Leita í fréttum mbl.is

Þegar RÚV fer úr vitsmunalegu sambandi við raunveruleikann.

Stundum velti ég því fyrir mér hvort það eitt að nafn Donald Trump sé nefnt leiði til þess að fréttastofa Ríkisútvarpsins fari úr vitsmunalegu sambandi við raunveruleikann. Eða hvort allt of margir sem þar starfa kunni ekki að skilja aðalatriði frá aukaatriðum eða einfaldlega svo pólitískt siðblindir að þeim sé fyrirmunað að segja hlutlausar fréttir.

Í gær var almenningi leyft að lesa minnisblað sem nefnd Devin Nunes þingmanns og formanns "House Intelligence Committee" um rannsókn alríkislögreglunnar þ.á.m. símhleranir í kosningamiðstöð Trump á grundvelli upplýsinga sem aðilar á vegum Demókrataflokksins útveguðu, borguðu fyrir og lugu að lögreglunni að væri heilagur sannleikur til að koma höggi á Trump. Þetta er hneyksli sem kemur sér illa fyrir Hillary Clinton og Barrack Obama auk ýmissa annarra af sama sauðahúsi.

RÚV skilur þetta hins vegar þannig að þarna sé kominn enn einn naglinn í líkkistu Trump. Talað er um hvað Demókratar í Bandaríkjunum segja um málið og hversu hneykslaðir þeir eru á því að lögleysa  þeirra skuli vera opinberuð. RÚV getur ekki greint aðalatriði frá aukaatriðum í málinu og sagt hlustendum sínum um hvað málið snýst. Það er byrjað á öfugum enda og mikilvægustu upplýsingarnar skila sér aldrei til hlustenda og var e.t.v. aldrei ætlað að gera það. 

Þetta hneykslismál Demókrata er með sama hætti og Watergate þar sem menn úr endurkjörsteymi Nixons forseta brustust inn í kosningamiðstöð Demókrata í Watergate byggingunni margfrægu og fengu makleg málagjöld. Þau málagjöld hefðu þeir ekki fengið ef fréttamiðlar allir sem RÚV hefðu endalaust talað við Nixon og Repúblikana um málið og engin hefði fengið að vita hvað gerðist. 

Þegar skýrsla er birt sem sýnir fram á að rangar upplýsingar frá kosningastjórn Hillary Clinton leiðir til þess að virkjuð er aðgerðaráætlun gegn kosningamiðstöð Trump og brotist inn í hana með hlerunum og rannsóknum þá er það alvarlegt mál í lýðræðisríki. Það minnir á Erdogan og aðferðir hans. En þegar Demókratar og Hillary eiga í hlut þá sér RÚV ekki hneykslið eða samhengi hlutana en telur, að nú þurfi Trump að taka pokann sinn.

Aumingja við sem þurfum að borga fyrir þetta lið sem eru áskrifendur að laununum sínum við að uppdikta rangar og lélegar fréttir. Finnst íslenskum stjórnmálamönnum og alvöru fréttafólki það boðlegt hvernig RÚV hagar sér?

 


« Síðasta færsla | Næsta færsla »

Athugasemdir

1 Smámynd: Helga Kristjánsdóttir

 Ég vissi um leið og uppáhalds orðatiltæki fréttastofu RÚV að Idolin þeirra væru æf af reiði,yfir ehv,t.d.,að Trump hefði leyft almenningi að lesa minnisblöð nefndar Devin Nunes,væri maðkur í mysunni.- Það sama er hérna heima þessi samkunda Krata er upp til hópa frek og alltaf æf, ef þeir hafa ekki völdin nægir að horfa á útsendingar frá Alþingi.

Helga Kristjánsdóttir, 3.2.2018 kl. 22:46

2 Smámynd: Ragnhildur Kolka

Hlustaði á þessa frétt og hugsaði það sama. Held að RÚV fái sínar fréttir beint úr Huffington Post svo bjagaðar eru þær.

Ragnhildur Kolka, 4.2.2018 kl. 00:53

3 identicon

Sæll Jón

Ég held að óþarfi sé að kenna Rúv um vanhæfni í bandarískrum stjórnmálum og er þar sama í hvora áttina er horft. Trump hefur innleitt einhverskonar echo-stjórnun í gegnum Twitter. Niðurstaðan er að engin vil vinna yfir miðjuna. Sem sé, fulltrúalýðræði sem er að stöðvast vegna heiftar. 

Eftir að þetta skjal kom fram varð til stormur á fréttastofum BNA, þar sem báðir fylkingar tala um að nú gæti mögulega komið upp stjórnarskrárkrísa frá báðum hliðum þ.e. hægri og vinstri.

Ég er ánægður með fréttaflutning Rúv af málinu, þeir hafa staðið sig með ágætum að skýra út þessa trúðasýningu sem staðið hefur linnulaust síðan Yfirtrúðurinn settist í stólinn. Það sem Rúv er að gera er að þeir eru að reyna túlka raunveruleika trúðsins eins og allir góðir sirkusunnendur gera. Vandamálið virðist þó helst vera að aðrir virðast hafa annað um þessa hluti að segja og segja þeir sumir að raunveruleikinn sé ekki svona heldur hinsegin. Það sem verra er að Yfirtrúðurinn vil ekki gefa upp áform sín og meiningar nema þá í besta falli með afstæðum hætti, þannig að sirkusaðdáendur túlka herlegheitin með sínu nefinu hvor.

Allt er þetta hin versta dilemma fyrir fólk í fleyri þúsund km. fjarlægð. Án nokkurs vafa hlýtur þetta að teljast besta sýning í heimi!

Sigþór Hrafnsson (IP-tala skráð) 4.2.2018 kl. 02:33

4 Smámynd: Kristinn Ásgrímsson

Eiður Guðnason sagði eitt sinn við fréttamann, "Þú átt að segja fréttir, ekki búa þær til." 

Það er með ólíkindum að hlusta og bera saman fréttir frá Ruv og erlendum miðlum...þegar kemur að Trump...

Davos ráðstefnan, gott dæmi, erlendir miðlar sögðu að Trump hefði verið ákaft fagnað...Rúv segir frá því að: Baulað hafi verið á Trump. Sorglegt að þetta heiti: Ríkisútvarp íslendinga.

Kristinn Ásgrímsson, 4.2.2018 kl. 16:47

5 Smámynd: Jón Valur Jensson

Nákvæmlega, Jón Magnússon, þú ert með aðalatriðið hér alveg á hreinu. Rúvið kallar hins vegar til vinstri manninn Jóhann Hlíðar Harðarson, lætur hasnn búa til fréttina og mæta svo á sérfræðingaborðið til að gefa eigin fréttatilbúningi meintan trúverðugleika, sem er þó ámóta mikill og gömlu tindabikkjunnar Nancy Pelosi.

Jón Valur Jensson, 4.2.2018 kl. 23:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 1123
  • Sl. sólarhring: 1219
  • Sl. viku: 6768
  • Frá upphafi: 2277406

Annað

  • Innlit í dag: 1053
  • Innlit sl. viku: 6291
  • Gestir í dag: 988
  • IP-tölur í dag: 958

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband