Leita í fréttum mbl.is

Stýrivextirnir lama atvinnulífið og eyðileggja fjárhag fólksins.

Daginn eftir að Seðlabanki Íslands tilkynnti ákvörðun sína að hækka stýrivexti í 18% með blessun ríkisstjórnarinnar, ákvað Seðlabanki Bandaríkjanna að lækka stýrivexti sína í 1%. Seðlabanki Bandaríkjanna gaf þá skýringu að þessi vaxtalækkun væri nauðsynlegt til að örva framleiðslu og atvinnuskapandi starfsemi.  

Með því að færa stýrivexti í 18% er gerð fálm- og krampakennd tilraun til að styrkja stöðu krónunnar. Enn á að leggja á þau mið að hafa stýrivexti í ofurhæðum til þess að geta pumpað upp krónuna.  Stýrivaxtarugl Seðlabankans er þó sennilega einn stærtst orsakavaldur þess efnahagsöngveitis sem við erum lent í. Annar orsakavaldur er skortur á erlendum gjaldeyri sem Seðlabankinn ber líka ábyrgð á og hugsaði ekki fyrir því í tíma að taka lán til að komist yrði hjá gjaldeyriskreppu.

Vandinn nú er að tryggja atvinnu fólksins og hjól atvinnulífsins snúist. Með því að hækka stýrivextina í 18% þegar nauðsyn bar til að lækka þá niður í 5% eða enn lægra, var hrundið af stað hópuppsögnum um allt land. Nú ber ríkisstjórn og Seðlabanki alfarið ábyrgð á því að leggja enn upp í þessa ábyrgðaralusu vegferð til þess eins að reyna að láta krónuna hjarna við óháð því hvað líður atvinnu fólksins, framleiðslunni í landinu og skuldastöðu fólks og fyrirtækja. Þetta er ábyrgðarleysi.

Nú skulda heimilin í landinu rúma 75 milljarða í yfirdráttarlánum. Algengir yfirdráttarvextir eru um 20% en ætla má að þeir hækki í 26%. Það þýðir að heimilin í landinu munu því greiða um 4.5 milljarða meira í vexti en ella væri vegna stýrivaxtahækkunarinnar bara af yfirdráttarlánunum.

Þjóðin hefur ekki efni á svona viltausri hagstjórn.


« Síðasta færsla | Næsta færsla »

Athugasemdir

1 Smámynd: Björn Birgisson

Hafa stýrivextir á Íslandi ekki verið þeir hæstu í vestrænu ríki um langt skeið? Höfum við Íslendingar ekki alltaf verið vaxtakóngar á norðurhveli jarðar?

Hverjir voru stýrivextirnir til dæmis árin 1990, 1995, 2000 og 2005?

Auðvitað skapa 18% stýrivextir gríðarlegan vanda, en er okkur ekki talin trú um að þeir muni lækka , bæði fljótt og vel?

Hefði ekki lækkun þeirra í 5% líka skapað vanda í gjaldeyrisþurrðinni og 15% verðbólgu?

Margar spurningar - ekki satt!

Björn Birgisson, 31.10.2008 kl. 17:07

2 Smámynd: Jón Steinar Ragnarsson

Þetta á að vera aðgerð til að hemja gjaldeyrisútstreymi, sem hefur verið handstýrt frá fyrsta degi hrunsins. Þeir munu hinsvegar ganga gersamllega frá fólki og fyrirtækjum og koma meira og minna í veg fyrir eðlilega gjaldeyrisöflun.  Hér er líka verið að ganga að skilyrði IMF, sem ekki hefur mótað skilyrði sín og ekki hefur verið skrifað undir neitt.

IGS, Geir og DO höndla í bakherbergjum um auðlindir þjóðarinnar og framtíð við þessa fmilligöngumenn risabankanna og risafyrirtækjanna og telja sig bera dýpri ábyrgð gagnvart þeim en þjóðinni. þEtta eru landráð, ef eitthvað fellur undir þá skilgreiningu skýrar.

Hvað er þingheimur að hugsa? Eru þið að bíða eftir að fólkið taki upp heykvíslar og kyndla og hendi ykkur út? Sjáið þið ekki hvað er í uppsiglingu?

Jón Steinar Ragnarsson, 31.10.2008 kl. 19:33

3 Smámynd: Baldur Fjölnisson

Þetta byrjaði svona í Zimbabwe í denn tiltölulega sakleysislega en svo fóru þeir brátt að hækka stýrivextina ekki bara um sex prósent heldur um sex þúsund prósent. Og enn er Davíð Mugabe við völd.

