Leita í fréttum mbl.is

Hverjir stjórna?

Þegar bankakerfið fór í þrot var það aðallega vegna þess að stærstu íslensku skuldararnir gátu ekki greitt skuldir sínar. Fyrirtæki eftir fyrirtæki sem einu sinni voru stöndug með góða eiginfjárstöðu reyndust ekki vera annað en skurnin. Allt eigið fé fyrirtækjanna hafði verið sogað úr þeim og milljarðaskuldir skildar eftir. Stjórnendur þessara fyrirtækja eru nú einn af öðrum að fá sérstaka fyrirgreiðslu í bankakerfinu þá sérstaklega í Arion banka og stjórna áfram fyrirtækjunum sem þeir keyrðu svo rækilega í þrot.

Eðlilega bregður fólki við að sjá endurreisn hins Nýja Íslands taka á sig þessa mynd. Enduróm þess mátti heyra á Alþingi í dag þar sem stjórnarþingmennirnir Skúli Helgason og formaður viðskiptanefndar Lilja Mósesdóttir sem sagði við það tækifæri að stefnumörkun vantaði í málinu.

Svo virðist sem Skúli Helgason og Lilja Mósesdóttir átti sig ekki á því að það er þeim að kenna að stefnumörkun vantar um það með hvaða hætti skuldir verði afskrifaðar bæði hjá einstaklingum og fyrirtækjum.

Raunar stendur mest upp á viðskiptaráðherrann og formann viðskiptanefndar að móta stefnu í þessum málum. Það er á þeirra ábyrgð  og ríkisstjórnarinnar  að málin skuli vera í þvílíkri endemis óreiðu sem þau Lilja og Skúli Helgason stjórnarþingmenn benda réttilega á.

Hvar er nú sá glaðbeitti viðskiptaráðherra Gylfi Magnússon sem kunni allan vanda að leysa við fræðimannsborðið í Háskólanum og sem ræðumaður á útifundum Harðar Torfasonar. Þraut hann erindið þegar hann þurfti að fást við raunveruleg viðfangsefni?

Hvar eru nú tillögur hinnar eitursnjöllu og ráðagóðu Lilju Mósesdóttur formanns viðskiptanefnar Alþingis sem hafði tillögur um lausn mála og endurreisn hins Nýja Íslands á reiðum höndum á Iðnófundum og öðrum fundum Gunnars Sigurðssonar leikstjóra fyrir ári síðan?

Aðgerðarleysiskostnaðurinn vegna vanhæfrar ríkisstjórnar er þegar orðin gríðarlegur. Þau siðrof sem nú eru að verða í þjóðfélaginu vegna siðlausra ákvarðana bankanna sem heyra undir ríkisstjórnina eru þó mun alvarlegri og leiða til þess að góðir Íslendingar hafa ekki lengur trú á íslensku þjóðfélagi.

http://www.mbl.is/mm/frettir/innlent/2010/02/17/gagnryndi_vinnubrogd_bankanna/


« Síðasta færsla | Næsta færsla »

Athugasemdir

1 identicon

Sæll Jón

Það er alveg augljóst hverjir stjórna og hafa gert í langan tíma ,eða frá stofnun lýðveldisins ,það er auðvitað fjármagnseigendur hverju sinni og nota þeir bankana til þess núna að komast yfir þær eignir sem hafa orðið gjaldþrota ,og voru notabeni í þeira eigu áður en allt hrundi .

Því miður er þetta bara blákaldur sanleikur og kominn tími til að almenningur fari að átta sig á þessu og gera eitthvað í því .

Ríkisstjórnin getur ekkert gert ,það er orðið alveg ljóst ,bankarnir fara sýnu fram án athugasemda og viðskiptará'herra vill ekki taka fram fyrir hendurnar á þeim að einhverjum óskiljanlegum ástæðum sem segir manni að þingmenn og ráðherrar eru valdalausir í höndunum á fjármagnseigendum sem svo aftur hafa löggjafavaldið í hendi sér og alla lögfræðingastéttina eins og hún leggur sig,það kann ekki góðri lukkað stíra.

Því miður er stjórnvaldið hlutlaust og ónýtt í höndum auðvaldsins.

Mbk DON PETRO

Með þeim auma lagaher

fólkið stjórnvöld smána,

Hæstarréttarrakkarner,

rífa stjórnarskrána.

H Pétur Jónsson (IP-tala skráð) 18.2.2010 kl. 11:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 391
  • Sl. sólarhring: 1005
  • Sl. viku: 6135
  • Frá upphafi: 2277886

Annað

  • Innlit í dag: 365
  • Innlit sl. viku: 5671
  • Gestir í dag: 358
  • IP-tölur í dag: 350

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband