Leita í fréttum mbl.is

Er það svo?

Í dag kom utanríkisráðherra lýðveldisins Íslands á framfæri mótmælum íslensku ríkisstjórnarinnar við stefnu Bandaríkjaforseta í innflytjendamálum. Af því tilefni tók utanríkisráðherra fram í nafni íslensku þjóðarinnar.

"Bandaríkin hafa ætíð og framar flestum öðrum tekið opnum örmum á móti innflytjendum."

Er það svo?

Eftir að Bandaríkin voru fullmótuð hefur það verið miklum takmörkunum háð að vera samþykktur af stjórnvöldum sem innflytjandi með full borgararéttindi. Þess vegna þurfti fólk t.d. að dveljast langdvölum á Ellis Island fyrir utan New York þangað til það gat sýnt fram á að það væri ekki haldið sjúkdómum og gæti séð fyrir sér sjálft. Bandaríkjamenn voru ekki að taka við ómegð eins og Evrópa þ.á.m. Ísland eru að gera í dag.

Á þessari öld hefur verið reynt að sporna við innflutningi fólks til Bandaríkjanna með ýmsu móti. M.a. hefur verið reist girðing og múr að hluta eftir landamærum Bandaríkjanna og Mexícó og á tíma Obama var þessi landamæravarsla aukin, en dugar ekki til og þess vegna segist Trump ætla að gera hana markvissa til að ætlunarverk Obama um að koma í veg fyrir innflytjendastraum frá Mexícó verði að veruleika.

Staðreyndin er sú að á þessari öld hafa Bandaríkin ekki framar flestum öðrum tekið opnum örmum á móti innflytjendum nema síður sé.

Annar hluti mótmæla utanríkisráðherra er við þeirri ákvörðun Bandaríkjaforseta, að veita ekki fé skattborgaranna til upplýsingagjafar um fóstureyðingar.  

Forsendur ríkisstjórnarinnar í nafni íslensku þjóðarinnar eru:  

"Aðgengi að öruggum fóstureyðingum er mikilvægt mannréttinda- og heilbrigðismál".

Er það svo?

Hvar stendur það í íslensku stjórnarskránni að aðgengi að öruggum fóstureyðingum sé mannréttindamál. Er það að finna í mannréttindasáttmála Sameinuðu þjóðanna eða Mannréttindasáttmála Evrópu eða Mannréttindalögum Íslands?

Það er eitt að hafa ákveðnar skoðanir. Annað að færa fram sanngirnisrök fyrir þeim. Síðan er spurning hvort þjóðríki  er að abbast upp á önnur ríki og stjórnvöld með þessar skoðanir.

En er það virkilega svo að íslenska ríkisstjórnin telji ástæðu til að hlutast til um það að öruggar fóstureyðingar verði leyfðar og styrktar af fé skattgreiðenda í öllum löndum heims?

Utanríkisráðherra má þá hafa sig allan við að senda mótmæli til þeirra 48 aðildarríkja Sameinuðu þjóðanna þar sem fóstureyðingar eru bannaðar. Í því sambandi er þá líka spurning af hverju beindi íslenska ríkisstjórin ekki mótmælum til þessara 48 ríkja í stað þess að vandræðast við Bandaríkjamenn út af mun minna tilefni?


« Síðasta færsla | Næsta færsla »

Athugasemdir

1 Smámynd: Tómas Ibsen Halldórsson

Donald Trump er í mun að gæta öryggis allra Bandaríkjamanna, bæði fæddra og ófæddra.  Þessu er öfugt farið hér á landi, íslenskum stjórnvöldum virðist sama um öryggi allra Íslendinga, bæði fæddra og ófæddra.

Utanríkisráðherra tekur fullan þátt í leikaraskap villta vinstrisins.

Tómas Ibsen Halldórsson, 31.1.2017 kl. 16:56

2 Smámynd: Helga Kristjánsdóttir

Þessi ríkisstjórnar kokkteill verkar illa á Íslendinga. Trosnaðar pólitísku línurnar ná engri tengingu hér heima,skilaboðin eru því ,bentu á þann sem að þér þykir verstur,þú veist þarna í vestrinu/ skræk...

Helga Kristjánsdóttir, 31.1.2017 kl. 20:39

3 Smámynd: Erla Magna Alexandersdóttir

Eftir að hafa lokað öllum mörkuðum við Rússa með bullinu í ser -LOKA ÞEIR NÚ LIKA ´A BANDARÍKIN  er eitthvað í hausnum á þessu liði ?

 Er fólk her í stakk búið til að dæma um INNANRÍKISMÁL ANNARA LANDA  ?

Erla Magna Alexandersdóttir, 31.1.2017 kl. 20:50

4 Smámynd: Elle_

Góð gagnrýni frá Jóni. Maðurinn var ekki með neina heimild til að tala svona fyrir heila þjóð. 

Elle_, 31.1.2017 kl. 21:04

5 Smámynd: Jón Magnússon

Því miður tekur öll ríkisstjórnin þátt í því Tómas nema e.t.v. Sigríður Andersen og ÞKRG.

Jón Magnússon, 1.2.2017 kl. 00:18

6 Smámynd: Jón Magnússon

Tómas Ibsen þú ættir að skoða ummæli Þorgerðar Katrínar í innflytjendamálum fyrir kosningar og stefnu ríkisstjórnarinnar. Mér sýnist hún hafa farið í 180 gráðu snúning í málinu frá því í kosningunum.

Jón Magnússon, 1.2.2017 kl. 00:19

7 Smámynd: Jón Magnússon

Einmitt Erla Magna. Þá sagði þessi keiki Framsóknarráðherra Gunnar Bragi að það væri til þess vinnandi fyrir málstaðinn. Hvaða málsstaður var það nú eiginlega? Alveg fráleit glópska. Nú er ráðist með offorsi að helstu vinaþjóð okkar í gegnum áratugina.

Jón Magnússon, 1.2.2017 kl. 00:21

8 Smámynd: Jón Magnússon

Takk Elle.

Jón Magnússon, 1.2.2017 kl. 00:21

9 Smámynd: Jón Steinar Ragnarsson

Það má alveg segja að örugg fóstureyðing sé mannréttindamál, rétt eins og önnur heilbrigðisþjónusta og líknarmál.

Athugaðu að það er verið að tala um ÖRUGGAR aðgerðir.

Fóstureyðingar stoppa ekki þótt þær verði bannaðar. Þær voru framkvæmdar af kuklurum í dimmum kjallaraholum hér áður með t.d. Lut eog vírherðatrjám, sem leiddi oft til dauða og örkumla ungra mæðra.

Lögleiðing fóstureyðingar var viðbragð við þessu og flutt þessa þjónustu upp á borðið.

Deila má um hversu rífleg heimild er til fostureyðinga og hvar takmarkanir eigi að vera. Þetta ætti að vera háð ýtarlegu og einstaklingsbundnu mati. Frelsi fylgir ábyrgð. Bann sendir þetta neðanjarðar aftur með skelfilegum afleiðingum.

Jón Steinar Ragnarsson, 1.2.2017 kl. 01:55

10 Smámynd: Guðmundur Jónsson

Ég held að Guðlaugur þór hafi hlaupið illa á sig í þessu. Hann hefur bara trúað ruglinu sem vellur út úr fjölmiðlunum á vesturlöndum þessi misseri þar sam allir sem gera eitthvað í einhverju eru úthrópaðir sem illmenni og "góða fólkið" sem gerir ekki neitt í neinu látið komast upp með það.

Guðmundur Jónsson, 1.2.2017 kl. 09:00

11 Smámynd: Jón Magnússon

Ég er í sjálfu sér ekki að taka afstöðu til fóstureyðinga í þessari færslu Jón Steinar. Ég er að vísa til viðbragða íslensku ríkisstjórnarinnar til fjárveitinga í Bandaríkjunum og fullyrðinga sem standast ekki.

Jón Magnússon, 1.2.2017 kl. 10:10

12 Smámynd: Jón Magnússon

Það er nú það Guðmundur. Stjórnmálamenn eru kosnir til að standa í lappirnar og þeir sem eru hægra megin verða að læra að láta ekki hrífast með vinstra bullinu og áróðursmeisturunum á fréttastofu RÚV.

Jón Magnússon, 1.2.2017 kl. 10:11

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 63
  • Sl. sólarhring: 1202
  • Sl. viku: 5807
  • Frá upphafi: 2277558

Annað

  • Innlit í dag: 62
  • Innlit sl. viku: 5368
  • Gestir í dag: 62
  • IP-tölur í dag: 61

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband