðarleysi þeirra sem eru tilbúnir til að ofsækja þá og myrða, sem segja eitthvað sem þeir sætta sig ekki við. Jafnvel þó það séu líffræðilegar staðreyndir eins og að kynin séu bara tvö.

Þeir sem horfa á þátt Gísla Marteins sáu fyrir upprisuhátíðina konu draga kross á eftir sér í stórverslun og þáttastjórnandann skopast að kristinni trú að mati margra af sinni einstöku "nærfærni". Umburðarlynda þjóðfélagið þolir þetta og virðir þó ýmsum kunni að finnast helst til langt gengið. Hefði Gísli haft uppi svipaða hluti varðandi Múhammeðstrú yrðu örlög hans þau sömu og kennarans í Skotlandi, sennilega er þannig komið fyrir Íslandi í dag.

Lýðræðissinnar mega aldrei gleyma þeirri lífssýn, sem sagt er að heimspekingurinn Voltaire er sagður hafa fært í orð: "Ég fyrirlít skoðanir þínar en ég er reiðubúinn til að láta lífið til að berjast fyrir að þú megir halda þeim fram."

Umburðarlyndið er forsenda þess, að mikilvægasta markaðstorg lýðræðisins, tjáningarfrelsið virki.

 

Vonin sem brást ekki.

Það var heillaspor fyrir Ísland,að gerast stofnaðili að NATO friðarbandalagi lýðræðisþjóða í Evrópu og Ameríku 1949.

Eftir lok síðari heimstyrjaldar horfðu lýðræðisríkin í Vestur Evrópu upp á það hvernig kommúnistarnir í Sovétríkjunum brutu hvert land af öðru undir ánauð sína. Hernaðarvél Sovétríkjanna var þá sterk og einstök þjóðríki í V.Evrópu gátu ekki varist Sovétríkjunum ein síns liðs. Til að tryggja frið og öryggi í álfunni var því nauðsynlegt að stofna sameiginlegt varnarbandalag vestrænna ríkja,til að tryggja lýðræðislega stjórn frjálsra og fullvalda ríkja og grundvallarmannréttindi.

Á þeim tíma var það yfirlýst stefna Sovétríkjanna, að stuðla að byltingu undir forustu kommúnista hvar sem væri í heiminum til að ná því endanlega markmiði að öll heimsbyggðin lyti valdi og oki kommúnismans.

Mín kynslóð skiptist í fylkingar um NATO og gildi vestræns lýðræðis gegn ógnarstjórn kommúnismans. Fátt hafði meiri áhrif varðandi það hvar fólk skipaði sér í stjórnmálaflokk á þeim tíma

Þrátt fyrir að íslenskir kommúnistar hafi reynt með grófri valdbeitingu að koma í veg fyrir að Ísland gengi í NATO þá tókst þeim það ekki. Þá var við stjórnvölin utanríkisráðherra sem var fasælasti stjórnmálamaður síðustu aldar, Bjarni Benediktsson, sem hvikaði hvergi í afstöðu sinni og sagði síðar að hann hefði ekki unnið þarfara verk en það á stjórnmálaferli sínum. 

Við sem vorum ákveðnir stuðningsmenn vestrænnar samvinnu og varnarbandalags vestrænna ríkja NATO þurftum að heyja marga harða rimmu við 5.herdeild kommúnista hér á landi, sem börðustu hatrammlega gegn veru Íslands í NATO og varnarsamningsins við Bandaríkin. Þeir hafa þurft að horfa upp á það, að allt sem þeir sögðu og börðust fyrir var rangt og hafa margir viðurkennt það, en sumir halda áfram baráttu gegn vestrænu lýðræði á öðrum forsendum en áður og því miður eru þeir æði margir sem telja rétt að halda áfram að hafa rangt fyrir sér í utanríkismálum.

Þrátt fyrir að NATO hafi tekist ætlunarverk sitt í75 ár og tryggt frið og öryggi í okkar heimshluta, þá eru ýmsir váboðar á lofti og við megum ekki gleyma því sem skáldið góða Tómas Guðmundsson sagði í kvæði sínu árið 1948: 

Og ofbeldishneigðin, sem herjar á þjóðir og lönd,

fær hvergi dulist, hve títt sem hún litum skiptir.

— Í gær var hún máske brún þessi böðulshönd,

sem blóðug og rauð í dag sínu vopni lyftir.

Við þurfum alltaf að horfa á það með raunsæi hvaða ógn steðjar að lýðræði og mannréttindum frjálsra þjóða. Sú böðulshönd  sem nú ógnar mest friði og öryggi í heiminum er klerkastjórnin í Íran, sem stundar undirróðursstarfsemi allsstaðar þar sem hún getur því við komið og ber ábyrgð á þeim átökum sem nú geisa í Mið-Austurlöndum. 

NATO ríkin verða að standa einörð gegn þursaríkinu Íran ekkert síður en hinu þursaríkinu Sovétríkjunum forðum. Þá voru vestrænir stjórnmálamenn ekki í vafa um að við yrðum að standa einörð og hvika hvergi, en því miður er því ekki þannig farið í dag og pólitískir afleikir bæði Obama og nú Joe Biden hafa verið afdrifaríkir. 

Stofnendur NATO gengu ekki að því gruflandi, að þú breytir ekki tígrisdýri í jurtaætu með því að fleygja til þess kjötbitum, en því miður virðist Joe Biden og ýmsir aðrir vestrænir leiðtogar telja, að nú sé einmitt svo komið að þeir geti með undanlátssemi sigrað hið illa.  Það hefur aldrei gerst og NATO ríkin og aðrir sem unna mannréttindum, sjálfstæði friði og fullveldi þjóðríkja verða að standa fast á því að við hvikum hvergi fyrir ofbeldinu ekkert frekar en við stóðum fast við sannfæringu okkar og hvikuðum hvergi gegn útþennslustefnu og ofbeldi kommúnistanna í Sovétríkjunum. 

Tjáningarfrelsi og hatursorðræða.

Eitt af áhugamálum Katrínar Jakobsdóttur forsætisráðherra er að  sett verði lög um hatursorðræðu. Katrín hefur í því efni eins og öðrum átt hugmyndafræðilega samstöðu með vinstri woke stjórnmálamönnum eins og Jacinda Ardern á Nýja Sjálandi, Pierre Trudeau í Kanada og Nicole Sturgeon í Skotlandi.

Þær Jacinda og Nicole hafa hrökklast frá völdum, en 1. apríl, tóku gildi lög um hatursorðræðu, sem Stugeon kom í gegn meðan hún var fyrsti ráðherra Skotlands. Hún var þar á undan Katrínu en Katrín var á undan Sturgeon að fá samþykkt vitlausustu lög í veröldinni um kynrænt sjálfræði. Þó lög Sturgeon um það væru skárri þá var samstaða í Bretlandi, að þau væru svo galin, að nauðsyn bæri til að ógilda lagasetninguna, sem var og gert.

En nú eru það hatursorðræðu lögin hennar Sturgeon, sem að Katrín vill líka koma á hér á landi.

Skv upplýsingum frá lögreglu í Skotlandi eiga hatursorðræðulögin m.a. að ná til sviðslistamanna þessvegna grínista ef það sem þeir segja gæti orðið til að ýta undi „hatur“. Lögin mæla fyrir um 7 ára fangelsi fyrir að segja, skrifa eða dreifa ummælum sem gætu orðið til að ýta undir hatur gegn vernduðum hópum eins og kynþáttum, trúarbrögðum eða kynskiptingum svo dæmi séu nefnd. Ekki skiptir máli hvar ummælin eru látin falla. Umræður við eldhúsborðið heima  gætu því leitt til handtöku og ákæru. Lögin eru til þess fallin að drepa niður umræðu og koma í veg fyrir að eðlilegt grín verði á boðstólum í landi rétttrúnaðarins, hvað þá að segja megi sannleikann um transaðgerðir og Múhameðstrú, þar sem þeir sem telja sig eiga rétt á að móðgast yfir öllu sem um þá er sagt geta þá leitast við að koma þeim sem bera sannleikanum vitni bak við lás og slá.

Rætt hefur verið um að J.K. Rawlings höfundur Harry Potter bókanna yrði sú fyrsta til að þola ákæru fyrir að segja satt um líffræðilegar staðreyndir eins og að það séu karlmenn sem hafi tippi og konur sem fari á túr. Kynskiptir karlar séu ekki konur heldur karlar o.s.frv.

J.K. Rawlings er hvergi bangin og birti færslu þar sem hún gerði botnlaust grín að lögunum og er greinilega tilbúinn til að taka upp baráttuna gegn KGB/Stasi hugmyndafræði  Sturgeon og Katrínar Jakobs.

Skoska lögreglan mun hafa nóg að gera á næstunni með að elta uppi fólk, sem hefur sagt sannleikann þannig að einhver móðgaðist og líkamsárásir, þjófnaðir og önnur óverðugri brot verða þá að bíða þess að lögreglan hafi tíma til að sinna þeim, sem sennilega aldrei verður í landi rétt málsins eða right speak eins og George Orwell nefndi það í bók sinni 1984 um ofurríkið sem fylgdist með öllu sem fólk gerði.

Einn dálkahöfundur orðaði það svo í blaðagrein að nú sé svo komið að ef einhver ætli að tjá skoðanir sínar í samræmi við stjórnarskrárvarinn rétt sinn væri líklegt að hann yrði rekinn úr starfi og fangelsaður.

Við þurfum að vera á varðbergi gagnvart woke stjórnmálafólki, sem virðist hafa þann metnað að kollvarpa borgaralegu samfélagi eðlilegra umgengnishátta þar sem umburðarlyndið, tjáningarfrelsið og húmorinn hefur meira gildi en illskan, hefndin og rétttrúnaðurinn svo ekki sé talað um "right speak."

 

Við eigum að stjórna en ekki WHO

Í Kóvíd faraldrinum beittu ríkisstjórnir mismunandi úrræðum. Svíþjóð þrengdi ekki að frelsi borgaranna á meðan aðrar þjóðir setti fólk í stofufangelsi,skertu ferðafrelsi. Bólusetningum var neytt upp á ýmsa með því að hóta þeim starfsmissi og útiloka óbólusetta frá því að ferðast eða njóta þjónustu á veitingahúsum eða í verslunum.

Hvað sem fólki finnst um þær ráðstafanir sem gripið var til, þá var það á valdi þjóðríkja að taka eigin ákvarðanir.

Við höfum í meira en 100 ár staðið fast á stjórnskipulegum rétti þjóðarinnar til að taka ákvarðanir á grundvelli eigin laga og ákvarðana íslenskra stjórnvalda. Því miður hvika íslensk stjórnvöld með því að ætla að fá samþykkt að gerðir Evrópusambandsins gildi framar íslenskum lögum.

Samningaviðræður við Alþjóða heilbrigðisstofnunina(WHO)standa yfir um viðbrögð við heilsuvandamálum í framtíðinni. Margir eru uggandi um, að með samningum við WHO, samþykki Ísland, að færa ákvarðanatöku frá kjörnum fulltrúum Íslands, til WHO.

Fyrir nokkru skrifaði Esther McVey þingmaður og ráðherra grein í Daily Telegraph, þar sem hún sagði að samráðherrar hennar og hún mundu aldrei gefa WHO ákvörðunarvald um aðgerðir í heilbrigðismálum í Bretlandi eða samþykkja að skerða fullveldi þjóðarinnar eða möguleika á að taka eigin ákvarðanir m.a. um hvort beita eigi stofufangelsi, bólusetningum, grímuskyldu eða ferðafrelsi innanlands eða inn eða úr landi.

Hún segir að því fari fjarri að fullveldi þjóðarinnar verði falið WHO og breska ríkisstjórnin vilji fullvissa bresku þjóðina um að það séu eingöngu kjörnir fulltrúar hennar, sem muni ákveða til hvaða ráðstafana verði gripið í Bretlandi þegar bregðast þurfi við sjúkdómum og farsóttum.

Af gefnu tilefni er nauðsyn, að heilbrigðisráðherra og ríkisstjórn Íslands gefi ótvíræða yfirlýsingu með sama hætti og breski ráðherrann, að ekki komi til greina að fordjarfa fullveldi þjóðarinnar hvað varðar ákvarðanir í heilbrigðismálum eða fela WHO þær að einhverju leyti. Það verði hér eftir sem hingað til á valdi íslenskra þingmanna og ríkisstjórnar að ákveða til hvaða aðgerða verði gripið.

Ekkert minna dugar en ótvíræð yfirlýsing ríkisstjórnar Íslands um þetta efni með sama hætti og yfirlýsing breska ráðherrans.

Við megum ekki gangast undir ok yfirþjóðlegs valds að neinu leyti og fela erlendum þjóðum eða fjölþjóðlegum stofnunum vald, sem að íslenskir þingmenn og ríkisstjórn eiga að fara með.

Ekki má fagurt mæla.

Í tilefni upprisuhátíðarinnar setti Asad Shah,sem var múslimi þá 40 ára, búsettur í Bretlandi, fæddur í Pakistan, þessa kveðju á Feisbók.

"Til minnar elskuðu kristnu þjóðar

Föstudagurinn langi og gleðilega upprisuhátíð til minnar elskuðu kristnu þjóðar. Við skulum feta í raunveruleg fótspor okkar elskaða heilaga Jesú Krists og njóta velgengni í báðum heimum."

