Leita í fréttum mbl.is

Breyttist eitthvað við bankahrunið?

Þegar stóru viðskiptabankarnir urðu gjaldþrota árið 2008 opnaðist fyrir fólki margt furðulegt í fjármálaheiminum. Margir ráku augun í að sami eða sömu aðilar áttu ógrynni félaga sem áttu síðan hvort í öðru og mynduðu ógrynni af viðskiptavild og óefnislegum verðmætum sem voru síðan einskis virði.

Spurningarnar sem vöknuðu hjá fólki voru m.a. af hverju þurftu sömu aðilar að eiga tug eða hundruð einkahlutafélaga þegar eitt hefði  verið nóg nema þegar þurfti að millifæra, búa eitthvað til og kaupa þrotabú félaga í eigu sömu aðila. Þá spurði fólk líka hvernig á því hefði staðið að stjórnendur gjaldþrota bankanna hefðu verið svo vitlausir að lána félögum sem voru í raun gjaldþrota ef ekki hefði tilkomið bókhaldslegar færslur um svonefnd óefnisleg verðmæti.

En hefur eitthvað breyst?

Helsti samnefnari eigenda fjölmiðlasamsteypunnar 365 miðla, sem á 99.97% hlutafjár hefur  sett  hlutafjáreign sína að veði til  Landsbankans. Hvað skyldi vera virði þeirra?

Heildarskuldir 365 eru í dag 7.6 milljarðar og heildareignir eru 8.4 milljarðar samkvæmt nýju uppgjöri. Í sjálfu sér fínt þegar skuldsett félag á  700 milljónum meira en það skuldar. Þegar nánar er skoðað kemur í ljós að 5.7 milljarðar af eigninni er óefnisleg,viðskiptavild. Rauneignir félagsins eru bara 2.4 milljarðar.

Nýi Landsbankinn hefur lánað 365 miðlum 7 milljarða þrátt fyrir að efnislegar eignir félagsins séu aðeins 2.4 milljarðar eða þriðjungur lánsins.  Er einhver glóra í svona lánveitingum. Hvað skyldu nú vökulir rannsóknarblaðamenn og margverðlaunaðir fréttahaukar á RÚV og víðar hafa um þetta að segja? 


« Síðasta færsla | Næsta færsla »

Athugasemdir

1 Smámynd: Jón Þórhallsson

Aðal-spurnign hlýtur að vera hvað sé hægt að læra af reynslunni?

Er t.d. hægt að aðskilja almenna viðskiptabanka sem venjulegt fjölskyldufólk á viðskipti við (Sparisjóðs-hugsjón)

og 

fjárfestingabanka þar sem að milljarðamæringar leika sér í Matador.      (Wall Street-hugmyndafræðin)

Jón Þórhallsson, 5.11.2014 kl. 12:26

2 Smámynd: Tryggvi Helgason

Er þarna ekki enn ein ástæðan og hvatningin til þess að endurreisa íslendskt efnahagslíf, með því að fólk, - almenningur, - sameinist um að stofna nýjan stjórnmálaflokk, flokk frelsis, fullveldis og framfara ?

Sá nýji flokkur bjóði síðan fram lista með nýju fólki í öllum kjördæmum, í næstu kosningum til Alþingis. Á stefnuskránni verði fremstu málin, tvö höfuðmál, en þau eru; ...

Fyrst og fremst; ... Afnám vísitölutrygginga á lánum ásamt með bakreikningi og endurgreiðslu á ofgreiddum innheimtum, mörg ár aftur í tímann...

Og annað höfuðmál; ... að afnema með öllu núverandi fiskveiðakerfi, (svokallað kvótakerfi), og fiskiveiðar gerðar frjálsar öllum Íslendingum á hinu íslendska hafsvæði, - á skipum í eigu Íslendinga og sem skrásett eru á Íslandi.

Tryggvi Helgason, 6.11.2014 kl. 20:54

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 519
  • Sl. sólarhring: 924
  • Sl. viku: 6263
  • Frá upphafi: 2278014

Annað

  • Innlit í dag: 472
  • Innlit sl. viku: 5778
  • Gestir í dag: 457
  • IP-tölur í dag: 445

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband