Leita í fréttum mbl.is

Hræðslubandalagið

Píratar sáu fylgistölur dala í skoðanakönnunum og ákváðu því að ná sér í ókeypis auglýsingu hjá ljósvakamiðlunum með því að bjóða til stjórnarmyndunarviðræðna á grundvelli skoðanakannna.

Formaður Samfylkingarinnar og Bjartrar framtíðar sem horfa upp á að veruleg áhöld kunna að vera um það miðað við sömu skoðanakannanir hvort flokkar þeirra ná þingmanni í næstu kosningum ákváðu að ganga til bandalagsins á grundvelli sömu sjónarmiða og Píratar það að mynda nýtt Hræðslubandalag.

Katrínu Jakobsdóttur tókst í nokkurn tíma að vera með humm og ha gagnvart þessum tilburðum Hræðslubandalagsins einkum vegna þess að hennar flokkur hefur verið í sókn skv.sömu könnunum. Svo fór að lokum að hún ákvað að setjast með Hræðslubandalaginu enda ljóst að ef til kæmi þá yrði hún forsætisráðherra. Velferð landsins mætti þá skoða með tilliti til þess með hvaða hætti Katrín Jakobsdóttir stóð sig sem menntamálaráðherra í tíð síðustu vinstri stjórnar.

Í framhaldinu gumar Hræðslubandalagið af því að nú verði stofnuð ný vinstri stjórn sem hafi það að meginmarkmiði að taka miklu meiri peninga frá þér skattgreiðandi góður til að auka millifærslur í ný ríkisstyrkt gæluverkefni og bruðl. Þá er það einnig yfirlýst viðfangsefni að rugla í stjórnarskránni með óskilgreindum hætti.

Svo er komið að hófsömu félagshyggju- og vinstra fólki er brugðið þegar það horfir upp á að foringjar Hræðslubandalagsins ætla að mynda nýja hreinræktaða vinstri stjórn eins og Jóhanna og Steingrímur gerðu áður og leiða hina Guðs voluðu Pírata til áhrifa í íslenskum stjórnmálum.

Hófsömu félagshyggju- og vinstrafólki hrýs hugur við þessu og það spyr hvað getum við kosið fyrst svona er komið af því að það horfir á það með skelfingu hvers konar óstjórn þjóðin fengi með þessu ofurríkishyggjuliði. Það spyr hvað getum við kosið og finnst að mörgu leyti með réttu erfitt að kjósa flokka sem hafa ekki tekið til hjá sér með nauðsynlegum hætti og leyft sérhyggju og spillingarliði að fara sínu fram.

En jafnvel þetta hófsama vinstra- og félagshyggjufólk segir allt er betra en þetta glórulausa lið sem nú hefur sest niður í boði Pírata sem njóta einungis fylgis "ég er á móti fólks" úr öllum áttum.

Hugsandi fólk sem þekkir söguna er eðlilega á varðbergi og því er brugðið, ef það á eina ferðina enn að sigla upp með ríkisstjórn í sama anda og þær ríkisstjórnir sem verst hafa reynst á Íslandi.

 


« Síðasta færsla | Næsta færsla »

Athugasemdir

1 identicon

 Við fáum aðeins Reykjavíkurruglið og -vitleysuna yfir okkur á landsvísu, verði þetta raunin, sem ég vona ekki. Hins vegar er mikil hætta á því, þar sem kjósendur virðast fara eftir því, sem fréttastofa Rúv segir og fyrirskipar. Þetta er þeirra stjórn, enda er maður farinn að velta því fyrir sér, hver stjórni eiginlega hér á Íslandi um þessar mundir. Í stjórnarskránni stendur, að Ísland sé lýðveldi með þingbundinni ríkisstjórn og forseta, en ég er nú farin að halda, að fréttastofa Rúv sé búin að ræna völdunum og afnema þegar þessa grein stjórnarskrár, svo sem þessi Sovétfréttastofa lætur. Hennar forseti situr á Bessastöðum, og greinilegt er á öllum "frétta"-flutningi, að þeir ætla sér að koma sinni ríkisstjórn til valda. Ég, sem hélt, að ríkisstjórn Sjálfstæðisflokks og Framsóknarflokks ríkti hér á landinu, en það er eitthvað annað, heyrist manni í útvarpinu og tekið eftir fram til þessa. Gamanlaust heyrist manni helst, að á fréttastofunni sé yfirríkisstjórn landsins og æðsti dómur líka, eins og þeir haga sér. Það er kominn tími til, að við förum að skera upp herör gegn þessu "ríkis"-útvarpi, og krefjast þess, að ríkið hætti öllum afskiptum sínum af því, hendi því í Samfó og VG og leyfi þeim að eiga það fyrir sig, og annað ríkisútvarp verði stofnað, sem er eins og lög kveða á um, og var í okkar ungdæmi með því hlutleysi, sem þar á að ríkja. Mál er að linni þessu stjórnmálabrölti, yfirgangi og óþarfa afskiptasemi fréttastofu Rúv. Þetta gengur ekki lengur.

Guðbjörg Snót Jónsdóttir (IP-tala skráð) 23.10.2016 kl. 18:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 707
  • Sl. sólarhring: 1368
  • Sl. viku: 6352
  • Frá upphafi: 2276990

Annað

  • Innlit í dag: 661
  • Innlit sl. viku: 5899
  • Gestir í dag: 638
  • IP-tölur í dag: 624

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband