DR1 og RÚV

Áramótaávarp danska forsætisráðherrans Helle Thorning-Schmidt var mjög athyglisvert. Hún lagði m.a. áherslu á að frelsi fylgdi ábyrgð, nokkuð sem samflokksfólk hennar hér telur ekki vera. Einnig var henni tíðrætt um nauðsyn samkeppni og að danir stæðu sig betur og legðu sig meira fram hver og einn til að ná árangri. Loks vék hún sérstaklega að menntun unga fólksins og sagði það stefnu sína að dönsk börn væru með bestu menntun sem völ væri á.

Að loknu ávarpi danska forsætisráðherrans var fjallað um ræðu hennar af tveim fréttamönnum danska sjónvarpsins og þrem fulltrúum stjórnmálaflokka. Að mínu mati fagleg afgreiðsla fjölmiðils á einni mikilvægustu ræðu sem forsætisráðherra flytur á hverju ári.

Á RÚV í gær flutti forsætisráðherra sína áramótaræðu, sem var að mestu endurtekning á þeim atriðum sem hún fjallaði um í Morgunblaðsgrein sama dag. Að ræðunni lokinni var engin umræða frekar en verið hefur. Stjórnendur RÚV þurfa að skoða hvort það er ekki meiri þjónusta við almenning í landinu og faglegra að fara að eins og þeir gera hjá danska ríkissjónvarpinu.

Helle Thorning-Schmidt lagði í ræðu sinni áherslu á gildi ábyrgðar, frjáls markaðar,samkeppni og framtíðina. Jóhanna Sigurðardóttir lagði áherslu á hvað ríkisstjórnin væri góð og hvað við værum í góðum málum. Eina framtíðarsýnin var sú að troða stjórnlagaráðstillögunum ofaní þjóðina.

Forseti lýðveldisins gerði stjórnlagaráðstillögurnar og fruntaskap forsætisráðherra að umtalsefni í áramótaræðu sinni og fjallaði um málið eins og sannur landsfaðir og benti á það mikilvægasta í málinu. Formenn stjórnmálaflokka ættu að taka mark á því sem forseti lýðveldisins sagði í þessu efni og setjast nú þegar niður til að móta þær tillögur um breytingar á stjórnarskránni sem þokkaleg sátt er um og þjóðin er almennt sammála um að nái fram.

En varðandi ávarp forsetans þá væri einnig við hæfi að RÚV hefði umræður um ræðuna strax að henni lokinni eins og gert er í danska sjónvarpinu varðandi ræðu forsætisráðherra.

Athugasemdir

[Anna Sigríður Guðmundsdóttir, 2.1.2013 kl. 02:02]

Jón. Besta ávarpið sem ég hlustaði á, var ávarpið frá Noregskóngi.

Það er rétt að minna almenning á, að núverandi Noregs-kóngur á heiðurinn að því að hafa ætlað sér að hafna kóngalífinu fyrir sína Sonju, en þá bökkuðu æðstuöflin í Norge, og samþykktu hans ágætu alþýðlegu konu.

Hann lagði áherslu á margt í sinni ræðu, en mér er efst í huga núna, að hann hvatti fólk til að vera þær persónur, sem þær væru fæddar til að vera, og sagði frá því að Nelson Mandela væri hátt skrifaður hjá honum, fyrir að leggja á sig fangavist til að verja sannfæringu sína og réttlætið. Hann minntist líka á bréf frá 10 ára stelpu, sem fannst mikilvægast að tala saman og drekka kakó. Ekki kostar það allan olíuauð Noregs?

Raunveruleg auðæfi eru ódýrust og ekta. Það skynja óspilltu börnin best.

Ný FRAMTÍÐ, eru óska-skilaboðin frá mér til allra, á þessu nýja 2013. ári.

Það virðist stundum gleymast, að lögmanna-hæstirétturinn er verndarstofnun stjórnsýslu-spillingarinnar á vesturlöndum og kannski víðar. Það verður að breytast á árinu, ef almenningur á að eiga einhverja von um annað en þrælalíf. 

Þeir sem raunverulega vilja vera heilir í því sem þeir eru að segja og gera, til að bæta heimssamfélagið, verða að treysta á sína eigin sannfæringu, innsæi og kraft fyrir því góða. Það er kallað að ganga á guðs vegum. Guðinn er í sálartetri hvers manns, og tengist milliliðalaust við alheimsgóðu ljósorkuna, en tengist ekki gylltum trúarbragða-turnum vísinda-trúarinnar!

Heimurinn verður ekki mannúðlegri en við sjálf, hvert og eitt, gerum hann. Hlúum að okkur sjálfum, til að við getum hlúð að öðrum.

Veraldleg og einskisverð banka-embættismanna-auðæfi, sem líklega eru byggð á mörghundruð ára gömlum banka-verðbréfa-svikamyllum seðlabankanna, mun ekki færa nokkurri þjóð, né heiðarlega stritandi almenningi mannréttindi, frekar en fyrr.

En sumir vilja prófa eina heimsstyrjöld í viðbót, til að reka sig á sama afneitunar-vegginn aftur! 

Í þetta sinn á sú heims-valdaráns-styrjöld að kenna almenningi að óttast bankaræningja seðlabankakerfisins víðförla. Í dag verja bankareknir hernaðar-skriðdrekar vestursins gífurlega miklu af skattpeningum heiðarlegs fólks og fyrirtækja, (fjármagni sem einungis er til á fölsuðum pappírum), til að vernda gjörspillta og siðblinda eiturlyfjasölu og bankaræningja-elítu heimstjórnar-hringborðsins.

Er ekki rétt að skipuleggja endalok mannréttinda almennings, í samræmi við hernaðarstefnu varðhunda bankaræningjanna? Vill einhver áframhaldandi ólögleg klíku-viðskipti við seðlabanka-ræningja heimsins, undir fölsku nafni: "mannréttinda og friðar"!

Hvað þýðir orðið friður í raun?

Geta bankaræningja-sjónsýslufyrirtækin: Standard & Poor's og Moodý's svarað því? 

Er það ekki verkefni ársins 2013, fyrir misvitra, og jafnvel mishæfileikaríka yfirborgaða "fræðinga" heimsins, að læra hvað orðið "friður" þýðir í raun?

Það er rétt að minna á, að hin svokallaða "vestræna siðmennt" er að mestu leyti einungis til í glópagulls-fræðum óvandaðra heimsstjórnenda, enn sem komið er.

Meira að segja Vilhjálmur Egilsson, hinn Gildi, veit þetta allt saman! Hann talar alltaf eins og siðleysis-forritað, yfirborgað og óstöðvandi vélmenni, um hvernig "vernda" skuli rétt lífeyrisþega á Íslandi! Lífeyrisþega, sem flestir hafa verið rændir aleigunni af lífeyrissjóðnum Gildi, og eru enn lífeyrissjóðs-rændir af þeim lífeyrissjóð, og fleiri, um hver mánaðarmót?

Prúðuleikarinn: Vilhjálmur Egilsson, (SA-Gildi), er efniviður í heila háðs-brandarabók, bæði á Íslensku og ensku, ásamt klaufabárðar-bróður hans í ASÍ: Gylfa Arnbjörnssyni! Enda ganga þeir báðir fyrir sama yfirborgaða og klikkaða forritinu heimsbanka-stjórnaða!

Ég bið um að raunverulegur friður og kærleikur verði með þessum siðblindu einstaklingum, og hjálpi þeim að nudda stírurnar úr siðblindu augunum sínum, og leita sér hjálpar við sínum sjúkleika.

Það er ekki í mannlegu valdi einu saman, að hjálpa siðblindu-sjúku, valda/peninga-gráðugu og vísinda-heilbrigðisþjónustu-vanræktu fólki.

Hvað hefðu maya-indíánarnir gert fyrir svona vísinda-villuráfandi valdagræðgi-sjúklinga, ef þeir hefðu fengið tækifæri til að hjálpa þeim?

Kannski tími þeirra sé loksins kominn?

M.b.kv.

[Jón Magnússon, 2.1.2013 kl. 16:43]

Ég er svo lítið fyrir kónga og prjál Anna og þess vegna horfði ég ekki á nýársávörp þeirra ekki heldur Ólafs frænda þíns í Noregi, en af því að dæma sem þú segir þá hefur honum mælst vel.

[Anna Sigríður Guðmundsdóttir, 2.1.2013 kl. 20:20]

Jón. Ég er ekkert fyrir kónga og prjál frekar en þú. Það var persónan og áherslurnar, bæði fyrr og síðar hjá þessum manni, sem ég var að hrósa. Það er spurning hvort þessi kóngur sé meira skyldur mér heldur en þér, því það búa greinilega tveir ólíkir þjóðflokkar í gamla Noregi. Það sést á hára og augnlit, ásamt höfuðlagi  Norðmannanna.

Einhverjir þekkja sönnu söguna, sem aldrei hefur verið opinberuð.

Margrét danadrottning er líka frekar hátt skrifuð hjá mér, vegna sinna alþýðlegu og skynsamlegu skoðana.

Ég held að það sé okkur öllum hollt að hlusta á sem flesta, án einhverra fordóma og stimpla. Það þýðir ekki að fólk sé mikið fyrir kónga/drottningar og prjál, þótt það hlusti á það sem þetta fólk hefur að segja. Best er að hlusta á alla jafnt, án stöðu þeirra, og mynda sínar eigin skoðanir um málin.

Þú myndir nú ekki tapa neinu á því að hlusta á kallinn, þótt hann sé titlaður sem kóngur. 

M.b.kv. 

[Jón Magnússon, 3.1.2013 kl. 13:42]

Ég er alveg sammála þér um að Haraldur kóngur og Margrét drottning sé gott og hæfileikaríkt fólk. Ég er hins vegar lýðveldissinni og á móti konungdómi sem byggir á því að þetta fólk hafi þegið vald sitt frá Guði og sé öðru vísi en annað fólk.  Það er það sem ég hef að athuga við það en ekki annað.