Leita í fréttum mbl.is

Er ekki ísinn farinn af Norðurpólnum?

Æðsti prestur trúarbragðanna um hnattrænna hlýnun af mannavöldum Al Gore, spáði því fyrir 9 árum að Norðurpóllinn yrði íslaus fyrir 2018. Annar háttsettur prestur í reglunni Karl Bretaprins sagði að allt yrði komið til fjandans um mitt ár 2017 og samkvæmt spádómi NASA átti Manhattan að vera sokkinn í sæ fyrir nokkrum árum. 

Þó árið 2018 sé komið þá haggast ísinn á Norðurpólnum ekki. Sjávarborð hefur ekki hækkað og Manhattan er enn vettvangur iðandi mannlífs. Hlegið er að ruglinu í Karli Bretaprins.

Ekkert af því sem spáð hefur verið um þróun hnattrænnar hlýnunar af mannavöldum hefur reynst rétt.  

Samt sem áður heldur stjórnmála- og vísindaelíltan fast í, að nauðsynlegt sé að setja hindranir í veg framleiðslufyrirtækja, og leggja skatta á einstaklinga til að fórna á altari heimstrúarbragða pólitísku veðurfræðinnar 

Íslenska ríkisstjórnin lætur sitt ekki eftir liggja og þeir sem þurfa að setja bensín á bíla sína ættu að minnast þess þegar þeir greiða reikninginn að hluti hans er Katrínarskattur vegna ofangreindra trúarbragða 

Þrátt fyrir að Kanada og Norður hluti Bandaríkjanna sé í dag gaddfreðinn. Meiri snjór sé nú í svissnesku og ítölsku Ölpunum en mörg undanfarin ár. Það hefur jafnvel snjóað á Sahara eyðimörkinni. Þvert á það sem Al Gore spáði um íslausan Norðurpól þá snjóar á Sahara. Þessar staðreyndir skipta talsmenn trúarbragðanna engu máli. Þeir hafa tekið trúna og margir þeirra græða á því, en við hin þurfum að borga hærri skatta og hærra vöruverð fyrir þetta rugl.

Hvernig stendur á því að þegar það liggur nú ljóst fyrir að yfirborð sjávar hefur ekkert hækkað á þessari öld. Hitastig hefur ekki breyst svo neinu nemi frá aldamótum og engin eylönd hafa farið í kaf eins og líka var spáð, að samt skuli helvítisspámenn hrikalegra hamfara vegna hlýnunar halda sem fastast við falsspár sínar - og fólk trúa þeim?

Gæti það verið vegna þess að vísindaelítan sækir gríðarlega styrki til að rannsaka hnattræna hlýnun, en þeir vísindamenn sem andæfa og segja þetta vera rugl fá ekki neitt.

Getur það verið vegna þess að hnattræna hlýnunin er orðin big business fyrir fyrirtæki m.a. með verslun á kvótum fram og til baka.

Getur það verið vegna þess að ýmsar þjóðir eins og t.d. Kína og Indland vilji ná forskoti á Vesturlönd, en að því stefnir Parísarsamkomulagði sem Trump réttilega hafnaði.

Getur það verið vegna þess að hávær grátkór eyríkja í Kyrrahafi og ríkja í Afríku og Asíu vilja fá allar trilljónirnar sem kveðið var á um í Parísarsamkomulaginu að Evrópa og Norður Ameríka skyldi greiða þeim. Eitthvað er það.

Getur það verið vegna þess að í meir en 20 ár hefur æska Vesturlanda þurft að sæta markvissri innrætingu í skólum og fjölmiðlum um þessa nýju Grýlu, sem er þó enn hrikalegri en sú sem sögð er búa í Esjunni. Á öllum öldum býr fólk sér til nýja tegund af draugasögum.

Með hverju ári koma fleiri göt á klæði hlýnunarspámannanna og á endanum mun barnið segja að þeir séu ekki í fötum - hvað skyldi þurfa að líða mörg ár þangað til og hvað skyldi ríkisstjórnin þá vera búin að ræna skattborgarana mörgum milljörðum. 


« Síðasta færsla | Næsta færsla »

Athugasemdir

1 Smámynd: Jón Frímann Jónsson

Bjánskapurinn hérna er með eindæmum. Plánetan er að hlýna og sjávarborð er að hækka, þetta er vísindalegar staðreyndir. Í dag er hækkun sjávar rúmlega 3.2mm á ári. Það hefur aldrei verið jafn lítill hafís á Norðurpólnum eða jafn mikill hiti.

Sjá nánar hérna.

https://climate.nasa.gov/

https://climate.nasa.gov/vital-signs/sea-level/ (hækkun sjávar)

Jón Frímann Jónsson, 9.1.2018 kl. 22:46

2 Smámynd: Emil Hannes Valgeirsson

Sæll Jón. Allt mjakast þetta þó vissa átt.

Hlýjasta ár á jörðinni frá upphafi gervitunglamælinga var 2016, en 2017 var það þriðja hlýjasta. Samanlagt er þetta hlýjasta tveggja ára syrpa sem mælst hefur. http://www.drroyspencer.com/2018/01/uah-global-temperature-update-for-december-2017-0-41-deg-c/

Minnsta útbreiðsla hafíss á norðurslóðum um áramót frá upphafi mælinga átti sér stað um nýliðin áramót. http://nsidc.org/arcticseaicenews/

Samanlögð hafíssútbreiðsla á norður- og suðurhveli er við það minnsta sem mælst hefur. Mældist minnst árið 2016 og næst minnst 2017. https://sites.google.com/site/arctischepinguin/home/global-sea-ice

Sjávarborð er við það hæsta sem mælst hefur. https://climate.nasa.gov/vital-signs/sea-level/

Emil Hannes Valgeirsson, 9.1.2018 kl. 23:31

3 Smámynd: Guðjón E. Hreinberg

Ekki Katrínarskattur heldur Unesco-skattur. Takk fyrir frábæran pistil.

Guðjón E. Hreinberg, 10.1.2018 kl. 00:19

4 Smámynd: Guðjón E. Hreinberg

- Önnur athugasemd. Í fyrra birtust fréttir um að Hofsjökull hefði stækkað ár frá ári síðustu tvo áratugi. Unesco klíkan þegir yfir því og þvaðrar um að Mýrdalsjökull fari minnkandi ár frá ári. Ekki eru þó lesendur minntir á að undir þeim jökli er þokkalega stórt eldfjall.

Guðjón E. Hreinberg, 10.1.2018 kl. 00:20

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 19
  • Sl. sólarhring: 115
  • Sl. viku: 4609
  • Frá upphafi: 2267753

Annað

  • Innlit í dag: 15
  • Innlit sl. viku: 4254
  • Gestir í dag: 15
  • IP-tölur í dag: 15

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband