Fjöldamorðin í Dresden

Fyrir nokkru minntust þjóðarleiðtogar heims þess, að 75 ár eru liðin frá því að heimurinn sá hryllinginn í Auswitch fangabúðunum. Þá var skipulögð útrýmingarherferð á Gyðingum staðfest. Flestum er óskiljanlegt, að mannleg grimmd og ónáttúra geti náð þeim hæðum að myrða milljónir til að útrýma heilum kynþætti. Slíkt má ekki endurtaka sig. 

Í dag eru liðin 75 ár frá öðrum fjöldamorðum. Engir þjóðarleiðtogar mæta til funda eða fordæma þau. Þetta eru morðin á saklausu fólki í þýsku borginni Dresden. Bretar og Bandaríkjamenn gerðu gríðarlegar sprengjuárásir á borgina með þeim fyrirsjáanlegu afleiðingum að meirihluti borgarbúa dó. Tala látinna er á reiki, en settar hafa verið fram ágiskanir um að allt frá 25.000 manns til yfir 100 þúsund hafi dáið í loftárásunum. 

Loftárásirnar á Dresden voru gerðar þegar Þjóðverjar voru komnir að fótum fram í stríðinu. Rauði herinn var við landamærin í austri og Bandarísku og bresku herirnir við landamærin í vestri. Uppgjöf Þjóðverja var fyrirsjáanleg bara spurning um hvenær. Dresden var menningarborg. Þar voru engin hernaðarleg mannvirki eða annað sem skipti máli varðandi hernað eða varnir Þjóðverja. Árásin á Dresden var með öllu ástæðulaus. Þeir sem tóku ákvörðunina vissu að þúsundir óbreyttra borgara mundu deyja og hernaðarleg þýðing árásarinnar væri engin. Samt gerðu Bretar og Bandaríkjamenn sig seka um þessa óafsakanlegu grimmd gagnvart óbreyttum borgurum, sem höfðu ekkert til saka unnið.

Hryðjuverk? Stríðsglæpur?

Í sumar verða 75 ár liðin frá kjarnorkuárásum á japönsku borgirnar Hirhoshima og Nagasaki þar sem yfir 100 þúsund óbreyttir borgarar voru drepnir. Var einhver afsökun fyrir þeim árásum? Af hverju þurfti að ráðast á Nagasaki eftir að eyðileggingarmáttur sprengjunnar og morðanna í Hiroshima var öllum ljós?

Sagt er að Truman Bandaríkjaforseti hafi sagt frá því á leiðtogafundi Bandamanna, að Bandaríkjamenn ættu kjarnorkusprengju og spurning væri hvort ætti að nota hana. Sagt er að Stalín og Churchill hafi verið eindregið fylgjandi því þannig að það var sameiginleg ákvörðun leiðtoga Bandamanna að standa að þessum fjöldamorðum á óbreyttum borgurum. 

Eru kjarnorkuárásirnar á Hirhoshima og Nagasaki afsakanlegar?

Sé svo hvað afsakar þær?

Að frátaldri þeirri geðveiki að ætla að útrýma kynþætti, er þá einhver munur á því að steikja fólk í gasofnum eða vítislogum sprengja sem falla af himni ofan.

Bandaríkjamenn og Bretar ættu að setja sjálfa sig undir sömu mælistiku og þeir nota gagnvart öðrum og Rússar ættu að viðurkenna stríðsglæpi í síðari heimstyrjöld eins og útrýmingu um þriggja milljóna Þjóðverja í Austur Evrópu eftir uppgjöf Þjóðverja sem og ýmissa annarra hryðjuverka. 

En sekur er sá einn sem tapar. 

En til þess að mannleg grimmd og ónáttúra nái aldrei hæðum á ný, þá þurfa allir að kannast við sinn hlut og fordæma óafsakanleg hryðjuverk gagnvart saklausu fólki. Miklu skiptir í því efni að sigurvegararnir séu ekki undanskildir.

 

Dresden var menningarborg. Engin hernaðarmannvirki voru í borginni eða annað sem hafði hernaðarlega þýðingu. Þjóðverjar voru komnir að fótum fram í styrjöldinni. Rauði herinn var við landamæri Þýskalands í austri og Bretar og Bandaríkjamenn við landamærin í Vestri. Öllum var ljóst að ekki var spurning um að uppgjöf Þjóðverja væri á næsta leiti. Spurningin var bara hvenær ekki hvort. 

Miðað við þessar aðstæður er með öllu óskiljanlegt að bresk og bandaríks hernaðaryfirvöld skyldu ákveða að fremja þessi fjöldamorð. Fjöldamorð á saklausu fólki eru alltaf óafsakanleg og ekki skiptir máli hvort 

Athugasemdir

[Helgi Viðar Hilmarsson, 13.2.2020 kl. 14:11]

Eitt ódæðið kallar á annað. Það er vítahringur sem ekki stöðvast fyrr en annar aðilinn er hafður undir. Upphafið af þessu öllu er blóðug bylting sem framkvæmd var í Rússandi þar sem milljónir voru myrtar. Hugmyndafræði byltingarinnar miðaðist við iðnvædd ríki Evrópu en þar átti hún að fara fram. Ekki tókst að hrinda henni í framkvæmd þar þannig að bændasamfélag Rússlands varð fyrir valinu sem fyrsta ríki. Þýskaland var þó efst á óskalistanum enda hafði hugmyndafræðin orðið til í því landi. Þeir sem náðu völdum í Þýskalandi á 4. áratugnum álitu það bara tímaspursmál hvenær reynt yrði að gera byltingu í Þýskalandi. Að þeirra mati myndi sú bylting kosta 20 milljónir þjóðverja lífið. Þýskri menntastétt yrði útrýmt og önnur kæmi í staðin skipuð völdu fólki af tilteknum kynþætti. Síðan yrði næsta ríki tekið fyrir.

[Helgi Viðar Hilmarsson, 13.2.2020 kl. 14:17]

Vítahringur lofárásanna byrjuðu þegar Þjóðverjar vörpuðu sprengjum hugsanlega fyrir slysni á íbúðabygg í London. Bretar svöruðu um hæl með árás á Berlín. Þjóðverjar jöfnuðu því næst Coventry nánast við jörðu. Menn stóðu í þeirri trú að hægt væri að buga óvininn með þessum hætti.

[Ómar Ragnarsson, 14.2.2020 kl. 11:07]

Fyrsta stórárásin á svipuðum skala og Nagasaki var árásin á Hamborg 1943 þegar 43 þúsund manns voru drepin í fyrstu vítislogum og eldstormum hernaðarsögunnar. 

[Ómar Ragnarsson, 14.2.2020 kl. 11:09]

Fyrsta stórárásin á svipuðum skala og Nagasaki var árásin á Hamborg 1943 þegar 43 þúsund manns voru drepin í fyrstu vítislogum og eldstormum hernaðarsögunnar. 

Í apríl 1941 drápu nasistar 17 þúsund manns í Belgraad í árás sem bar heitið Refsing. 

[Þorsteinn Sch Thorsteinsson, 14.2.2020 kl. 23:40]

Sæll Jón, 

Það er sitthvað að tala um þessi fjöldamorð í Dresden og hérna  þessar sprengjuárásir Þjóðverja. Í dag þá er ennþá til fólk sem að einnig reynir að verja og/eða réttlæta öll þessi fjöldamorð Bandaríkjamanna á Þjóðverjum er áttu sér reyndar stað eftir stríð.

Þetta sama lið kemur aldrei til með að minnast fjöldamorð Bandaríkjamanna á þjóðverjum, eða hvað þá minnast á Eisenhowers Death Camps. 

KV.

Sjá einnig "Millions of Germans were killed in Camps by US General Eisenhower" og "Eisenhowers Death Camps WW2 Revealing Documentary"

  "During the 1945-1953 period its estimated that 13 million Germans die. Millions die in the allied death camps were they were treated like beasts. And than, there were organised efforts to starve the entire German nation. Mass rapes of German women were encouraged. The sole purpose behind all this hatred was to eradicate the German race. And than until this day, German people are being brainwashed into feeling shame for the crimes they did not commit."

Buried Alive Screaming in the Night: German POW Survivors Describe Eisenhowers Extermination Camps

[Hörður Þormar (IP-tala skráð) 14.2.2020 kl. 23:55]

Það er gangur styrjalda að grimmdin og hryllingurinn eykst eftir því sem lengra á líður.

Einhver grimmustu átök á milli Þjóðverja og Bandaríkjamanna áttu sér stað í hinni svokölluðu "Ardennasókn" í árslok 1944. Þá hófu Þjóðverjar gagnsókn í Belgíu í örvæntingarfullri tilraun til þess að ná Antwerpen aftur á sitt vald.

Í þessari sókn var öllum brögðum beitt. Þjóðverjar sendu flugumenn, dulbúna sem bandaríska hermenn, inn fyrir víglínu Bandaríkjamanna, voru þeir skotnir ef til þeirra náðist. Einnig voru margir Bandaríkjamenn sem SS sveitir handtóku skotnir.

Þjóðverjum varð allvel ágengt í fyrstu, enda kom sókn þeirra mjög á óvart, en hún rann brátt út í sandinn. 

Eftir þessa "Ardennasókn" jókst hatur Bandaríkjamanna í garð Þjóðverja gífurlega.

Ef það var ætlun Bandamanna að draga úr baráttuþreki þýsks almennings með morðárásum á þýskar borgir þá var hún tilgangslaus. Þegar hér var komið sögu þá var eina takmark flestra Þjóðverja það að lifa stríðið af, enda voru þeir skotnir, sýndu þeir hina minnstu óhlýðni.

Var hefndarþorsti Bandamanna orðinn slíkur, þegar hér var komið sögu og  þeir sáu sigurinn skammt fram undan, að þeir urðu alveg trylltir?

Rithöfundurinn, Kurt Vonnegut, var meðal fanga sem Þjóðverjar tóku í "Ardennasókninni". Hann var ekki skotinn heldur var hann sendur til Dresden. Þar var hann staddur 13. febrúar 1945.

[Halldór Egill Guðnason, 15.2.2020 kl. 20:59]

 Á ekki Churchill gamli að hafa sagt ´´let them burn´´ þegar síðasta loftárásahrinan var fyrirskipuð á Dresden. Undarlegt hve lítið hefur verið fjallað um þessi fjöldamorð, því þetta var ekkert annað. 

 Góðar stundir, með kveðju að sunnan.

[Jón Magnússon, 16.2.2020 kl. 10:59]

Eftir því sem ég veit best þá er það rétt  hjá þér sem þú skrifar Þorsteinn um grimmileg fjöldamorð Bandaríkjamanna á Þýskum stríðsföngum eftir að heimstyrjöldinni lauk. Kanadíski sagnfræðingurinn James Bacque skrifar um þetta í bók sinni "Other losses". Sú saga er hræðileg. Sama er að segja um útrýmingu Austur-Evrópu þjóðverja, en frásögn Alfred Mauice de Zayas í bókinni "A terrible Revenge". En enginn tekur ábyrgð á þessum fjöldamorðum ekki frekar en Tyrkir á útrýmingarherferðinni gegn Armennum. 

[Jón Magnússon, 16.2.2020 kl. 11:01]

Þakka þér fyrir Ómar. Tala fallinna í Hamborg segir eiginlega þá sögu, að margfalt fleiri féllu í Dresden. En ég vildi fara varfærnislega með tölur. Sjálfur tel ég að það hafi álíka margir verið drepnir í loftárásum Bandaríkjamanna og Breta á Dresden og fórust í Hirhoshima í kjarnorkuárásinni á þá borg. 

[Þorsteinn Sch Thorsteinsson, 16.2.2020 kl. 13:35]

Sæll aftur Jón,

Takk fyrir að minnast á bókina "Other losses", þó að þessi bók hafi fyrstu árin eftir útgáfu hennar vakið athygli, þá hafa síðan komið út bækurnar "Hellstorm The Death of Nazi Germany 1944-1947" og "After The Reich The Brutal History of The Allied Occupation", er segja frá þessum fjöldamorðum á Þjóðverjum, nú og  allt frá þessum opinberu hengingum og aftökum á þeim, og síðan yfir þessar hefndar hungursveltis aðferðir til dauða. Einnig er minnst á þessa athyglisverðu fangaflutninga á Þjóðverjum í til fangabúða í Frakklandi, nú og einnig á vegum fyrrum Sovéska hersins til  Síberíu, og þar sem að margir áttu alls ekki afturkvæmt.

KV.

Sjá einnig hérna:  

OTHER LOSSES - The Genocide of Over 7m Germans

Hellstorm The Dresden Holocaust