Flottur stofnfundur kjördæmafélags.

Stofnfundur kjördæmafélags Frjálslynda flokksins  í Reykjavíkurkjördæmi norður var haldinn í kvöld. Tryggvi Agnarsson var kosinn formaður og með honum í stjórn einvalalið. Mikil eindrægni ríkti á fundinum. Umræður voru einlægar og hispurslausar um flokksmál og stjórnmál.  Um eða yfir 50 manns sóttu stofnfundinn.

Vegna fréttar Blaðsins í dag um að við Guðjón Arnar værum á leið inn í Sjálfstæðisflokkinn þá er það dæmalaus ekki frétt. Blaðamaðurinn sem skrifar sig fyrir fréttinni hefur áður stundað óábyrga fréttamennsku og verið með dylgjur í garð Frjálslynda flokksins. Dagblað sem vill láta taka mark á sér getur ekki verið með svona bullfréttamennsku eða óábyggilega blaðamenn. Staðreyndin er sú að það er engin fótur fyrir þessari frétt og það vissi blaðamaðurinn mæta vel þegar hún skrifaði fréttina.

Á morgun verður stofnfundur kjördæmafélags Frjálslynda flokksins í Reykjavík suður. Vonandi tekst hann jafn vel og þessi sem var í kvöld. Ég á raunar ekki von á öðru. Við sem störfum í Frjálslynda flokknum lærðum að starfa vel saman í kosningabaráttunni þó að stuttur tími væri til stefnu til að berja í brestina eftir makalausar illdeilur Margrétar Sverrisdóttur við atvinnuveitendur sína til 7 ára, og það jafnvel þó að hún væri á mun hærri launum frá þingflokki Frjálslynda flokksins en óbreyttir þingmenn voru á.

Athugasemdir

[Guðrún María Óskarsdóttir., 3.10.2007 kl. 23:41]

Sæll Jón.

Innilega til hamingju með félagið og ég fagna Tryggva sem formanni og óska honum og nýkjörinni stjórn til hamingju.

Það er rétt Jón að samstarf í kosningbaráttunni var með miklum ágætum og sú eining sem ríkti var sannarlega ánægjuefni.

kv.gmaria.

[Sigurður Þórðarson, 4.10.2007 kl. 00:03]

Gaman að sjá ykkur félagar. Það ríkti mikil eindrægni á fundinum. Ég hef vissu fyrir því að þetta er samhentur og verkfús hópur með eitt markmið: Efla flokkinn til góðra verka.

[Sigurður Þórðarson, 4.10.2007 kl. 00:09]

Gaman að sjá ykkur félagar.  Það ríkti mikil eindrægni á fundinum.  Ég hef vissu fyrir því að þetta er samhentur og verkfús hópur með eitt markmið: Efla flokkinn til góðra verka. 

[Andrés.si, 4.10.2007 kl. 00:17]

Þetta var fínt í kvöld. Hann Tryggvi er ræðu góður maður sem er í raun kostur. Hins vegar má ekki gleyma þér og þína ræðu.  Það eina sem vantar hefur verið orku mál sem er brennandi efni þessa dagana.  Ætla að taka orð en hætti við, því umræða fór í alt annan veg. Næst bara, er það ekki?  Takk fyrir kvölð.

[Ásthildur Cesil Þórðardóttir, 4.10.2007 kl. 01:03]

Til lukku með þetta, gott mál.

[Jens Guð, 4.10.2007 kl. 02:42]

  Fundurinn í kvöld var bæði skemmtilegur og fróðlegur.  Mér þótti einkum gaman að hlera þennan mikla áhuga félagsmanna á starfi flokksins.  Einhugur ríkti á fundinum og baráttuhugur fyrir næstu skref var áberandi.  Ég upplifði stemmninguna sem að við séum á blússandi siglingu þar sem að áhugi og baráttuhugur ráða för. 

[Hafsteinn Viðar Ásgeirsson, 4.10.2007 kl. 11:07]

Þið eruð nú ekki á flæðiskeri með hann Tryggva í forsvari, það er á hreinu.

[Magnús Þór Hafsteinsson, 4.10.2007 kl. 15:54]

Til nánari upplýsinga þá er hér frétt á vef flokksins um fundinn í gær.

[Örn Johnson '43 (IP-tala skráð) 4.10.2007 kl. 22:57]

Jæja, Jón minn, það er gott að flokksmenn þínir hrósi flokknum vel á þessari síðu, ef ekki þeir, þá hverjir ? Annars: Hann Tryggvi Agnars er fínn drengur eins og hann á ættir til.

kveðja