Leita í fréttum mbl.is

Öll rök til að stytta nám til stútentsprófs.

Illugi Gunnarsson menntamálaráðhera hefur ítrekað sagt að hann muni beita sér fyrir því að stytta nám til stúdentsprófs og telur að öll rök standi til þess.

Það er forgangsverkefni að koma á þeim breytingum í menntakerfinu að námsmenn útskrifist sem stúdentar á sama aldri og í nágrannalöndum okkar. Það mundi þýða að fólk yrði stúdentar 18 ára  í stað 20 eins og nú er.

Hvergi á OECD svæðinu er fólk útskrifað sem stútendtar jafngamlir og hér á landi og meðalaldur háskólastúdenta er hér 28 ára en í Evrópu  23 ára.  Þessar tölur sýna hvað það er mikilvægt að ná fram þessari breytingu sem menntamálaráðherra hefur gert að ákveðnu forgangsmáli. Vonandi gengur honum vel að koma þessu máli áfram.

Það hefur mikið þjóðhagslegt gildi að ná fram styttingu aðfararnáms að stúdentsprófi um 2 ár. Kostnaður námsmanna verður mun minni m.a. vegna þess að stór hluti háskólastúdenta mundi þá búa áfram í foreldrahúsum í upphafi námsins og fæstir mundu vera komnir með fjölskyldu á þeim tíma.  Stytting aðfararnámsins þýðir því meiri heildarstyttingu náms fram að námslokum en 2 árum af því að það er færra sem truflar og leiðir til brotthvarfs frá námi.

Það hefur mikilvæga þjóðhagslega þýðingu að ná fram þessu baráttumáli menntamálaráðherra auk þess sem því fylgir mikill sparnaður fyrir ríkissjóð til lengri tíma litið. Raunar þarf að taka allt skólakerfið til endurskoðunar og skoða með hvaða hætti mætti kenna fólki með áhrifaríkari og skemmtilegri hætti en nú er gert. Möguleikarnir eru fyrir hendi vegna gjörbreytts margmiðlunarumhverfis, en skólanám hefur ekki tekið eðlilegum breytingum miðað við þá möguleika sem eru fyrir hendi. 


« Síðasta færsla | Næsta færsla »

Athugasemdir

1 Smámynd: Alfreð K

Styð það að lækka stúdentsaldurinn, en hvernig er best að gera það, Jón?

Ráðherrann talar eingöngu um að stytta námið í framhaldsskólum, sem eru 4 ár, en minnist ekkert á grunnskólanámið, sem eru heil 10 ár. Enginn virðist hafa velt þeim möguleika fyrir sér eða spurt ráðherra út í hann heldur. Er það bara ég sem finnst menn vera að byrja á öfugum enda hérna?

Svo mætti líka athuga það að láta börn byrja 5 ára í stað 6 ára. Þá er strax búið að lækka stúdentsaldurinn niður í 19 ára.

Annars var ég með svipaða athugasemd um sama mál undir annarri færslu hjá síðuhöfundi fyrir nokkrum vikum en hún virðist hafa farið í ritskoðun (var aldrei birt).

Alfreð K, 16.8.2013 kl. 21:00

2 Smámynd: Halldór Jónsson

Margt mælir þú skynsamlegt að vanda Jón minn góður Magnússon. En verður ekki að byrja þar sem vandinn á upptök sín? Það er í grunnskólanum. Blöndun í bekkji í stað þess að hafa A, B og C bekki eftir námsárangri tefur fyrir framleiðslu góðs efniviðar til framhaldsnáms. Það eru fæstir grunnskolanema sem kunna margföldunartöfluna í síðasta bekk. Þessir nemendur eru ekki í stakk búnir að læra algebru eða stærðfræði í framhaldsskóla. Bekkjablöndunin leiðir til þess að námið gegur í hægagír og öllum leiðist í skólanum. Illugi á að byrja þarna ef meiningin er ekki að þynna út stúdentsprófið.

Halldór Jónsson, 18.8.2013 kl. 16:05

3 Smámynd: Jón Magnússon

Það þarf að taka allt skólakerfið til endurskoðunar og viðurkenna að við erum í fallsæti meðal OECD ríkjanna með hæsta aldur til stútentsprófs, elstu háskólanemana, mesta brotthvarfið úr framhaldsnámi. Síðan erum við með slaka útkomu á samanburðarprófum milli landa. Af hverju er það þessari þjóð ofviða að viðurkenna staðreyndir og breyta til bóta fyrir nútímann og komandi kynslóðir?

Jón Magnússon, 19.8.2013 kl. 20:46

4 Smámynd: Jón Magnússon

Því miður er þetta allt of rétt hjá þér Halldór. Það má hvergi viðurkenna lengur að einhver skari fram úr. Það skiptir máli að skipta fólki í námseiningar eftir getu þá læra allir mest. Ég átti þess kost að vera kennari í allmörg ár og man vel hvað það var vont að vera með bekki þar sem mikill munur var á nemendum eftir getu.

En þetta er ekki bara svona í skólunum Halldór. Í íþróttum þurfa allir að vinna og fá medalíu og bikar ekki bara þeir sem sigra. Þau lið eru talin til fyrirmyndar sem tapa leikjum sínum vegna þess að þau settu óhæfa leikmenn inn á.  Ég ætla ekki að segja hvað mér finnst um þetta Halldór því þá kallaði ég á mig enn meiri ásókn en þú gerðir þegar þú lýstir því yfir að þú vildir ekki sjá samkynhneigða karla kyssast á almannafæri.

Jón Magnússon, 19.8.2013 kl. 20:51

5 Smámynd: Alfreð K

Jú, það verður kannski að segjast að við erum svolítið slök á heildina og í alþjóðlegum samanburði, við höfum samt fullt af hæfileikaríku og gáfuðu ungu fólki, sem við gætum menntað svo miklu betur, en til þess þyrfti fleiri góða kennara og til þess þyrftum við að kunna að meta starf þessarar mikilvægu stéttar betur en við gerum og höfum gert til þessa.

Ég veit t.d. að í tveimur löndum sem búa yfir engum sérstökum náttúrauðlindum, en eru á samt á meðal ríkustu landa í heimi, er kennarastarfið mikils metið og miklar kröfur gerðar til þeirra sem ætla sér að taka að sér kenna börnum og ungmennum, hvort heldur í barnaskóla eða framhaldsskóla, að sama skapi eru laun þessara kennara líka há eða með þeim hærri sem gengur og gerist almennt á Vesturlöndum, þetta eru löndin Danmörk og Sviss.

Tek undir með Halldóri síðan að hér á landi mætti hlúa betur að raungreinunum, þetta eru jú greinar sem skipta hvað mestu máli upp á atvinnuvegi framtíðarinnar og samkeppnishæfni við aðrar þjóðir, og gera það strax í grunnskóla, það til dæmis að margföldunartaflan sé ekki lengur skyldukunnátta í grunnskóla er algjör SKANDALL, í 6. bekk var okkur gert að læra hana (upp að 10) og í 7. bekk var kunnáttan síðan staðfest með upprifjun og hraðaprófi (30 spurningar á blaði, minnir mig, á innan við 10 mín. og engar vilur leyfðar, annars var prófið tekið aftur).

Alfreð K, 19.8.2013 kl. 22:46

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 18
  • Sl. sólarhring: 1211
  • Sl. viku: 5762
  • Frá upphafi: 2277513

Annað

  • Innlit í dag: 18
  • Innlit sl. viku: 5324
  • Gestir í dag: 18
  • IP-tölur í dag: 18

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband