Þjóðleg hjátrú.

Hvítasunnan í minni minningu frá unglings- og sokkabandsárunum eru minningar um kuldalegt og hráslagalegt veður. Síðan þá á heilmikil hlýnun að hafa orðið af manna völdum en samt getur nú kólnað og orðið hált á fjallvegum þó komið sé að lokum maímánaðar. Við  á Faxaflóasvæðinu þurfum ekki að kvarta. Margir telja að þjóðleg hjátrú sé af hinu góða og ein er sú að veðrabrigði í tengslum við breytingar í stjórnmálum segi mikið fyrir um hvað gerist. Samkvæmt því ætti hagkerfið að kólna heldur betur á tímum kyrrstöðustjórnarinnar því að kuldakastið hófst þegar Geir og Ingibjörg fóru að tala saman og stendur enn.

Athugasemdir

[4f (IP-tala skráð) 26.5.2007 kl. 22:30]

já það er kalt á klakanum!

[Kolbrún Stefánsdóttir, 27.5.2007 kl. 10:50]

Sæll Jón ég sé að það er stjórnarhrollur í þér og efast um að það sé frá þjóðtrúnni komið. Mér fannst nú á tímabili full heitt á milli þeirra Geirs og Ingibjargar þegar þau voru að hittast sbr. vísu Hjálmars Jónssonar.

Rétt var að gulltryggja grunninn,

Geir fann að björnin var unninn

En þurfti enn kossa

með þvílíkum blossa

og það svona beint á munninn.

Vona að þér fari að hitna í hamsi fljótlega.. bestu kveðjur

[Ragnheiður Ólafsdóttir, 27.5.2007 kl. 12:54]

Gleðilega Hvítasunnu vona að heilsan sé komin til baka.

[Ólafur Ragnarsson, 27.5.2007 kl. 21:30]

Jón !

Gleðilega hátíð og til hamingu með kosninguna.Fyrir ca 50 árum var ég skipverji á M/S Heklu og FUS,Heimdallur stóð fyrir hópferð með skipinu til Vestmannaeyja.Ef ég man rétt var mörgum manninum hlýtt í meyjarfaðmi um þá Hvítasunnu.Varst þú með.Kært kvaddur

[Ólafur Ragnarsson, 27.5.2007 kl. 21:41]

Þarna varð mér heldur betur á í messunni.Þú hefur sennilega ekki verið svo ýkja hár í loftinu er þessi ferð var farinn.Ég bið þig fyrirgefningar á þessum ruglingi.Það er oft betra að kynna sér málin áður en maður setur þau fram.En þú hefur kannski heyrt gamla félaga tala um fyrrgreinda ferð.En aftur fyrirgefðu þetta rugl.Kært kvaddur

[Ragnheiður Ólafsdóttir, 28.5.2007 kl. 12:54]

 Jón ábending til þín og annara að fara inn á kristinnp.blog.is frábær útlistun á hvernig kvótakerfið virkar í raun, gott innlegg fyrir nýbakaðan alþingismann þó að hann viti ansi mikið um kvótann.