Baldur Fjölnisson, 31.10.2008 kl. 19:45

4 Smámynd: Anna Benkovic Mikaelsdóttir

Tek undir..."Hvað er þingheimur að hugsa? Eru þið að bíða eftir að fólkið taki upp heykvíslar og kyndla og hendi ykkur út? Sjáið þið ekki hvað er í uppsiglingu?"...í alvöru?

Anna Benkovic Mikaelsdóttir, 31.10.2008 kl. 23:27

5 identicon

xF.

LS.

LS (IP-tala skráð) 31.10.2008 kl. 23:49

6 identicon

Ég hef áður spurt: Hvað hangir á spýtunni? Hvers vegna er ekki hreinsað til í Seðlabankanum? Eigum við ekki nóg af vel menntuðu fólki með nútíma hugmyndir um hagstjórn sem getur tekið sæti bankastjóra og bankaráðs? Stjórnarandstaðan þarf að ýta betur á. Væri betra ef þessi ríkisstjórn færi frá? Sumir spyrja sig að því hvort nokkuð betra tæki við? Já, nokkuð stórt er spurt og ef til vill verður fátt um svör.

Það er allavega verið að hafa landsmenn að fíflum þessa dagana.

Nökkvi (IP-tala skráð) 1.11.2008 kl. 01:08

7 identicon

Alveg sammála þér.  Annað, nú fara margir hamförum vegna lána sem veitt voru starfsmönnum bankanna til hlutabréfa kaupa.  Álmennir starfsmenn banka voru hvattir til að kaup og taka hagstæð lán.  Þá er það að þessi lán eru í skilanefndum bankanna sem eignir og verða væntanlega færðar yfir í nýju bankana eins og önnur skuldabréf.  Þá hefur heyrst að þessi bréf bankamanna eigi að meðhöndla einhvenvegin öðruvísi en annara skuldara.  Gæti það verið rétt og á hvaða orsendum og hver er þín skoðun því ?

Helga (IP-tala skráð) 1.11.2008 kl. 01:56

8 Smámynd: Jón Magnússon

Góð spurning Anna. Þingið lætur það yfir sig ganga að vera nánast tekið úr sambandi meðan ríkisstjórnin ráðstafar málum. Það er með ólíkindum að nákvæmar upplýsingar skuli ekki hafa verið lagðar fyrir þingið og gripið til sérstakra aðgerða vegna fjárlagagerðar fyrir árið 2009 og nauðsynlegra lagabreytinga til að draga úr ríkisútgjöldum.

Það getur ekkert venjulegt fólk eða fyrirtæki staðið undir þessu vaxtafári.  Það er ekki skynsamlegt að drepa niður framtakið.

Jón Magnússon, 1.11.2008 kl. 08:27

9 Smámynd: Jón Steinar Ragnarsson

Hefur einhverntíma þótt skynsamlegt að hætta vinnu eða brenna peningana sína til að draga úr útgjöldum?  Brenna húsið til að losna við trekkinn? Sökkva bátnum til að stöðva lekann?  Það er það sem verið er að gera. Og það eru skilyrði í samningi sem ekki ku vera búið að semja né skrifa undir!

Hvað segir lögmaðurinn? Er hægt að skrifa undir samning fyrr en öll skilyrði eru upp á borði og hægt að vega þau með og á móti hverju öðru?

Er lýðræðið ekki sterkara hér en svo að þegar í harðbakka slær, þá séu tvær manneskjur sem hafi úrslitavald?  Er þetta ekki eitthvað svipað og herlög eða einræði? 

Jón Steinar Ragnarsson, 1.11.2008 kl. 11:52

10 Smámynd: Halldór Jónsson

Gengið féll á föstudaginn þannig að ekki byrjuðu vextirnir að bíta þann dag. Ef þetta fúnkérar ekki með stýrivextina og gengið, hvað leggur þá IMF til næst  ? Meiri hækkun stýrivaxta ?

Talaði ekki Aliber um að dollar ætti að kosta 180 kall  ? Og bætti við að hvaða maður af götunni sem væri myndi geta stýrt efnahagsmálum á Íslandi betur en við erum að gera.  Hvernig skyldi líta  út í þjóðlífinu ef gengisspá Alibers gengur eftir í næstu framtíð auk stýrivaxtanna ?  

Halldór Jónsson, 1.11.2008 kl. 22:29

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 57
  • Sl. sólarhring: 1202
  • Sl. viku: 5801
  • Frá upphafi: 2277552

Annað

  • Innlit í dag: 57
  • Innlit sl. viku: 5363
  • Gestir í dag: 57
  • IP-tölur í dag: 56

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband