Fjölmennur fundur Frjálslyndra í Reykjavík

Fjölmennur fundur Frjálslyndra var haldinn í gær. Á fundinum var rætt um borgarmál í tilefni nýs meirihlutasamstarfs og vægast sagt sérkennilegra mála tengd Orkuveitu Reykjavíkur og Reykjavík Energy Invest.  Fram kom á fundinum sú krafa að við Frjálslynd gætum þess að skera okkur úr í íslenskri pólitík að því leyti að taka málefni fram yfir valdastóla.

Til gamla meirihlutasamstarfsins milli Framsóknar og Sjáflstæðisflokks var ekkert burðugra. Oddvitar listannna komu sér saman um að mynda meirihluta en um hvað lá ekkert fyrir. Dagur Eggertsson er borgarstjóri meirihluta fjögurra aðila sem að því samstarfi koma og þessir aðilar sem mynda meirihlutann hafa ekki komið sér saman um það með hvaða hætti þeir ætla að standa að stjórn borgarinnar. Allir borgarfulltrúar sem nú sitja sem fulltrúar Reykjvíkinga hafa því opinberað að þeir eru ekki í pólitískri baráttu. Ekki í baráttu fyrir þvi að koma einhverjum málum fram heldur fyrir því að fá og hafa völd og njóta bruðlsins sem ríkir í valdstjórninni í Reykjavík.

Bruðlið í Reykjavík er með ólíkindum og undarlegt að fjölmiðlar skuli ekki hafa fjallað meira um það en raun ber vitni.  Er ekki ástæða til að spyrja um tíðar fjölmennar utanlandsferðir stórra sendinefnda. Greiðslur fyrir nefndarsetur.  Greiðslur til borgarfulltrúa.  Bíll og bílstjóri fyrir 3 kjörna fulltrúa í borgarstjórn og áfram má halda og verður haldið.

Við Frjálslynd þurfum að fara í andstöðu við spillilngaröflin í borginni og koma sterkt inn í næstu borgarstjórnarkosningum.  Siðvæðing íslenksra stjórnmála þarf að setja á oddinn. Ekki vanþörf á í Reykjavík.

Athugasemdir

[Jóhanna Magnúsar- og Völudóttir , 17.10.2007 kl. 14:25]

Takk fyrir þennan pistil Jón og einnig gott upphafsinnlegg á fundinum í gær. Siðvæðing íslenskra stjórnmála er vissulega brýn. Mér finnst allt of algengt að fólk í pólitík sé að ota sínum tota í staðinn fyrir að hugsa um hagsmuni fólksins í landinu. Gleymi jafnframt þeim málefnum sem þeim er treyst fyrir í upphafi.

Þegar ég heyrði fyrst af Frjálslynda flokknum þá var ég, eins og margir (og margar sérstaklega) , fordómafull í garð þessarar ,,karlahreyfingar. "  Skildi ekkert í þessum ,,vondu köllum" sem voru að hrekja í burtu blásaklausa dugnaðarkonu.

Þegar ég fór að kynna mér málið betur, sá ég að dómurinn yfir hinum Frjálslyndu hafði verið ranglátur og ekki á rökum reistur og vissulega sárnar mér að hafa dæmt svo ranglega og verið svo trúgjörn. Það sem ég sé og heyri í dag er að vissulega er dugnaðarkonan dugleg, en hagsmuna hverra(r) hún er að gæta er farið að vefjast fyrir mér. 

Á fundinum í gær sannfærðist ég síðan enn betur um einlægan vilja fólksins í Frjálslynda flokknum til að gera Ísland að betra landi fyrir borgarana. Í flokknum eru hæfir karlar og hæfar konur. Flokkurinn er ekki bara karlaklúbbur -  en vissulega skil ég ekki þessa þörf á sér kvennadeild (nema mynduð sé einnig sér karladeild til mótvægis ?). 

Sem jafnréttissinnaðri konu er ég sérstaklega sátt við inklúsivt tungutak sem þú notar Jón, .. þ.e. að þú segir og skrifar ,,Við Frjálslynd" en ekki ,,Við Frjálslyndir" ..  (til skýringar: Kirkjan, hin íhaldssama stofnun er farin að nota þetta inklúsíva tungutak í handbók sinni; í stað þess að segja t.d. ,,þeir sem látnir eru" er sagt ,,þau sem látin eru" ..   Sumir fussa og sveia og segja þetta ekki skipta máli en málfar mótar vissulega.)

Við Frjálslynd þurfum að tala til bæði kvenna og karla.

Nú er ég eflaust búin að segja of mikið, en það sem er aðalmálið og mig langar að lýsa yfir hér í lok þessarar löngu athugasemdar:  

Ég styð siðvæðingu íslenskra stjórnmála og það að auðlindir þjóðarinnar lendi EKKI í höndum einstakra auðmanna. 

Auðlindirnar eru sameign okkar - ekki séreign örfárra útvaldra.

Ég hef lokið máli mínu í bili.  

Jóhanna Magnúsdóttir  - stundum kennd við Völu líka.

[Gísli Baldvinsson (IP-tala skráð) 17.10.2007 kl. 14:27]

Gott og vel. Það má alveg taka undir það að bruðl og spilling á ekki að leyfast. Á þessu stagaðist Vimmi forðum. Munurinn á bruðli og spillingu er sá að á bruðl er hægt að benda og er þá í vissum tilvikum ágreinisefni. Er það bruðl að byggja menningarhús á Akureyri? Á fjármagnið að fara frekar í lækkun leikskólagjalda? Þetta með bílstjóramenningu borgarstjórnar er gamalt mál. Það var reiknað út að það væri ódýrara að ráða bílstjóra en bruðla í leigara.

Í pólitík þarf að hugsa hratt. Meirihlutinn sprakk með hvelli og það er ósanngjarnt að biðja um Manifesto daginn eftir. Fjárhagsáætlun núverandi meirihluta (líkt og við gerum hér á Akureyr) er í raun sá málefnasamningur sem gildir. Þú hefur séð þá nokkra og afar fáir hafa grunngildi. Flottasti málefnasamningur sem ég hef lesið var gerður 3.febrúar 1980. Hvað varð um þá stjórn?

Alvöruspurningin er þessi: Ætlar F-listinn að vera í stjórnarandstöðu í Reykjavík eða leika hlutverk Hamlets?

[Árni Gunnarsson, 17.10.2007 kl. 15:37]

Um hvaða F-lista er spurt; þann sem nú stýrir fundum borgarstjórnar og hefur sagt sig úr lögum við  Frjálslynda flokkinn?

Ef svo er þá verður fátt um svör hvað mig áhrærir.

Annars finnst mér orðið "stjórnarandstaða" heimskulegt ef það tekur með sér algilda merkingu. Stjórnarandstaða verður að merkja góða vaktstöðu til ábendinga um leiðréttingu á rangri stefnu. Verði þeim ábendingum ekki sinnt er gripið til mótmæla.

Engin stjórnarandstaða má hafa andstöðuna eina að markmiði enda er þá búið að slíta öll tengsl við dómgreindina.  

[Magnús Þór Hafsteinsson, 17.10.2007 kl. 17:35]

Já, þetta var mjög fínn fundur og vel sóttur þó hann væri kannski haldinn á óhentugum tíma fyrir marga það er frá 17:30 á annasömum þriðjudegi.

Það er gott skrið á flokknum, mikið um að vera í flokksstarfinu og ýmis áform á prjónunum (sjáið heimasíðu www.xf.is), þingmennirnir mæta sterkir til leiks í þinginu.

[Ásdís Sigurðardóttir, 17.10.2007 kl. 19:23]

Fylgist alltaf með skrifum þínum þó svo ég hafi ekki mikið tjáð mig um pólutík síðustu vikur.  Mig langar að benda þér á síðuna mína, þar stendur yfir söfnun undirskrifta vegna kjara öryrkja og eldri borgara. Vænt þætti mér að fá þitt álit og undirskrift ef vill og þú værir kannski til í að kynna þetta þínum mönnum ef þér líkar vel.

[Jón Magnússon, 18.10.2007 kl. 12:00]

Þakka þér fyrir Jóhanna skemmtilegar hugleiðingar og skoðanir. Ásdís ég fer inn á síðuna þína innan 5 mínútna.