Enginn

10 dögum eftir, að ríkisstjórnin tók þá afdrifaríku ákvörðun að skikka komufarþega til að fara í seinni skimun vegna Covid 19 eftir 5 daga sóttkví, að Enginn- Enginn af þeim 17.000, sem sýni hafa verið tekin af á landamærunum, hefur greinst jákvæður í seinni skimun. Það þýðir að þessar nýju reglur voru mistök og höfðu og hafa enga sóttvarnarlega þýðingu. 

Hvað gera góðir stjórnmálamenn þegar þeir horfa fram á, að hafa tekið kolranga ákvörðun sem veldur gríðarlegu tjóni fyrir land og þjóð? Ákvörðun sem hefur enga þýðingu varðandi sóttvarnir.

Þeir viðurkenna mistök sín breyta til fyrra horfs og segja jafnvel af sér. 

Nú verður fróðlegt að sjá hvað ríkisstjórnin gerir með eða án aðkomu Þórólfs eða Kára. 

Athugasemdir

[emil (IP-tala skráð) 30.8.2020 kl. 12:10]

Ég óttast að þrennan okkar segi að það þurfi að herða enn á og landinu verði alveg lokað. 

Okkur vantar stjórnmálamenn eins og Sigríði Andersen sem tekur á málinu af skynsemi og röggsemi.

[Jón Magnússon, 30.8.2020 kl. 14:16]

Það væri merkileg niðurstaða. En ég er sammála síðari málsgreininni hjá þér emil.

[Guðmundur Ásgeirsson, 30.8.2020 kl. 19:16]

Þetta er ekki alveg rétt því þrír hafa greinst með smit í seinni skimun sem greindist ekki í þeirri fyrri.

Auk þess eru aðeins þeir sem komu til landsins fyrstu 5 dagana af þessu 10 daga tímabili búnir að fara í seinni skimun því hinir hafa verið hér skemur en 5 daga.

Þrjár falskar negatívur á fimm dögum. Gleymum því ekki að einungis eitt smit getur hæglega sett hundrað manns í sóttkví og fleiri ef það nær útbreiðslu.

Það þarf að viðhafa þetta fyrirkomulag talsvert lengur en bara þessa 5 daga til að fá út úr því marktækar upplýsingar um tölfræðina sem hægt er að draga ályktanir af.

[Hilmar (IP-tala skráð) 30.8.2020 kl. 21:33]

En var ekki Kári að segja að 3 hafi greinst við seinni skimun?

[Jón Steinar Ragnarsson, 31.8.2020 kl. 00:55]

Kári heldur því fast fram að þrisvar sinnum fleiri en enginn hafi greinst jákvæður í seinni sýnatöku, þ.e. þrír samkvæmt stærðfræði hans.

Spurt er: Hvað gerðist milli fyrri og seinni sýnatöku? Smitaðist fólkið í sótthví eða eru prófin ekki nákvæmari.

Svo má líka spyrja hvort seinni niðurstaðan sé endilega rétt ef maður leiðir hugann að nýlegu fári á Ísafirði þar sem gömul kona greindist í fyrri sýnatöku en ekki í þeirri seinni. Þrátt fyrir þann kraftaverkabata á einum sólarhring reyndist hún heldur ekki með mótefni. Hun kenndi sér aldrei neins meins.

Það er víst staðreynd að í flestum þessara fáu tilfella hefur fólk ekki hugmynd um að það sé veikt. Í öðru lagi þá gera þessi próf engan greinarmun á því hvort um covid 19 er að ræða eða einhverja aðra covidveiru. Þ.e. Flensu. Merkilegt nokk eru engin flensutilfelli í gangi og þykir mér skýringin augljós fyrst allt er skrifað á covid 19.

Hér á Siglufirði hefur ekkert tilfelli komið upp í sumar þótt bærinn sé einn vinsælasti viðkomustaður á landinu þar sem allir nutu vistarinnar í einni kös í sumar, grímu og hanskalausir. Nú skyndilega þegar ferðamannavertíðin er úti, er búið að stía fólki í sundur, setja upp grímur og hanska og allir skelfingu lostnir við að nálgast aðra. 

