Leita í fréttum mbl.is

Nú er nóg komið

Theresa May forsætisráðherra Bretlands sagði í ávarpi sínu til bresku þjóðarinnar í kjölfar hryðjuverkaárásanna á London Bridge, að nú vær nóg komið (enough is enough) Raunar er þetta vígorð hollenska stjórnmálamannsins Geert Wilders,sem bannað var að koma til Bretlands í innanríkisráðherratíð Theresu May fyrir hatursáróður, þó ekki næðist að framfylgja því banni.

En það er fyrir löngu nóg komið. Frá því að fólk var keyrt niður af íslamistum við Westminster til dagsins í dag eftir Manchester vígin og nú hryðjuverkin á og við London Bridge hefur breska lögreglan komið í veg fyrir 5 fyrirhugaðar hryðjuverkaárásir. Væri breska lögreglan ekki eins frábær og hún er þá lægju nú hundruðir til viðbótar í valnum bara í þessum og síðasta mánuði.

Það er ekki hægt annað en hrósa Lundúnarlögreglunni fyrir frábæran viðbúnað og aðgerðir í kjölfar hryðjuverkaárásanna. Frá því að árásirnar hófust þangað til Íslamistarnir höfðu verið skotnir liðu aðeins 8 mínútur. Sjúkralið og hjálparstarfsfólk stóð sig líka frábærlega vel. Þetta segir manni, að hefði varnarviðbúnaður lögreglu og hjálparstarfsfólks ekki verið svona gott þá hefðu Íslamistarnir fengið lengri tíma til að drepa og særa fleiri.

Enska lögreglan lét ekki staðar numið eftir að kennsl höfðu verið borin á hryðjuverkamennina og safnaði gögnum, gerði húsleitir hjá þeim og nágrönnum þeirra áður en dagur rann í morgun. Flott hjá þeim.

Það er nóg komið fyrir löngu. Stjórnunarelítan í Evrópu hefur neitað að horfast í augu við staðreyndir og forseti lýðveldisins Íslands er þar engin undantekning. Forveri hans gerði sér hins vegar góða grein fyrir að nú væri nóg komið- Enough is Enough.

Því miður held ég að íslenska lögreglan sé mjög svo vanbúin til að bregðast við og fást við hryðjuverk Íslamista. Í fyrsta lagi skortir á að nauðsynleg viðbragðsáætlun og góð stjórnun sé fyrir hendi. Í öðru lagði er þjálfun ábótavant og í þriðja lagi þá hafa íslensk stjórnvöld neitað að líta á hugsanlega hryðjuverkaárás sem möguleika og hafa vanrækt nauðsynlegan viðbúnað.

Sem dæmi um viðbúnað og vinnubrögð ensku lögreglunnar og þeirrar íslensku má minna á, að þegar árás var gerð á breskt stjórnerfi árið 2008 af skríl sem m.a.rændi verslanir auk annars, þá var lögreglan búin að skrásetja alla sem sáust á öryggismyndavélum nokkrum dögum síðar og búin að handtaka þá yfirheyra og gefa út ákærur viku síðar. Þegar skríll réðist á Alþingi í lok árs 2008 tók það íslensku lögregluna mánuði að ná saman haldbærum gögnum og síðan tók það meir en ár að gefa út ákærur.

Sigríður Andersen dómsmála- og lögreglumálaráðherra er sennilega sá stjórnmálamaður íslenskur í dag sem best er treystandi til að taka á þessum málum af alvöru og þeirri festu sem er nauðsynleg til að búa lögregluna þannig að hún eigi þess kost að bregðst til að vernda íslenska borgara með því að koma í veg fyrir hryðjuverk, en takmarka þau ella.

Ég skora á dómsmálaráðherra að setja þegar í stað vinnu í gang til að tryggja öryggi borgaranna með viðeigandi hætti og búa til öfluga viðbragðsáætlun þar sem lögregla, sjúkralið og aðrir sem geta aðstoðað fá nauðsynlega samfæingu og þjálfun.

Eftir allt saman þá voru varnaðarorð Geert Wilders hins hollenska og fleiri svonefndra "pópúlista"  og "hægri öfgamanna" varnaðarorð, en ekki öfgar. Varnaðarorð í tíma töluð þó elítan hafi skellt sínum löngu skollaeyrum við þeim. 


« Síðasta færsla | Næsta færsla »

Athugasemdir

1 Smámynd: Merry

Jón Magnússon

Þetta er góður grein, takk fyrir það. Það er kominn tími fyrir Ísland að fá lögreglumönnum þeirra reynslu sem þeir þurfa, til að geta gert eins gott starf og bresk lögregluþörf á tímum þarfir. 

Hugmynd er að senda lögreglumenn til að læra þetta beint frá breskum.

Merry, 4.6.2017 kl. 22:37

2 identicon

Sæll Jón,

Flottur texti hjá þér. Til hamingju.

bestu kveðjur

Stefán Einarsson

Stefán Einarsson (IP-tala skráð) 4.6.2017 kl. 22:52

3 Smámynd: Halldór Jónsson

Já, kannski hefði ekki átt að flýta sér svona að skila norku byssunum?

Halldór Jónsson, 4.6.2017 kl. 23:29

4 Smámynd: Jón Valur Jensson

Vel mælt, nafni, snilldarvel skrifað.

Jón Valur Jensson, 5.6.2017 kl. 05:45

5 Smámynd: Jón Magnússon

Þakka ykkur fyrir ykkar innlegg. Ég leyfði mér að hafna birtingu á skrifum manns sem telur Mossad ísraelsku leyniþjónustuna stnda á bakvið þessar hryðjuverkaárásir, sem ÍSIS hefur viðurkennt ábyrgð á. Fannst sú langloka einhvesstaðar í nánd við villtustu geimvísindi.

Jón Magnússon, 5.6.2017 kl. 07:46

6 Smámynd: Bjarni Jónsson

Ég er sammála ályktunum þínum í þessum pistli, Jón.  Það var sláandi yfirlýsingin, sem gefin var út af íslenzkum lögregluyfirvöldum eftir hvítasunnuódæðin í Lundúnum 2017, en hún var á þá leið, að "verklagsregla hefði verið virkjuð".  Skyldi sú virkjun hafa falið í sér að kalla einhvern búrókrata úr helgarfríi ?  Það er brýnt að taka viðbúnaðarmál gegn hryðjuverkum á Íslandi föstum tökum, og afar hjálplegt held ég yrði að fá kunnáttumenn á þessu sviði frá Englandi til að skipuleggja varnarviðbúnað og viðbrögð.  Það er löngu nóg komið hér í næsta nágrenni við okkur.  Moskurnar eru gróðrarstía ofbeldisáróðurs í nafni Islam, og nú verður sennilega tekið á þeim, en hér hefur borgarstjórn veitt leyfi til byggingar einnar.  Er það ekki einum um of einfeldningslegt ?

Bjarni Jónsson, 5.6.2017 kl. 08:19

7 Smámynd: Gísli Sigurðsson

Er það ekki á vakt núverandi valdhafa á Bretlandi sem fækkað hefur verið í lögregluliðinu í sparnaðarskyni. Og það líklega mest á ábyrgð Theresu May sem innanríkisráðherra. Sök bítur sekan.

Gísli Sigurðsson, 5.6.2017 kl. 10:44

8 Smámynd: Jón Magnússon

Takk fyrir það Bjarni og fyrir innleggið.

Jón Magnússon, 5.6.2017 kl. 14:27

9 Smámynd: Jón Magnússon

Það er hárrétt Gísli að þau fækkuðu í lögreglunni og formaður Verkamannaflokksins var ekki lengi að benda á það. Samt sem áður er lögreglan í London að vinna þrekvirki. En hér á landi hefur lögreglan verið svelt um árabil og jafnvel neitað um eðlilegan varnarviðbúnað.

Jón Magnússon, 5.6.2017 kl. 14:28

10 identicon

Evrópumenn hafa lengi álasað Bandaríkjamönnum fyrir að eyða allt of miklu til hernaðarmála (varnaðar).  Hins vegar vita fæstir að bandaríski flotinn hafi haldið opnum siglingaleiðum til áratuga öllum til hagnaðar .

Íbuar Evrópu hafa sjálfir ofast ekki áttað sig á hversu mikið þeir hafa notið þess. Evrópuþjóðir, alla vega þær sem eru meðlimir í Nató, hafa lengst til ekki eytt til varnarmála eins og til er ætlast.  Sá sparnaður hefur væntanlega verið notaður í eitthvað annað. Nú þegar Trump forseti segist vera orðinn langþreyttur á að bandarískir skattgreiðendur borgi brúsann, kreppir skóinn að á tvo vegu.  Hvernig ætlar Evrópa að verjast utanaðkomandi og innanað steðjandi hættu?  Hvaðan eiga þeir fjármunir að koma?  Hvað á að skera?  Hvernig á að samrýma fjölmennings hugsunina við raunveruleikann sem er óðum að verða ljós?  Um þetta ættu stjórnmálin að snúast en það er miklu auðveldara að einblína á hlýnun jarðar og að senda bara tíst í hvert sinn þegar svona hlutir gerast.

 

Frakkar eru sennilega búnir að panta ljós í öllum fánalitum Evrópu til að geta lýst upp Eiffel turninn og eru þar með búnir að skila sínu.

Sigurður Finnsson (IP-tala skráð) 5.6.2017 kl. 15:56

11 Smámynd: Jón Magnússon

Bandaríkjamenn bera ansi mikla ábyrgð á ásandinu eins og það er. Í fyrsta lagi Írak í öðru lagi Afganistan í þriðja lagi Líbýa. Þeir átta sig ekki sjálfir á því hvílíkt skaðræði þeir hafa verið á þessari öld. Hverjir vígvæddu Osama bin Laden, hvaðan fengu ISIS menn vopnin og áfram mætti lengi halda Sigurður.

Jón Magnússon, 5.6.2017 kl. 20:48

12 identicon

Masterminder Lundúnaódæðanna fékk sínu framgengt með að ná fram pólitískum glundroða og sundrungu í breskum stjórnmálum á síðustu metrum kosninganna. Sem segir að skipuleggjendurnir skarpir skipuleggjendur og mjög hættulegir samfélaginu í heild sinni í von sinni sem rætist þegar íslamska samfélagið í Bretlandi verður fyrir hefndarárásum í kjölfar nýliðinna ódæða í Manchester og London. 

Th (IP-tala skráð) 5.6.2017 kl. 21:27

13 identicon

Frábær árangur hjá Lögreglu í London hérna, sjá flott myndband:

Þorsteinn Sch Thorsteinsson (IP-tala skráð) 5.6.2017 kl. 23:38

14 Smámynd: Jón Valur Jensson

Hverjir vígvæddu Osama bin Laden, nafni? Með hvaða vopnum felldi hann Tvíburaturnana? Ekki vopnum úr vopnaverksmiðjum Bandaríkjanna, heldur með farþegaflugvélum. Og nú eru notuð "vopn" í formi bifreiða og trukka til að skaða Verturlandamenn, sem og gömlu hnífarnir (viðbjóður, en ekki fjármagnaður af Bandaríkjunum).

, hvaðan fengu ISIS-menn vopnin? Keypt kannski af vopnasölum, evrópskum ekki síður en bandarískum, en hugsanlega fyrir fé sem þeir hafa fengið frá Tyrkjum fyrir kaup á olíu af hernámssvæðum ISIS í Norður-Írak?

Ekki veit ég til þess, að Bandaríkin hafi verið í viðskiptum við Osama bin-Laden, ekki öðrum en vopna"viðskiptum", þ.e. bardögum og árásum. Ekki var vitað til þess, að talibanar myndu ráðast á Vesturlönd, þegar Bandaríkin miðluðu vopnum til Afganistans að berjast gegn hernámsliði Sovétríkjanna í Afganistan (þeir voru þar frá 1979 til 1989).

Það voru Sameinuðu þjóðirnar sem löghelguðu innrás fjölþjóðahersins í Afganistan árið 2001 vegna árásarinnar á Tvíburaturnana og vegna þess að saudi-arabíski talíbaninn Mohammad Omar og félagar hans, sem fóru með ríkisstjórn í Khabúl, neituðu að afhenda al-Qaída-liðana sem önnuðust þjálfun hryðjuverkamanna í æfingabúðum þar í landi og voru ábyrgir fyrir þeirri sveit Mohammads Attah, sem stýrði flugvélaránunum 11. sept. 2001. Sjá ennfremur grein mína Um vanhugsaða gagnrýni á nauðsynlega stríðsaðgerð (um innrás fjölþjóðahersins í Afganistan 2001, um viðbrögð MFÍK, um harðstjórn talibana og fyrri stríðsatburði), Mbl. 24. nóvember 2001.

Svo er ég mjög sammála Bjarna verkfræðingi  Jónssyni hér ofar um að lögreglan á Íslandi þarf að skipuleggja betur varnarviðbúnað og viðbrögð. Ennfremur þarf að koma í veg fyrir að moskurnar verði "gróðrarstía ofbeldisáróðurs í nafni Islam," en litla trú hef ég á því, að borgarstjórn Dags reyni það eða setji hugmyndafræðileg skilyrði fyrir starfsleyfi moskanna. Já, vissulega var það "einum um of einfeldningslegt" að veita leyfi til byggingar nýrrar mosku, en við hverju búast menn af þessum sofandi og sjálfsefjuðu vinstrimönnum?

Jón Valur Jensson, 6.6.2017 kl. 11:10

15 Smámynd: Jón Magnússon

Bandaríkin studdu Mújahedíana sem börðust við Rússa í Afganistan. Osama var einn þeirra.

Jón Magnússon, 6.6.2017 kl. 20:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 1181
  • Sl. sólarhring: 1210
  • Sl. viku: 6826
  • Frá upphafi: 2277464

Annað

  • Innlit í dag: 1101
  • Innlit sl. viku: 6339
  • Gestir í dag: 1031
  • IP-tölur í dag: 999

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband