Leita í fréttum mbl.is

Leiðin til stjórnleysis.

Daglega berast fréttir af einstaklingum sem missa stjórn á skapi sínu og telja sér heimilt að ráðast til atlögu við dauða hluti eða lifandi fólk. Allt of oft verða ýmsir til að afsaka slíkt og benda á að bankahrunið valdi ójafnvægi hjá mörgum. Vel kann það að vera.  Samt sem áður þá er engin afsökun fyrir því að valda eignaspjöllum eða ráðast á fólk sem er að sinna störfum sínum.

Flestum er verulega brugðið við að lesa um  hvernig margir í viðskipta- og fjármálalífi landsins störfuðu fyrir hrun.  Mörgum gremst hvað seint gengur að koma lögum yfir þá sem virðast hafa gerst sekir um mjög alvarleg brot og valdið þjóðinni hundraða milljarða skaða.  Allt venjulegt fólk kallar eftir því að þessi mál verði gerð upp og verulegur kraftur settur í rannsókn og saksókn þessara mála. En þó að seint gangi þá gefur það engum rétt til að taka lögin í sínar hendur.

Saving Iceland hópurinn er sérstakt fyrirbrigði stjórnleysingja sem hafa talið sér heimilt að eyðileggja eignir fyrirtækja og ráðast gegn þeim sem eru að sinna löggæslustörfum. Það er ekki hægt að líða slíka framkomu. Réttarríkið byggir á því að fólk mótmæli með friðsamlegum. Slík mótmæli eru liður í lýðræðislegum afskiptum fólks. Þegar farið er yfir þau mörk þá er réttarríkinu ógnað.

Það er alvarlegt hvað stjórnvöld hafa lítinn skilning á nauðsyn þess að efla lögregluna. Það er ljóst að lögreglan þarf að takast á við mun fleiri og alvarlegri verkefni en áður. M.a. vegna þjóðfélagsástandsins, aukinnar fíkniefnaneyslu, vaxandi andfélagslegra viðhorfa og útlendra glæpahópa. 

Á sama tíma og draga á saman í lögreglunni og borið við fjárskorti á að setja 500 milljónir í stjórnlagaþing. Er það eðlileg forgangsröðun?  Mér finnst það ekki.

Krafan hlítur því að vera sú að efla lögregluna í stað þess að veikja hana. 

Mikilvægasta hlutverk réttarríkisins er að halda uppi lögum og innanlandsfriði. Það verður gert m.a. með öflugri löggæslu og hörðum refsingum yfir þeim sem hindra störf lögreglunnar eða ráðast á lögregluþjóna í starfi. 

Mér finnst alvarlegt að ríkisstjórnin skuli ekki hafa skilning á þörf traustrar löggæslu í landinu.


mbl.is Sparkað í höfuð lögreglumanns
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ómar Bjarki Smárason

Framkoma þessa hóps er alsendis fokastanleg, Jón, og alls ekki það sem við þurfum til að bjarga landi og þjóð í dag.

Borgarar þessa lands þurfa kannski að rísa upp gengn þessum fámenna hópi og koma honum í skilning um að við viljum ekkert með hann og hans meðlimi hafa....? Þeir virðast ekki virða neinar reglur um heiðarleg mótmæli og það að ráðast gengn lögreglumönnum sem eru að sinna sínum störfum með ofbeldi er algjörlega óafsakanlegt.

Ómar Bjarki Smárason, 7.8.2009 kl. 22:12

2 identicon

Ert þú sem sagt reiðubúinn að samþykkja að lögregla sé efld til að takmarka frelsi þeirra sem eru á öðru máli en þú, til þess að láta í ljós skoðun sína? Önnur spurning: Ertu á því að það ofbeldi sem beitt var í París í byltingunni sem leiddi til lýðræðis í Evrópu hafi ekki verið réttlætanlegt? Að lokum: Telur þú þig þess umkominn að skilgreina nákvæmlega hvar þau mörk liggja sem fólki ætti að leyfast að fara yfir í mótmælum? Og: Telur þú að mótmæli sem fara ekki yfir nein mörk geti borið árangur? Hugsaðu um síðastliðinn vetur.

Þorgímur Gestsson (IP-tala skráð) 7.8.2009 kl. 23:11

3 Smámynd: Skríll Lýðsson

"Daglega berast fréttir af einstaklingum sem missa stjórn á skapi sínu og telja sér heimilt að ráðast til atlögu við dauða hluti eða lifandi fólk."

Mér er það heimilt Jón, því ég er frjáls að mínum gerðum og hugsunum. Hvernig get ég sagt það?

Jú sjáðu til, öll lög eru viðmið í okkar samfélagi og það er mitt að velja hvort ég fari eftir þeim viðmiðum, en ég verð líka að gera mér grein fyrir því að fara ekki eftir þeim hefur afleiðingar og stundum alvarlegar afleiðingar fyrir mig og ekki síst aðra.

Að segja hluti einsog "að telja sér heimilt" bendir til þess að viðkomandi sé frekar konungssinnaður  heldur en lýðræðislega þenkjandi Jón, mundu það.

Skríll Lýðsson, 7.8.2009 kl. 23:17

4 Smámynd: Gústaf Níelsson

En þarf löggan alltaf að sinna kvabbi vegna fullra kalla og partýhávaða í heimahúsum? Við rekum heila sérsveit, sem mig rekur ekki minni til að hafi haft annað að gera en að koma drukknum mönnum í háttinn, og það um land allt.