(Good Friday and a very Happy Easter, to my beloved Christian nation. Let´s follow the real footstep of beloved holy Jesus Christ and get the real success in both world)

Þessi fallegu ummæli þoldu harðlínu íslamistarnir ekki.  Ráðist var á Asad Shah og hann drepinn. Velviljaður múslimi sem vildi öllum vel fékk ekki að lifa vegna þess að hann óskaði kristnum meðbræðrum sínum alls hins besta.

Íslamistarnir þola ekki fjölmenningu og hatast út í kristin gildi og vestræn samfélög. Kristið fólk verður að gera sér grein fyrir við hvað er að etja og baráttan fyrir kristnum gildum og einstaklingsfrelsi verður nú að heyja um allan hinn kristna heims vegna skammsýni og glámskyggni vestrænna stjórnmálamanna.

Því miður eru íslenskir stjórnmálamenn þar í fararbroddi.

 

 

Upprisuhátíðin er okkar. Gleðilega upprisuhátíð.

Páskar þýða framhjá ganga og vísar til 1. Mósebók um fyrirskipun Jahve til Gyðinga í Egyptalandi,að slátra lambi og rjóða blóðinu á dyrastaf fyrir framan útihurð húsa sinna og þá mundi Jahve ganga framhjá húsum þeirra, en framkvæma fjöldamorð á saklausum egypskum börnum í öðrum húsum í landinu.

Þessi frásögn um ættbálka- og, þjóðarguðinn er andstæð kristinni hugsun og kristilegri boðun þar sem allar þjóðir og allir einstaklingar eru jafnir fyrir Guði fyrir trúna á Jesú Krist.

Jesús boðaði kærleiksríkan Guð allra þjóða. Þess vegna er það illa valið að nota orðið páskar um helgustu trúarhátíð kristins fólks, uppristuhátíðina, þegar Jesú reis upp frá dauðum og  Guð opinberaði með því fyrir mönnunum fyrirheit sitt um eilíft líf. 

Upprisa Jesú og kenning hans og boðun er um kærleiksríkan Guð allra þjóða. Guð friðar og fyrirgefningar. Boðun Jesú og trúin á hann er um sigur lífsins yfir dauðanum og kærleik milli manna. 

En kærleiksboðskapurinn á sér erfitt uppdráttar. Ill öfl sækja að og kristið fólk verður að átta sig á að það verður að standa saman órofa og hvika hvergi, gegn þeirri ógn sem nú steðjar að kristinni trú og kristnum einstaklingum víða um heim. 

Það er ekki aðeins utanað komandi ógn, sem við er að eiga. Innan kirkjudeilda m.a. í  íslensku þjóðkirkjunni hefur boðuninni iðulega verið rangsnúið til að þóknast tískustraumum og tímabundnum fáránleika, þar sem jafnvel prestar viðurkenna ekki lengur líffræðilegar staðreyndir m.a. um mun á kynjunum og að kynin séu bara tvö. Úthýsum villukenningum og berum sannleikanum vitni eins og Jesú sagði við Píltus, að hann væri í heiminn borinn til að bera sannleikanum vitni.  

Gleðilega upprisuhátíð. 

 

Hvað veldur?

Hvað rekur stjórn Landsbanka Íslands til að ætla að gera vondan samning um kaup á tryggingarfélaginu TM?  Með öllu er ljóst, að það eru ekki hagsmunir bankans, sem hafðir eru í fyrirrúmi, þar sem hagnaður af rekstri TM er ekki slíkur að afsaki fjárfestinguna. 

Bankastjórn og bankastjóri hafa ekki réttlætt áformin um kaup á TM með einum eða neinum hætti. Hvað skyldi síðan valda því. 

Hvað veldur því að stjórn og bankastjóri Landsbankans gerir ekki eina hluthafanum, ríkinu viðhlítandi grein fyrir þeirri ætlun sinni að kaupa tryggingarfélag á yfirverði. 

Svör bankastjórnar til þessa eru ekki viðhlítandi og þess eðis að hlítur að vekja grunsemdir um að það sé eitthvað annað en hagsmunir Landsbankans og hluthafans, ríkisins, sem bankastjórn og bankastjóri láta ráða för. 

Birna Einarsdóttir og bankaráð Íslandsbanka létu af störfum fyrir minni sakir en þær sem bankaráð og bankastjóri Landsbankans gera sig nú sek um. 

Hér er greinilega skrýtinn fiskur undir steini og bankastjórnin hefur ekki réttlætt gjörðir sínar með einum eða neinum hætti og þegar þannig háttar til er eðlilegt að vondar grunsemdir vakni. 

 

 

Kristur krossfestur

Við sem trúum, að krossfesting Jesú og upprisan sé söguleg staðreynd höfum trúarsannfæringu sem Páll postuli víkur víða að í bréfum sínum sem mikilvægasta inntaki fagnaðarerindis.

 

Milljónir kristins fólks minnist pínu og krossfestingar Jesú. En útrýming kristins fólks þar sem vagga kristninnar stóð í árdaga og krossfesting einstaklinga og trúarbragðanna á þeim slóðum virðist gleymd. Engir verða fyrir meiri ofsóknum í heiminum en kristið fólk sérstaklega í Afríku og Asíu.  

Vestrænar ríkisstjórnir aðhafast ekkert. Daglegar ógnanir, morð og óeiginlegar krossfestingar kristins fólks varna þeim ekki nætursvefns. Helstu prelátar kristinna láta sem ekkert sé og gera ekkert til að koma í veg fyrir að kristið fólk í löndum Asíu eða Afríku sé hrakið frá heimkynnum sínum,smáð, nauðgað og myrt. Ekki eru farnar kröfugöngur í helstu borgum Evrópu og Bandaríkjanna til að krefjast aðgerða fyrir kristið fólk í nauð og raunverulegri útrýmingarhættu. 

Hjálparstarf Vesturlanda sinnir þessu fólki ekki. Síst hinn gjörspillti vestræni Rauði kross. Vestrænir fjölmiðlar minnast varla á stöðu kristins fólks í nauðum. Fréttastofa RÚV birtir nánast aldrei fréttir af ofsóknum á hendur kristnum t.d. í Nígeríu, Íran eða Pakistan svo fátt eitt sé nefnt.

Gleymda stríðið er stríð múslima við kristið fólk í Mið-Austurlöndum og víða í Afríku og Asíu. Vinstri sinnaða fjölmiðlafólkið kemur ekki auga á að hægt sé að kenna feðraveldinu eða nýldenduharðstjórn Vesturlanda um hörmungar kristins fólks og hefur því engan áhuga á málinu og er af óskiljanlegum ástæðum í algjöru þagnarbindindi gagnvart ógnum Íslam, morðum og hryðjuverkum um gjörvalla heimsbyggðina. 

Á þessum degi skulum við minnast pínu og krossfestingar Jesú og á sama tíma ofsókna og morða á kristnu fólki og krefjast þess að kristin kirkja og ríkisstjórnir Vesturlanda gæti að sínum minnstu bræðrum sem reynt er að útrýma um allan hinn Íslamska heim.  

 

 

 

Að gefa annarra manna fé.

Afabróðir formanns Sjálfstæðisflokksins, Pétur Benediktsson, bankastjóri, sendiherra og alþingismaður, gaf út kver sem hét "Milliliðir allra milliliða.".

Í kverinu kom fram skörp gagnrýni á niðurgreiðslur ríkisins á neysluvörum og á það bent, að með því væru peningar fólks teknir með sköttum og endurgreiddir með niðurgreiðslum. Sjálfstæðismenn þess tíma börðust hatrammlega gegn þessari stefnu fáránleikans.

Í kverinu var mynd af ræfilslegum glorsoltnum hundi, sem kom að veisluborði akfeits manns og renndi til hans biðjandi augum og dillaði rófunni. Feiti maðurinn tók upp hníf, skar af rófunni og stakk upp í hundinn, sem labbaði alsæll í burtu. Þessi mynd sýndi vel fáránleika niðurgreiðslna og millifærslna ríkisins.

Náðst hefur þjóðarsátt á vinnumarkaði, þar sem aðilar sömdu um að ríkið tæki upp víðtækara kerfi millifærslna og ríkisafskipta. Ríkisstjórn samþykkti hátt í hundrað milljarða auknar niður- og millifærslur. 

Þeir sem greiða skatta á Íslandi eru launafólk og atvinnurekendur. Með einum eða öðrum hætti munu því aðilar vinnumarkaðarins greiða framlag ríkisins og því á myndin í kveri Péturs Bendiktssonar um svanga hundinn einstaklega vel við um nýgerða kjarasamninga.

Víðtæk þjóðarsátt allra flokka og aðila vinnumarkaðarins ríkir um að leið aukinna ríkisafskipta og aukinnar skattheimtu skuli farin og trónum við nú samt á toppi OECD ríkja hvað það varðar.

Þrátt fyrir að skuldastaða ríkisins sé komin á hættulegt stig, skal halda áfram stefnu fyrrverandi fjármálaráðherra, sem góð þjóðarsátt virðist ríkja um, að:

"tryggja góð lífskjör með hallarekstri ríkissjóðs."