Það er eitthvað sem ekki gengur upp í þessu. Mín tilfinning er að sóttvarnaryfirvöld séu á einhverskonar powertrippi þar sem ótýndir búrókratar setja reglur holt og bolt og ákveða refsingar framhjá þingi þjóð og stjórnarskrá. Lögreglan sveimar svo hótar fólki sektum sem ekki fer að tilmælum sem engin lög mæla um.

Þetta er orðið hjaralaust rugl.

[Leifur (IP-tala skráð) 31.8.2020 kl. 07:13]

Þetta er nýtt hjá CDC í BNA:

 

But this week the CDC quietly updated the Covid number to admit that only 6% of all the 153,504 deaths recorded actually died from Covid.

9,210 deaths  The other 94% had 2 to 3 other serious illnesses and the overwhelming majority were of very advanced age; 90% in nursing homes.

 

https://principia-scientific.com/finally-cdc-admits-just-9210-americans-died-from-covid19/

Textinn undir "comorbidities":

https://www.cdc.gov/nchs/nvss/vsrr/covid_weekly/index.htm?fbclid=IwAR1qC9bXRTmggpniTBAvlzvAZ-wpZdAsCoFlRwiujGQy01DJlvTM6aOr4HQ#Comorbidities

Með góðri kveðju, L

[Geir Ágústsson, 31.8.2020 kl. 09:01]

Það þarf að berjast af öllu afli gegn því að einblína á "nýgengi smita". Sá mælikvarði er fullkomlega óáhugaverður, og í raunar falskur því eftir því sem menn prófa meira, því fleiri veirur (lifandi og dauðar) finnast, og "smit" stöðvast aldrei, óháð aðgerðum. Svokallaður "casedemic". 

Það ætti að fylgjast með fjölda dauðsfalla og fjölda á gjörgæslu vegna COVID-19. Bæði hefur verið 0, lengi.

Og halda áfram að læra af gögnunum (sem segja t.d. að eingöngu 6% dauðsfalla vegna COVID-19 í Bandaríkjunum voru ekki vegna annarra undirliggjandi sjúkdóma).

[Jón Magnússon, 31.8.2020 kl. 10:45]

Guðmundur Ásgeirsson ertu að segja að það hafi í raun ekki mælst neitt virkt smit í seinni skimun sbr. það sem þú segir: "þrjár falskar negatívar á fimm dögum" eða ertu að ræða um að prófin hafi ekki verið rétt í fyrri skimun?

[Jón Magnússon, 31.8.2020 kl. 10:45]

Hjartanlega sammála Jón Steinar Ragnarsson. 

[Jón Magnússon, 31.8.2020 kl. 10:46]

Skemmtileg og áhugaverð nálgun hjá þér. Held að það sem þú segir sé orð í tíma töluð og það ætti að miða aðgerðir við það. 

[Guðmundur Ásgeirsson, 31.8.2020 kl. 11:03]

"Þrjár falskar negatívur" þýðir þrjú tilvik þar sem einstaklingur mældist ekki með smit í fyrri skimun, en kom svo í ljós í seinni skimun að væri þrátt fyrir allt með smit.

Þessir þrjú smit hefðu sloppið inn í landið án þess að neinn vissi, ef ekki hefði verið fyrir seinni skimunina.

Jón Steinar Ragnarsson spyr um ástæðuna. Hún er vafalaust sú að skimunarprófin ná ekki að greina 100% allra smit tilfella. Sérstaklega virðist það eiga við ef viðkomandi er nýsmitaður og ekki með mikið magn af veirunni í sér. Svo að fimm dögum liðnum eða meira eftir að hún tók sér bólfestu í líkama viðkomandi og hefur náð að fjölga sér í nægilega miklu magni, þá fyrst mælist smitið. Þetta er ástæðan fyrir því að seinni skimunin er nauðsynleg, því það er ekki óhætt að treysta því að fyrri skimunin ein og sér dugi til.