Skattar á neytendur

Vilhjálmur Bjarnason þingmaður Sjálfstæðisflokksins greiddi atkvæði gegn sérstökum skatti á bankanna og sagði að hann væri á móti þessum skatti af því að þetta væri skattur á neytendur.

Það er ánægjulegt að þingmaður sé á móti skattlagningu á þeim forsendum að hún sé skattur á neytendur.  Ef til vill var þó skatturinn á bankana ekki rétti vígvöllurinn í því sambandi. Þeir skattar sem bitna hvað þyngst á neytendum eru auknar álögur ríkisins á neysluvörur. Þá hækkar vöruverð og líka verðtryggðu lánin í kjölfarið. Ef til vill má þá búast við því að Vilhjálmur Bjarnason taki rösklega til hendinni eftir áramót og leggi fram tillögur um lækkun  á sköttum á bensín, áfengi og tóbak svo nokkrar vörur séu nefndar þar sem ríkið hefur endalaust verið að bæta við álögum.

Sá skattur sem er þó alfarið neytendaskattur er virðisaukaskatturinn sem fyrir löngu er komin upp fyrir öll skynsamleg hámörk. Það er því mikið verk að vinna að lækka skatta á neytendur.

En Vilhjálmur greiddi atkvæði með öllum neytendasköttunum sem bitna hvað harðast á neytendum. En valdi að skýra andstöðu við bankaskattinn með því að hann bitnaði sérstaklega á neytendum. Getur það verið að bankaskatturinn bitni á neytendum umfram aðra skatta í þjóðfélaginu?  

Athugasemdir

[Sigurður Þórðarson, 23.12.2013 kl. 14:08]

Aðeins eitt er verra en að bankarnir tapi og það er ef hinir erlendu bankar græða of mikið og flytja arðinn úr landi. Í báðum tilfellunum mun almenningur borga brúsann.

Spurningin til Vilhjáls:

Getur það verið að bankaskatturinn bitni á neytendum umfram aðra skatta í þjóðfélaginu?

Vill hann svara strax, fá aðra spurningu eða hringja í vin?

[Rafn Haraldur Sigurðsson (IP-tala skráð) 23.12.2013 kl. 17:07]

Það er ekkert skrítið að hann Villi fjárfestir sé á móti bankaskattinum enda af mikilli bankaelítu kominn og má ekkert aumt sjá hjá þeim sem mega sín meira í þjóðfélaginu.

[Ásthildur Cesil Þórðardóttir, 23.12.2013 kl. 21:59]

Þessi þingmaður virðist vera þarna í skjóli auðvaldsins, það þarf að grisja svona fólk út af alþingi í næstu kosningum, þeir hafa ekkert að gera sem þjónar fólksins á alþingi íslendinga.

[Júlíus Björnsson, 24.12.2013 kl. 02:34]

Óbeinir neytenda skattar í gegnum ekki vsk þjónustu fyrirtæki [sjá "secondary market" og eignamillifærslur milli fyrirtækja: "not value adding"] skekkja samanburðar mynd af hugsanlega raunvirðisaukandi þjónustu ["value adding service"] rekstarformum ef þeir eru hærri en meðtalið í helstu viðskipta ríkjum.  

Velferðarkerfi eða grunn  framfærslu og heilsu tryggingar borgara utan Íslands , svo sem í UK, USA og Þýskalandi eru fjármagnaðar með neytenda sköttum. Þjóðverja leggja á 40% flatan skatt á allar útborganir til starfsmanna [starfandi], helming er skilað í nafni starfsmanns fastur tekju stofn heilbrigðikerfisins þar og grunn framfærslu trygginga. Stór sniðugt ef heildar laun hækka, þá hækka líka laun þeirra innkom lægstu og grunn heilsugeirans eftirspurn vex eftir nauðsynja vörum í grunni.      Líka þá virkar þetta að þeir neytendur sem geta valið og velja það sem hækkar óeðlilega valda verðbólgu , sem þá ekki bitar á þeim innkomu lægstu og heilsu geiranum.  Þjóðar öryggis gjaldið í UK er 15% á úrborgað til starfsmanns.  USA er 17,5% á útborgarnir til allra einstaklinga.  Bæði í Þýskalandi og USA þurfa atvinnuveitendur að skila sömu upphæð í sínu nafni þannig við eru að tala um 40% lagt á launaveltu í Þýskalandi og 35% á launveltu í USA. Talið til fyrirmyndar af flestum nágranna ríkjum. þeir sem vilja ekki fjármagna velferðkerfi svelta þá sem sitjandi krákur.

Þjóðverja nota síðan þrepa skatta á brúttó árs innkomu sinn þegna, og það til að fjármagn [ekki almanntryggingar ] heldur rekstur stjórnsýslu þrepanna.    Þetta er líka stór sniðugt efsta þrepið fjármagna toppa í Ríkja sambandinu og 1 þrepið sveitarstjórnir.

Málið er Íslendingar  telja oft umræður á þingum erlendis léttvægar um velferða mál, það skýrist með að langtíma samtíma  föstum tekju stofnum  [sjóðum].  Skólamáltíðir í USA spara öllum fjölskyldum stórar upphæðir við á móti stéttaskiptingu.   Danir er líka með Folke pension 1903 og samtíma ellitryggingu í grunni og því er ellitrygging Atvinnuveitenda viðbót til þeirra frá 1965. UK gefur sínum þegnum að velja á milli ríkis ellilífeyris eða vinnuveitenda ellilífeyris.

Aðal atriðið er að valda ekki sveiflum í neytendagrunni tryggja alltaf lámarks eftirspurn [vsk. borgar þjónustuna við fyrirtækin. Almenningur erlendis verslar ekki gamlar eignir eða gamlar fastar daglega.

Svo með verðlagsvístölur eins og neytendaverðvísir CPI sem mælir breytingar á neytenda körfu ársins á undan milli mánaða.   þá er verðflokkar með í myndinni.  1 flokks vínber eru það í 2 mánuði og þá er eðlilegt  að bera svo hluti við hvað þeir kostuðu fyrir 12 mánuðum. 

Síðan er spurning um nota bara CPI hér á Ísland breytingar er mjög spennandi og nota svo PPP-krónu ársgengi. þar sem breytingar á PPP er ráðandi á öllu smærri mörkuðum svo sem EES.  PPP mælir vegið meðtal á öllum söluskattskyldum þáttum yfir alla jörðina  þannig er alltaf nýtt raunvirði á hverju ári.    Mæli tímabilið og magnið tryggir nákvæmi hann.  Ísland er núna með hcip-krónu gengi.  Sumt er að mati EU borgara verðmætara en t.d. USA borgarar vilja greiða.

Bankaskattur bitnar á þeim sem skulda mest, ekki á Vilhjálmi tel ég.

  Íslendingar hafa aldrei skilið að erlend fyrirtæki vilja ekki greiða innkomu skatta.  Það er vegna þess að nægir að skattleggja þegar greitt er út til einstaklinga.   Erlend fyrirtæki greiða fasteigna skatta og velferðaskatta og óbeint hálauna þrepa skatta líka. Við gerum greinar mun á lögpersónum sem er ekki af holdi og blóði, og einstaklingum sem eru það. Ríkið selur kennitölur ber ábyrgð á sinni sölu.

[Sigurður K Hjaltested (IP-tala skráð) 24.12.2013 kl. 14:08]

Já Villi fjárfestir. Hann vill ekki borga krónu af neinum arði sem hann og hans líkar eru að mergsjúga af almening í landinu. Einnig má benda á að þessi "Ósvífni" kjarasamningur sem undirritaður var af Gylfa milljónera, er til einskis vegna hækkana um áramótin á ýmsum vörum sem hleypa elskunni þeirra beggja, Villa og Gylfa, verðtryggingunni upp og þar með er kaupmátturinn farinn áður en til hans kemur. Þvílíkt leikrit. Annars til þín Jón, gleðilega hátíð og farsælt komandi ár, vonandi fyrir okkur öll.

M.b.kv.

[Sigurður Kristján Hjaltested (IP-tala skráð) 25.12.2013 kl. 15:36]

Já Villi fjárfestir. Hann vill ekki borga krónu af neinum arði sem hann og hans líkar eru að mergsjúga af almening í landinu. Einnig má benda á að þessi "Ósvífni" kjarasamningur sem undirritaður var af Gylfa milljónera, er til einskis vegna hækkana um áramótin á ýmsum vörum sem hleypa elskunni þeirra beggja, Villa og Gylfa, "verðtryggingunni" upp og þar með er kaupmátturinn farinn áður en til hans kemur. Þvílíkt leikrit. Annars til þín Jón, gleðilega hátíð og farsælt komandi ár, vonandi fyrir okkur öll.

M.b.kv.

[Þórólfur Ingvarsson, 26.12.2013 kl. 14:56]

Það er ömurlegt að þessi furðufugl skuli vera á þingi ég bara skil ekki hvernig það gat gerst en það gerist ekki aftur því það er vandalaust í þessu tilfelli að læra af reynslunni fyrir það sjálfstæðisfólk, sem reyndar er furða að sé til, sem studdi hann á þing.