Gústaf Níelsson, 8.8.2009 kl. 00:53

5 Smámynd: Jón Magnússon

Þetta er alveg rétt Ómar það er ekki lögleysi sem við þurfum núna.

Jón Magnússon, 8.8.2009 kl. 01:24

6 Smámynd: Jón Magnússon

Þetta er rangt Sigurður Hólm. Frelsi þitt endar þar sem nefið á næsta einstaklingi byrjar og þú ert bundinn af lögum og þeim samskiptareglum sem við höfum í siðaðra manna samfélagi. Ég átta mig síðan ekki á því hvað þú átt við þegar þú talar um konungssinna en til að taka af öll tvímæli þá er ég lýðveldissinni en ekki konungssinni af þeim ástæðum m.a. sem Thomas Paine skrifaði um í ritgerð sinni "Common sense" sem kom út á 18.öldinni og þú ættir að kynna þér hana og bók hans "The rights of man" og þá gætir þú e.t.v. skilið betur og skilgreint þá hugmyndafræði sem liggur að baki vestrænna þjóðfélaga.

Jón Magnússon, 8.8.2009 kl. 01:28

7 Smámynd: Jón Magnússon

Þú veist greinilega ekki kæri vinur minn Gústaf hvað það eru margvísleg störfin sem lögreglan þarf að vinna.

Jón Magnússon, 8.8.2009 kl. 01:29

8 Smámynd: Gústaf Níelsson

Víst veit ég minn kæri Jón að störfin eru margvísleg, en þarf alltaf að vera sinna hávaðasömum drykkjumönnum? Löggan á ekki að vera barnapía, sem kemur óþekku börnunum í háttinn.

Gústaf Níelsson, 8.8.2009 kl. 12:44

9 Smámynd: Jón Magnússon

Það er raunar óverulegur hluti af störfum lögreglunnar Gústav að tryggja almannafrið vegna drykkjuláta í heimahúsum. Lögreglan er kölluð til í þessum tilvikum vegna þess að drykkjulæti valda öðrum íbúum húss eða hverfis ónæði. Viljum við ekki búa við almannafrið. Eitt af verkefnum lögreglunnnar er að tryggja almannafrið.

Jón Magnússon, 8.8.2009 kl. 13:39

10 Smámynd: Skríll Lýðsson

Þú ferð villur vegar Jón, á allan hátt er ég frjáls að öllum mínum gerðum og ákvörðunum en einsog ég segi þá verð ég líka að taka afleiðingum gerða minna....ef til mín næst.

Skríll Lýðsson, 8.8.2009 kl. 16:13

11 Smámynd: Jón Magnússon

Þessi færsla þín Sigurður Hólm er með endemum. Þú segir ég verð þá líka að taka afleiðingum gerða minna  ef til mín næst. Það þýðir að þú ætlir ekki að taka afleiðingum gerða þinna nema þú neyðist til þín vegna þess að réttvísin hafi hendur í hári þínu.  Allir glæpamenn vita að þeir verða að taka afleiðingum gerða sinna ef til þeirra næst. Það er ekki þjóðfélagsleg ábyrgð eða eðlileg þjóðfélagshegðun í réttarríki að hugsa með þeim hætti Sigurður. Það verður að ætlast til þess af manni eins og þér Sigurður að þú haldir eðlilegri rökhugsun þó ekki sé nema um stutta athugasemd að ræða.

Jón Magnússon, 8.8.2009 kl. 21:53

12 Smámynd: Jón Magnússon

Vegna spurninga þinna Þorgrímur þá vil ég taka fram:

1. Efling lögreglunnar hefur ekkert með mínar þjóðfélagsskoðanir að öðru leyti að gera. Friðsamleg mótmæli eru hluti af aðgerðum í lýðræðisþjóðfélagi ég er þeim fyllilga samþykkur.

2. Ég vísaði í svari mínu við athugasemd í Thomas Paine sem skrifaði bókina "The rights of man" til varnar frönsku byltingunni og fjallaði þar um það af hverju hún væri réttlætanleg. Ég er í meginatriðum sammála þeim skoðunum sem Thomas Paine setti fram í því efni.

3. Það er ekki mitt að skilgreina hvar nákvæmlega þau mörk liggja. Lögregluyfirvöld hafa þann vanda á höndum og það er síðan dómstóla að dæma um það komi til þess hvort að þar hafi verið beitt réttum aðferðum eða ekki.

4. Þau mótmæli sem báru mestan árangur voru mótmæli sem Mahatma Gandhi stóð fyrir á Indlandi og leiddu til sjálfstæðis Indlands frá Bretum. Þau mótmæli sem Gandhi skipulagði voru friðsamleg og Gandhi lagði áherslu á að slík mótmæli bæru mestan árangur.

5. Mótmæli síðasta vetur voru fyrst og fremst til að koma Vinstri grænum til valda og þeir ásamt hluta af Samfylkingarfólki voru sporgöngumenn mótmælanna þó að margir aðrir kæmu þar að líka. g veit ekki hvort þú vilt kalla þessa ríkisstjórn árangur ef svo er þá erum við ekki á sama máli. Svo einfalt er það.

Jón Magnússon, 9.8.2009 kl. 16:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 1077
  • Sl. sólarhring: 1265
  • Sl. viku: 6722
  • Frá upphafi: 2277360

Annað

  • Innlit í dag: 1011
  • Innlit sl. viku: 6249
  • Gestir í dag: 950
  • IP-tölur í dag: 923

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband