Leita í fréttum mbl.is

Raunir Sviss í samningum við Evrópusambandið.

Viðskiptaritstjóri breska stórblaðsins Daily Telegraph skrifar grein í blaðið í dag undir heitinu "Switserlands ordeal ends all doubts: the EU poisons relation with every neighbour."

Í greininni rekur hann hvernig samningamenn Evrópusambandins hafi gengið gjörsamlega fram af Svisslendingum og sjö ára samningaferli hafi nú verið slitið. Svisslendingar halda því fram,að ráðamenn í Brussel hafi viljað koma þeim bakdyramegin inn í EES, en það segja þeir að sé of mikið valdaframsal varðandi m.a. löggjöf, skattheimtu, heilsuvernd og málefnum innflytjenda og hælisleitenda auk annars. 

Svisslendingar eru ekki tilbúnir að kalla það ok og afsal fullveldis yfir sig og hafa því sagt sig frá samningum við Evrópusambandið þrátt fyrir hótanir Evrópusambandsins um aðgerðir gagnvart Sviss. Stuðningur við aðild Sviss að Evrópusambandinu er nú 10% en var um og yfir 50% þegar best lét á árum áður. 

Í greininni er líka fjallað lítillega um frekju og yfirgang Evrópusambandsins í orkumálum gagnvart Noregi, en það sama á við um okkur og kröfur um frekara framsal valds í þeim málum af hálfu Norðmanna og það sama á þá við um okkur. 

Eigum við ekki að láta staðar numið og taka upp viðræður við Noreg um gagngerar breytingar á EES samningnum, sem var gerður við allt aðrar aðstæður en nú er uppi og vera reiðubúnir til að yfirgefa þann samning taki Evrópusambandið ekki sönsum og virði og viðurkenni fullveldi okkar í löggjafarmálum sem og öðrum málum en þeim sem sérstaklega kann að vera samið um. 

Íslenskir ráðamenn geta ekki látið sem allt sé í lagi í þessum málum og EES samningurinn sé enn réttlætanlegur óbreyttur og þjóni hagsmunum íslensku þjóðarinnar.   


« Síðasta færsla | Næsta færsla »

Athugasemdir

1 Smámynd: Helga Kristjánsdóttir

Er þá Evrópusambandið óþekkjanlegt frá því fyrir hrun 2008,? En ég miða við eins og ég þekkti það (svo lítið annað en nafnið) sem viðskiptabandalag. En heldur hefur þekking mín á því elfst í gegnum ríkisstjórnir okkar,en ekki vegna yfirgangs ESB.ónei ekki um þessar mundir ,hún helgast af hollustu núverandi stjórnar okkar við E-bandalagið sem kemst upp með allt og gera lítið úr ráðherrastöðum á fámennu Íslandi.Sem betur fer er sjaldan getið um landgrunnið,sem innihalda gríðarleg verðmæti. Góður púnktur að taka upp viðræður við Noreg.

Er bara að taka undir með þé þarf ekki mín vegna að sjást.    

Helga Kristjánsdóttir, 28.5.2021 kl. 03:25

2 Smámynd: Tómas Ibsen Halldórsson

Algerlega sammála þér Jón, það þarf að fara að setja stopp á yfirgang ESB.

Tómas Ibsen Halldórsson, 28.5.2021 kl. 10:55

3 Smámynd: Sigurður Kristján Hjaltested

Sæll Jón.

Eftir stendur, að Ísland hefur aldrei formlega aftur kallað

umsóknina. Þetta er á heimasíðu EU..

Iceland applied for EU membership in July 2009. The Commission issued a favourable opinion in February 2010, and the Council decided in June 2010 that accession negotiations would be opened. After a new government took over in May 2013, Iceland put the accession negotiations on hold. 

Ef vitlausir flokkar komast að, þá verður þessu framaldið

og þjóðin fær engvu um það ráðið, enda búið að koma

"réttum forseta" í stólinn.

Sigurður Kristján Hjaltested, 28.5.2021 kl. 14:46

4 Smámynd: Bjarni Jónsson

Núverandi ríkisstjórn Noregs er ekki til viðtals um slíkt, því að lunginn úr henni vill, að Noregur gerist aðili.  Annað hljóð verður í strokknum eftir Stórþingskosningar í haust (september), en góðar líkur eru á, að við myndun næstu ríkisstjórnar Noregs verði samið um a.m.k. undirbúning að endurskoðun EES-samningsins.  Næsti utanríkisráðherra Íslands fær þá það mikilvæga hlutverk að stilla saman strengi með Norðmönnum og e.t.v. Liechtensteinum í endurskoðunarviðræðum við ESB.  Nú falla öll vötn í átt að víðtækum fríverzlunarsamningi, en sjáum, hvað setur.

Bjarni Jónsson, 28.5.2021 kl. 16:45

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 166
  • Sl. sólarhring: 1205
  • Sl. viku: 5910
  • Frá upphafi: 2277661

Annað

  • Innlit í dag: 161
  • Innlit sl. viku: 5467
  • Gestir í dag: 160
  • IP-tölur í dag: 158

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband