Hlýnunin sem hvarf.

Klappstýrur vísindamanna sem boðað hafa hlýnun jarðar af mannavöldum í tvo áratugi rembast við að að halda því fram að hún sé enn í gangi, þrátt fyrir  þá óþægilegu staðreynd, að engin hlýnun hefur verið í heiminum í síðustu 14 ár samfellt.

Öll tölvúlíkön og forspár talsmanna hnattrænnar hlýnunar hafa reynst röng. Einn helsti sérfræðingur Sameinuðu þjóðanna í hnattrænum hlýnunarmálum Kevin Trenberth, segir að ástæða þess að hnattræn hlýnun hafi ekki mælst í 14 ár sé vegna þess að heimshöfin hafi gleypt hlýnunina frá árinu 1997 djúpt í sjónum þar sem við verðum hennar ekki vör. Heimshöfin eru því að hlýna gríðarlega þar sem við verðum þess ekki vör. Æðstu prestar  hnattrænu hlýnunarinnar  hafa gripið þessa kenningu fegins hendi.

Engar sannanir eða líkindi hafa verið færð fram fyrir þessari kenningu  Trenberth. Nú hefur virtasti haffræðingur heimsins  Carl Wunsch staðhæft að það sé ekkert sem styðji kenningu Trenberths nema tölvulíkön og þvert á kenninguna þá hafi heimshöfin ekki hlýnað heldur  kólnað síðustu ár. 

Nigel Lawson fyrrum fjármálaráðherra Breta heldur því fram að kenningar um hnattræna hlýnun af mannavöldum standist ekki rökfræðilega skoðun. Af þeim sökum  fær ekki að tjá sig á BBC. Þeir sem efast er haldið frá fjölmiðlum og opinberum styrkjum.  Það er billjóna bísníss í dag að hræða fólk með hnattrænni hlýnun. Sá bísníss gæti orðið dýrasta lygi mannkynssögunnar. 

Hvernig er hægt að skýra það með vitrænum hætti að um sé að ræða hnattræna hlýnun af mannavöldum vegna koltvísýringsmengunar þegar engin hlýnun hefur átt sér stað í 14 ár þrátt fyrir aukinn útblástur. Af hverju ekki skoða hlutina með opnum huga. Af hverju ekki að leggja meiri peninga í umhvefisvernd, hreinlæti og uppbyggingu og draga úr dansinum í kring um þessa pólítísku veðurfræðina. 

Athugasemdir

[Kristinn Pétursson, 28.7.2014 kl. 10:00]

Við Ísland hefur sjávarhiti fyrir Noðrurlandi ekki enn náð bestu "síldarárunum" 1924-1960.  Heimildir eru um túnfiskvöður í Vopnafirði sumarið 1952 og smokkfisk við NA land á þessum árum - trúlega vegna  meiri sjávarhita en í dag.

Norsk-Ísl. síldin hefur lónað út af NA landi í fyrra og í ár - en er ekki komin norður fyrir land eins og á "síldarárunum".  Fiskar halda sig í kjörhitastigi og þegar það kólnaði með hafísárunum 1965-1972 f´ðerll meðalhiti á 50 m dýpi í mælipunktu S3 norður af Siglunesi - úr 5,22°C 1924-1960 í mínus -1,1°C árið 1969.  Meðalhiti í S3 var svo 2,8°C 1972-1992.  Þá fór að hlýna aftur  en ekki enn búið að ná bestu árunum 1924-1960.   Sé tekið við af sjávarhita fyrir Norðurlandi - vantar enn aðeins upp á að ná bestu árunum 1924-1960.

Ríkuleg ástæða er til að fara varlega þegar "tískuvísindi" er að ræða 

[Ómar Ragnarsson, 28.7.2014 kl. 11:36]

Síðustu 14 ár hafa raðast inn fleiri af hlýjustu árum hér á landi en áður hefur þekkst. Stórfelld áform um umsvif á heimsskautssvæðinu byggjast á sífelldri minnkun hafíss og jökla. Íslensku jöklarnir halda áfram að minnka jafnt og þétt. Öll náttúran, gróður, dýralíf og fiskistofnar eru í örri breytingu vegna breyttra lífsskilyrða. Á þessu ári hafa flestir ef ekki allir mánuðir verið hlýrri en í meðalári. Samt hlýnar ekkert. En gaman.

[Vilhjálmur Eyþórsson, 28.7.2014 kl. 13:21]

Það er ekki í 14 ár, sem ekkert hefur hlýnað, heldur tæp 18 ár eða síðan í september 1996 sbr. hér: http://www.climatedepot.com/2014/07/03/global-temperature-standstill-lengthens-no-global-warming-for-17-years-10-months-since-sept-1996-214-months/

[Vilhjálmur Eyþórsson, 28.7.2014 kl. 13:22]

Það er ekki í 14 ár sem ekki hefur hlýnað, heldur tæp 18 ár, sbr. hér: http://www.climatedepot.com/2014/07/03/global-temperature-standstill-lengthens-no-global-warming-for-17-years-10-months-since-sept-1996-214-months/

[Valur (IP-tala skráð) 28.7.2014 kl. 16:03]

Er þá makrílinn og fjöldi annarra nýrra tegunda við Ísland bara tilviljun Jón Magnússon og hafa ekkert með vísbendingar að gera? Og er það þá líka tilviljun að þessar nýju tegundir koma úr hafinu sunnan við okkur og leita hingað norður eftir þar sem sjór er kaldari? Meira ruglið þegar menn leggjast á sveif með risa stórum iðnjöfrum sem gefa frat í náttúruna og er nákvæmelga sama þó komanid kynslóðir komi að öllu í rúst.

