Einstaklingsfrelsi-Ofurríki og Snowden

Frelsi felst ekki eingöngu í almennum kosningarétti. Frelsi felst einnig í því að borgarinn sé látinn í friði og fái að haga lífi sínu og starfi innan ramma laganna án stöðugs eftirlits og afskipta ríkisins.

Öll viljum við hafa einkamál okkar fyrir okkur sjálf og finnst ógeðfellt að opinberir aðilar fylgist með símtölum okkar, tölvupóstum, sms, vörukaupum og fleiru. Persónuvernd og einstaklingsfrelsi er grundvallaratriði í frjálsu þjóðfélagi.

Í bók sinni 1984 fjallar George Orwell um ofurríkið þar sem fylgst er með hverju fótmáli einstaklinga. Margir töldu áður að Sovétríkin væru að verða ríkið sem fjallað var um í bók Orwell. Nú virðist sem helsta forusturíki hins frjálsa heims Bandaríkin feti sig dyggilega í átt að því að verða slíkt ofurríki.

Uppljóstranir Edward Snowden um njósnir ríkisstjórnar Bandaríkjanna um einstaklinga, stofnanir og fyrirtæki ætti að vera umhugsunarefni fyrir frjálslynt og hægri sinnað fólk. Snowden eyddi 30 ára afmælisdegi sínum á flótta frá landi "hinna frjálsu" virðist vera einstaklingshyggjumaður sem er á móti ofurríkinu. Einstaklingur sem er ásamt svo fjölmörgum öðrum er á móti því að búa við að það samtöl þeirra séu hleruð og hljóðrituð. Einstaklingur sem er í hópi fjölmargra sem hefur ákveðna þjóðfélagsvitund einstaklingsfrelsi án þess endilega að skilgreina sig sérstaklega pólitískt.

Edward Snowden studdi frjálslynda einstaklingshyggjumanninn Ron Paul í forkosningum Repúblikana til forseta í fyrra. Ron Paul vill draga úr völdum og áhrifum ríkisins og beitingu Bandaríkjahers. 

Þrátt fyrir ofurvald Bandaríkjanna og kröfu um framsal Snowden þá verða hvorki hann né hans líkar stöðvaðir. Hann er í hópi fjölmargra sem gera það sem þeir telja að samviska þeirra bjóði þeim að sé rétt.  Snowden segir: "Sannleikurinn mun koma fram og það er ekki hægt að stöðva hann. 

Einstaklingshyggjumenn mættu og ættu að skoða hvort hugsun og sjónarmið sem Snowden stendur fyrir séu ekki nær hugmyndafræði einstaklingshyggju og frjálshyggju en hugmyndafræði vinstra fólks.

Miðað við þær forsendur er öfugsnúið að Ögmundur Jónasson og Birgitta Jónsdóttir skuli berjast fyrir réttindum Snowden og hann njóti verndar og fái notið mannréttinda, en hvorki Bjarni Benediktsson né Sigmundur Davíð.

 

Athugasemdir

[Ásthildur Cesil Þórðardóttir, 4.7.2013 kl. 18:07]

Sammála því að veita Snowden hæli hér á landi, og tek undir færslu þína hér um ofurríkið og Snowden.

[Björn Heiðdal, 4.7.2013 kl. 18:30]

Bjarni og Sigmundur eru fulltrúar einkaaðila sem vilja hafa báður hendur ofan í ríkiskassanum.  Slík nátttröll þrífast ekki í dagsljósinu.  Auðvitað bregðast þeir því illa við þegar einhver dregur frá gluggatjöldunum.

[Grímur (IP-tala skráð) 4.7.2013 kl. 18:39]

Sannleikurinn er það sem maður VILL trúa, "uppljóstraranum" eða "hinum"

"flugmálayfirvöld í Frakklandi og Portúgal neituðu vélinni um heimild til að fljúga í gegnum lofthelgi landanna"

Tóku ríkisstjórnir þessara landa þessa ákvörðun eða vara þetta bara eitthvað sjónarspil - leiktjöld einsog svo oft virðist vera gert til að gabba almenning og fá hann til að "gefa"´til Wikileaks sem greinilega er big buiesness með minnst 9 miljarðar veltu á stuttum tíma sbr. skaðabótamál

[Halldór Jónsson, 4.7.2013 kl. 23:13]

Snowden er krimmi og ég vil ekki sjá hann. Þjófnaður hans hefur ekkert með að gera hugsjónir heldur seldi hann þýfið.

[Sigurður Alfreð Herlufsen, 4.7.2013 kl. 23:46]

Jón Magnússon, mér þykir vænt um að þú skulir taka þennan  pól í hæðina, varðandi Snowden.

Getur þú ekki beitt áhrifum þínum innan stærsta flokks þjóðarinnar og fengið því framgengt, að maðurinn fái hér hæli, á þeim forsendum að forusturíki frjálst hugsandi manna, ofsækir hann fyrir að hafa sagt sannleikann?

[Jón Magnússon, 5.7.2013 kl. 10:09]

Það virðist nú vera of seint Sigurður því miður.

[Jón Magnússon, 5.7.2013 kl. 10:11]

Ég tel ekki eðlilegt að hrapa að þessari niðurstöðu Halldór. Þú ættir að skoða sögu þessa stráks og hvar hann hefur staðsett sig í lífinu hingað til.

[Hrólfur Þ Hraundal, 5.7.2013 kl. 13:17]

Að sjálfsögðu hefur þú hönd á öllum sannleika í þessu máli Sigurður A.H. kl. 23,46

[Erna Baldvinsdottir (IP-tala skráð) 5.7.2013 kl. 20:16]

Sannleikurinn um Snowden.

 http://www.thepeoplesview.net/2013/07/how-professional-lefts-blind-obama.html

[Haukur Hauksson (IP-tala skráð) 7.7.2013 kl. 12:51]

Mjög vel mælt Jón!

Lifi friðhelgi einkalífs, frelsi einstaklingsins og önnur góð gildi. Rétt stefna hjá hægrisinnuðum Bandaríkjamönnum að minnka AlheimsLögreguhlutverk USA, halda uppi terroristaríkjum hér og þar og dæla penigum skattgreiðenda í hinar og þessar spilltar og vafasamar stjórnir um allan heim.

Haukur Hauksson, Moskvu.

[Haukur Hauksson (IP-tala skráð) 7.7.2013 kl. 12:56]

Mjög vel mælt Jón!

Lifi friðhelgi einkalífs, frelsi einstaklingsins og önnur góð gildi. Rétt stefna hjá hægrisinnuðum Bandaríkjamönnum að minnka AlheimsLögreguhlutverk USA, halda uppi terroristaríkjum hér og þar og dæla penigum skattgreiðenda í hinar og þessar spilltar og vafasamar stjórnir um allan heim.

Haukur Hauksson, Moskvu.