Forsætisráðherra afneitar tveim ráðherrum

Á innan við þrem dögum hefur forsætisráðherra afneitað tveim ráðherrum sínum og gagnrýnt störf þeirra í ríkisstjórn sinni.

 Á föstudaginn s.l. sagðist forsætisráðherra  afar ósátt við vinnubrögð og ákvörðun  Ögmundar Jónassonar innanríkisráðherra í Grímstaðamálinu. Ögmundur hefði átt að ræða málið í ríkisstjórn en ekki taka einhliða ákvörðun í málinu.   

 Í dag gagnrýnir forsætisráðherra sjávarútvegsráðherra harkalega og segir vinnubrögð ráðherrans óásættanleg og ekki boðleg í samskiptum flokka.

Ekkert er við það að athuga að Jóhanna Sigurðardóttir hafi skoðanir á mönnum og málefnum. En hún er forsætisráðherra og sem slík ber henni að haga sér og beita sér í samræmi við það.  Telji forsætisráðherra vinnbrögð ráðherra óásættanleg, þá á hún þann eina kost að víkja honum úr ríkisstjórn. 

Hróp Jóhönnu Sigurðardóttur á torgum og gagnrýni á samráðherra í ríkisstjórn hennar sjálfrar sýna best hversu óhæf forsætisráðherra hún er.

Ef eitthvað mark á að taka á Jóhönnu Sigurðardóttur miðað við það sem hún hefur sagt að undanförnu þá ber henni að annað hvort að víkja þeim Ögmundi Jónassyni og Jóni Bjarnasyni úr ríkisstjórn eða biðjast lausnar fyrir sig og ráðuneyti sitt.

Svona ríkisstjórn er ekki á nýtt ár setjandi.

Athugasemdir

[Jón Sveinsson, 27.11.2011 kl. 18:21]

Sæll Jón

já hún Jóhanna blessunin er svo sannarlega óhæf því það eina sem heldur þessari stjórn saman er að hindra að Sjálfstæðisflokkurinn komist ekki strax til valda en ekki að sjá til að fólk hafi vinnu né fæði og klæði sér til handa ef vilji er til að framkvæma fyrirþjóð og líð þá slítur hún þessu stjórnarsamstarfi ef hægt er að kalla þetta samstarf.

[Halldór Jónsson, 27.11.2011 kl. 18:54]

Divina Comedia!

[Jón Magnússon, 27.11.2011 kl. 23:05]

Já það er alveg rétt nafni minn. Hatur Jóhönnu og Steingríms á Sjálfstæðisflokknum veldur slímsetu þeirra í ríkisstjórn en ekki viljinn til að láta gott af sér leiða. Hvað þá að þetta fólk hafi hugmynd um hvernig eigi að leysa nokkurn hlut.

[Jón Magnússon, 27.11.2011 kl. 23:06]

Mér finnst þetta nú hvorki vera guðdómlegt né skemmtilegt Halldór. Ég mundi frekar tala um andhverfuna.  Alla vega er þetta hryllingur fyrir þjóðina.

[Ólafur Als, 28.11.2011 kl. 09:10]

Sæll Jón,

ég verð að taka undir með honum Halldóri, samhliða því að vera þér einnig sammála. Halldór, ef það var ætlun hans, beitir beittasta sverðinu; gríninu.

[Þorsteinn Siglaugsson, 28.11.2011 kl. 10:07]

Pétur náði að afneita meistara sínum þrisvar áður en haninn gól.

Ólíklegt er að Jóhönnu heppnist að afneita Jóni Bjarnasyni þrisvar áður en Björn Valur galar, því hann galar svo oft!

[Jón Magnússon, 28.11.2011 kl. 12:51]

Að sjálfsögðu var það ætlun Halldórs en það var líka allt í lagi að grípa það á lofti og senda til baka Ólafur.

[Jón Magnússon, 28.11.2011 kl. 12:52]

Jóhanna hefur afneitað Jóni Bjarnasyni sí og æ. Skil ekki af hverju þetta fólk getur setið saman í ríkisstjórn.