[Ingvi Gautsson (IP-tala skráð) 28.7.2014 kl. 16:25]

Pislahöfundur, sem stendur í miklum rekstri og ýmisa hagsmuna að gæta, segir alla umhverfisvísindamenn vera að ljúga til að komast í feita rannsóknarsjóði. Já við könnumst öll við þessa umhverfissinna sem keyra um á Bensum og hanga á kampavínsklúbbunum. Eins gott að við látum þá ekki ljúga af okkur einhverri vitleysu bara til að þeir geta grætt peninga.

[Hörður Þórðarson, 28.7.2014 kl. 19:55]

Vinsamlega skoðið línuritin á þessari síðu.

http://www.skepticalscience.com/graphics.php?g=47

Þau sýna hvernig hægt er að misskilja lang tíma þróun með því að líta eingöngu á mörg stutt tímabil þar sem það gerist sem manni finnt að eigi að vera að gerast. Ef hins vegar er litið á langt tímabil í heild er augljóst hvert stefnir. 

http://www.ncdc.noaa.gov/sotc/

"The globally averaged temperature over land and ocean surfaces for June 2014 was the highest for June since record keeping began in 1880. It also marked the 38^th consecutive June and 352^nd consecutive month with a global temperature above the 20^th century average. The last below-average global temperature for June was in 1976 and the last below-average global temperature for any month was in February 1985."

"For the ocean, the June global sea surface temperature was 1.15°F (0.64°C) above the 20^th century average of 61.5°F (16.4°C), the highest for June on record. This also surpasses the previous all-time record for any month by 0.09°F (0.05°C); the previous record had been set in June 1998 and tied in October 2003, July 2009, and just last month in May 2014. The margin of error is ±0.07°F (0.04°C)."

Getur einhver viti borinn maður haldið því fram að engin hlýnun hafi átt sér stað?

[Jón Magnússon, 28.7.2014 kl. 22:59]

Þetta sem þú bendir á Kristin er einmitt athyglisvert í þessu sambandi og sýnir hvað það er varasamt að draga allt of miklar ályktanir af veðursveiflum yfir stuttan tíma.

[Jón Magnússon, 28.7.2014 kl. 23:01]

Sem betur fer höfum við fengið mörg góð ár Ómar og ég vona að við fáum mörg góð og hlý ár til viðbótar.  En spurningin er hvort hlýnun er af mannavöldum eða ekki. Ég er að benda á að þau vísindi sem halda því fram hafi verið ótrúverðug miðað við spádómana sem settir hafa verið fram frá því á síðustu öld. Svo vonum við að hraunavinum finnist gaman í kvikunni.

[Jón Magnússon, 28.7.2014 kl. 23:02]

Þetta er sjálfsagt rétt Vilhjálmur en ég miðaði við árið 1998 sem ég fékk upplýsingar um að hefði verið heitast.

[Jón Magnússon, 28.7.2014 kl. 23:02]

Nei makríllinn og margar aðrar tegundir eru ekki tilviljun heldur vegna aðstæðna í sjónum þannig hefur það alltaf verið með flökkustofna.

[Jón Magnússon, 28.7.2014 kl. 23:03]

Það er engin að halda því fram að engin hlýnun hafi átt sér stað Hörður. Spurning er hins vegar hvort hér sé um eðlilega hitasveiflu að ræða eða hvort það er hlýnun af mannavöldum. Síðustu ár hefur ekki hlýnað og það er athyglisvert.

[Hilmar Hafsteinsson (IP-tala skráð) 28.7.2014 kl. 23:36]

Hörður Þórðarson, spámaður vindanna, hefur skemmtilega vísindalega nálgun á laaaaaaaaaangtímaspár IPCC. Svo er hann líka ekki í vafa um andlega yfirburði sína í rökræðum um loftslagsmálefni:

"Af hverju ætti það sem einhver hobbíisti skrifar að hafa einhverja vigt? Hann getur pikkað á sína tölvu daginn út og inn, en það þýðir ekki að hann hafi nokkuð markvert fram að færa."(sic)(http://omarragnarsson.blog.is/blog/omarragnarsson/entry/1417168/)

Og heimildir Harðar eru skotheldar, www.skepticalscience.com, þar sem ástralski teiknimyndahöfundurinn John C(r)ook ræður ríkjum og www.ncdc.noaa.gov, þar sem gagnafágun er ekkert vandamál :)