Gegn Guði

Eftir að Jón Ásgeir helsti skuggastjórnandi 365 miðla hf gerði mágkonu lögmanns síns að yfirstjórnanda miðilsins var það eitt fyrsta verkið að láta fyrrverandi ritstjóra Fréttablaðsins hætta með laugardagspistla sem hann hafði skrifað um árabil. Þeir pistlar voru skrifaðir á vandaðri íslensku og fjölluðu jafnan um Evrópusambandið.

Í staðinn var Jón sem kallar sig Gnarr fenginn sem pistlahöfundur. Stílbrögð hans eru til muna einfaldari og fjalla um pistlahöfundinn sjálfan upplifanir hans og baráttu. Síðasti pistillinn sem hefði eins getað heitið "Barátta mín" fjallar um átök pistlahöfundar við Guðdóminn og þá niðurstöðu hans að Guð sé ekki til.

Raunar eru þessar hugleiðingar borgarstjórans fyrrverandi léleg eftiröpun á heimspeki Friedrich Nietsche sem sagði m.a. á næst síðustu öld: "Faðirinn í Guði hefur verið rækilega afsannaður" Niðurstaðan var síðan hin sama og hjá Jóni Gnarr að afneita allri tilvist æðri máttar af því að Guð væri dauður eða ekki til. 

Þó pistlar ritstjórans fyrrverandi hafi á stundum verið einsleitir þar sem hann fjallaði nánast eingöngu um Evrópusambandið, þá er þar þó af meiru að taka og mun víðtækra, mikilvægaara og flóknara viðfangsefni en umfjöllun Jóns Gnarr um sjálfan sig.

Hætt er við að fljótlega þrjóti Jón Gnarr örendið ef hann ætlar eingöngu að einbeita sér að umfjöllun um þetta takmarkaða viðfangsefni,sjálfan sig og barátttu sína. Þó er dæmi þess að stjórnmálamaður fyrir miðja síðustu öld í Þýskalandi hafi um árabil haldið úti skrifum um sjálfan sig og baráttu sína og endað með  því að gefa út bók um efnið,  sem hét einmitt því merka nafni

"Barátta mín."  

Athugasemdir

[Jón Þórhallsson, 16.2.2015 kl. 10:28]

Það er hægt að skoða þetta út frá tveimur sjónarhornum:

1.Að sálarneisti GUÐS búi í okkur öllum og þess vegna sé GUÐ á lífi.

http://thjodarskutan.blog.is/blog/thjodarskutan/entry/1484453/

--------------------------------------

2.Kannski mætti segja að að "guð sé dauður" ef  að staðgengill guðs (Biskupinn) sé óvirkur= Ef að hann stendur ekki lengur vörð um heilaga ritningu og fordæmir sambönd fólks af sama kyni eins og BIBLÍAN kveður á um:

http://thjodarskutan.blog.is/blog/thjodarskutan/entry/1356315/

[Wilhelm Emilsson, 16.2.2015 kl. 10:29]

Þess má geta að norski rithöfundurinn Knausgard gaf nýlega út sjálfsævisögulega skáldsagnaröð sem hann kallar Min Kamp. 

[Matthías Ásgeirsson, 16.2.2015 kl. 10:33]

Svo var það stjórnmálamaðurinn sem skrifaði pistilinn "Ísland fyrir íslendinga" fyrir nokkrum árum. Sumir myndu segja að hann hafi ekki efni á að kenna aðra við hugmyndafræðina sem hann vísar til í lokaorðum þessa pistils.

[Már Elíson, 16.2.2015 kl. 10:35]

Er þráhyggja þín gagnvart nafna þínum, Jón, ekki að nálgast hámark ? - Fer þetta ekki alveg að kallast gott ? - Þetta er að verða svolítið "aulahrollslegt" hjá þér, en hver og einn má að sjálfsögðu hafa sínar skoðanir. Mér finnst þú persónulega setja þig á ákveðinn stall sem þráhyggjumaður sem daðrar við einelti í skrifum þínum. - Það er hins vegar þitt mál að eiga við. - Persónulega sakna ég Þorsteins Pálssonar líka úr Fréttablaðinu en finnst hugleiðingar Jóns Gnarr alveg eiga rétt á sér og get alls ekki lesið það sama út úr hugleiðingum hans eins og þú. - Ég kem kannski jákvæðari að þessu og hleyp ekki í manninn heldur skoða frekar innihaldið þess betur. - Þetta er mín skoðun -

[Predikarinn - Cacoethes scribendi , 16.2.2015 kl. 10:40]

Heil Gnarr !

[DoctorE (IP-tala skráð) 16.2.2015 kl. 11:26]

Það er ekki hægt að fara gegn guði, þar sem guð er ekki til!

[Gunnlaugur I., 16.2.2015 kl. 12:21]

Þessir tveir pistlahöfundar Fréttablaðsins eru reytandi og eru svokallaðir þráhyggjublaðamenn. Þorsteinn gat um ekkert annað talað en Evrópusambandið og Gnarrinn talar aðeins um Guð og sjálfan sig !

[Jón Steinar Ragnarsson, 16.2.2015 kl. 14:03]

"Mágkonu lögmanns síns..." Ég verð að segja að þar skellti ég uppúr.

Fannstu ekkert bitastæðara til að gera þetta starfsmannahald tortryggilegra. :D

[Jón Magnússon, 16.2.2015 kl. 14:50]

Góðar athugasemdir Jón Þórhallsson

[Jón Magnússon, 16.2.2015 kl. 14:51]

Það hafa ýmsir notað þetta í gegn um tíðina Wilhelm. Stundum er það bara skondið þegar menn gera það með vísan til sögunnar. Eins og í þessu tilviki.

[Jón Magnússon, 16.2.2015 kl. 14:54]

Hvað var að þeirri grein Matthías. Þar var bent á að allir sem væru komnir inn í landið ættu rétt á sömu mannréttindum. Það var varað við að það kæmu of margir innflytjendur á stuttum tíma þannig að við réðum ekki við að búa fólki mannsæmandi lífskjör og aðstöðu. Það var varað við Íslömskum öfgamönnum og gagnrýnt að þáverandi ríkisstjórn hefði ekki nýtt sér undanþáguákvæði í EES samningi. Heitið á greininni var raunar stolið frá Bubba Morthens úr samnefndu ljóði. Þú ættir að lesa greinina Matthías áður en þú fordæmir. Alltaf betra að kynna sér málin.

[Jón Magnússon, 16.2.2015 kl. 14:56]

Það verður hver að hafa sína skoðun Már. Ég er ekki í neinu einelti gagnvart Jóni Gnarr en finnst óneitanlega að þær tvær greinar sem hann hefur skrifað í Fréttablaðið vera mjög skondnar. Ég leyfi mér að vekja athygli á því með sama hætti og ég mundi gera ef þú skrifaðir slíkar greinar. Ég er semmála þér með Þorstein hans greinar voru mjög málefnalegar.

[Jón Magnússon, 16.2.2015 kl. 14:56]

Er það nú ekki aðeins of mikið Prédikari er það ekki annar foringi sem hempuklæddur Prédikari færir sérstakar kveðjur.

[Jón Magnússon, 16.2.2015 kl. 14:57]

Doctor E ég vissi að þú mundir láta til þín taka í þessari umræðu. Þú og Jón Gnarr hafið ykkar skoðun á því ég hef aðra .

[Jón Magnússon, 16.2.2015 kl. 14:58]

Það er alveg rét Gunnlaugur alla vega hvað varðar þann síðarnefnda.

[Jón Magnússon, 16.2.2015 kl. 14:59]

Jón Steinar ég var ekkert að gera neitt tortryggilegt varðandi starfsmannahaldið.

[Matthías Ásgeirsson, 16.2.2015 kl. 15:56]

> "Hvað var að þeirri grein Matthías."
Hvað var að grein Jóns Jón?

Ekki neitt.

Ég las greinina Jón. Málflutningur þinn er og hefur alltaf verið skammarlegur, þú höfðar til lægstu hvata.

[Jón Magnússon, 16.2.2015 kl. 16:19]

Takk fyrir hólið og skætinginn Matthías. Er það að höfða til lægtu hvata að benda á nauðsyn þess að allir njóti mannréttinda sem eru hér á landi?

[Predikarinn - Cacoethes scribendi , 16.2.2015 kl. 16:45]

Jú vissulega kæri Jón.

Ég er nú að vísa í það sem þú nefnir í lokin um þann þýska og bók hans sem útleggst réttilega hjá þér á íslensku sem „Baráttan mín“ - í því ljósi sneri ég heilsaninni upp á Gnarrinn.

Hann er kannski að stefna að því með hugleiðingum Fréttasnepilsins og sjálfs sín á forsetaframboði því sem sífellt er migið utan í. Honum myndi ekki leiðast að fá hrópað

Heill Gnarr !

[Grímur (IP-tala skráð) 16.2.2015 kl. 18:35]

Jón Kristjánsson hefur hingað til haft frítt spil og ekki þurft að hafa skoðun á neinu.

Ég vona að hann skrifi sem flestar greinar sem fólk getur vitnað til þegar hann tilkynnir að hann ætli að flytja til Bessastaða

[Jón Magnússon, 16.2.2015 kl. 20:11]

Ef til vill kann það að vera Prédikari.

[Jón Magnússon, 16.2.2015 kl. 20:13]

Ég vona það líka Grímur. En það er nú einu sinni þannig að þeir sem koma fram sem algóðir og mæla með öllum góðmálum án þess að bera nokkra ábyrgð geta róið ansi lengi í gruggugu vatni. Eða eins og Abraham Lincoln sagði "You can fool all of the people some of the tima. Some of the people all of the tima o.sfr.v" Spurningin er hvað margt fólk all of the time.

[Jón Magnússon, 16.2.2015 kl. 20:16]

Matthías Ásgeirsson ég hafði ekki áttað mig á hvaða erinda þú gekkst með skrifum þínum. En mér hefur verið sagt og síðan kannað sjálfur að þú ert helsti forvígismaður Vantrúar, sem virðist leggja sérstaka fæð á kristna trú og fylgjendur hennar. Ekki skrýtið að þú skulir gefa palladóma eins og þú sitjir í háhæðum. Það á við þig greinilega það sama og hrútaberin sögðu á sínum tíma þegar þau sögðu: Við erum epli.

[Matthías Ásgeirsson, 16.2.2015 kl. 22:50]

> "virðist leggja sérstaka fæð á kristna trú og fylgjendur hennar."

Það eru auðvitað bara dylgjur, jafnvel ærumeiðandi rógburður, að fullyrða að ég beri sérstaka fæð á fylgjendur kristinnar trúar. Þú mátt alveg endurhugsa þetta og taka til baka þegar þér hentar.

[Jón Magnússon, 17.2.2015 kl. 20:14]

Mér hentar það ekki Matthías nema þú sýnir það í verki. Hingað til hefur félagsskapurinn Vantrú beint spjótum sínum sérstaklega gegn kristinni trú og það á sama tíma og viðmótið gagnvart Íslam virðist allt annað. En svo ætla ég ekki að eiga frekari orðaskipti við þig hér og sækist í sjálfu sér ekki eftir þeim. Ef þér finnst þannig vegið að æru þinni með ummælum mínum þá átt þú þá borgaralegu réttarvernd að láta reyna á það fyrir dómi.