Kolefnissporið

Á fréttastöðinni Al Jaseera var viðtal við páfa réttrúnaðar loftslagskirkjunnar Al Gore. Hann hafði þá sögu að segja, að allt væri að fara til fjandans (raunar einn ganginn enn) Ísinn í Norðurhöfum og Suðurhöfum væri óðum að hverfa, hundruð milljóna fólks væru flóttafólk vegna loftslagshlýnunar og uppblástur og eyðilegging blasti allsstaðar við auk þess sem hitinn færi stöðugt hækkandi á jörðinni vegna þess kolefnisspors sem alþýða manna stigi með atferli sínu. 

Einhvern veginn þá ríma þessar upplýsingar Al Gore ekki við raunveruleikann sem blasir við. Allt sem hann heldur fram er rangt. Auk þess sem það hefur ekkert hlýnað sem heitið getur frá aldamótum eins og Ágúst Bjarnason hefur bent skilmerkilega á. En Katrín Jakobsdóttir, sem norpar hér í 7 gráðu hita eða þaðan af minna trúir hverju einasta orði og hún og flokkur hennar, sem er innvígður í samfélag heilagra í loftslagsmálum, hefur knúið fram miklar greiðslur til réttrúnaðarkirkju Al Gore og sértök aukaframlög frá skattgreiðendum á Íslandi upp á milljarða. 

Í reikningum bílaleiga á Spáni er áskilið, að reiknað sé kolefnisspor sem hver leigjandi skilur eftir sig með akstri. Allt er það liður í áróðursstríði réttrúnaðarkirkjunnar til að fólk verði sakbitið yfir þessari sóun. Þeir sem fordæma eru fólk eins og Al Gore, Karl Bretaprins, Emma Thopmson leikkona og margir aðrir sem láta það þó eftir sér að ferðast um á einkaþotum og skilja eftir sig kolefnisspor sem nemur væntanlega því sama og öll umferð bifreiða á Íslandi. 

En í þessu efni er ekki það sama Jón og sr. Jón. Alþýðan á að blæða með hærra vöruverði og auknum sköttum á meðan yfirstétt auðfólks,sem borgar hlutfallslega miklu minni skatta hamast við að troða því inn hjá almenningi að það verði að sætta sig við skert lífskjör vegna þessara trúarbragða. 

Þessi falskenning er jafn fráleit og sú, sem sett var fram í upphafi síðustu aldar, að ekki yrði hægt að fara um New York vegna þess aða borgin yrði fljótlega full af hrossaskít og ekkert yrði við ráðið.

 

 

Athugasemdir

[Grímur Kjartansson, 11.6.2021 kl. 12:46]

Sumir veðurfræðinga virðast vera mjög sammála þér

Skítakuldi í kortum næstu þrjár vikurnar að minnsta kosti - Vísir (visir.is)

[Helga Kristjánsdóttir, 11.6.2021 kl. 15:17]

Það fraus formæling á vörum mér,vér sem kaupum vitleysuna ekki finnum ráð við sjónhverfingum Glóbalismans. -  

[Hörður Þormar (IP-tala skráð) 11.6.2021 kl. 17:41]

Eitthvað rámar mig í að Al Gore hafi eitt sinn verið varaforseti Bandaríkjanna og jafnvel verið orðaður við forsetaframboð.       Al Jaseera mun vera vinsæl og frjálslynd sjónvarpsstöð í eigu einhverra fursta í Katar. Ég sá reyndar ekki þetta viðtal en þykist þó vita að það hafi ekki skaðað olíuhagsmuni furstadæmisins að neinu ráði.

Það er í fersku minni þegar Ísraelsmenn sprengdu niður byggingu þessarar sjónvarpsstöðvar á Gasa, hérna um daginn. Hamas hreyfingin hefur notið sérstaks stuðnings frá Katar, en auðvitað höfðu vígasveitir Hamas ekki neina aðstöðu í þessari byggingu!!!

 Olían er undirstaða alls auðs og áhrifa Katara, Sáda o.fl ríkja á þessu svæði. Án olíunnar væru þau öll frumstæð eyðimerkurríki.

Í nýlegu útvarpsviðtali við konu, sem búið hefur í Katar, kom fram að innfæddir Katarar séu einungis tíundi hluti íbúa landsins. Hinir eru allir réttlitlir farandverkamenn á þrælalaunum. Þeir þjóna hinum innfæddu auk þess að byggja upp aðstöðu fyrir HM í knattspyrnu sem fer þar fram á næsta ári. Sú aðstaða verður víst ekkert slor!

Þegar við dælum bensíni á bílana okkar þá skulum við hafa í huga  að við erum þá að einhverju leyti að styrkja auð og áhrif valdhafa  þessara ríkja og íslamskan rétttrúnað þeirra.

[Emil Þór Emilsson, 11.6.2021 kl. 20:21]

Al Gore hagnast svo vel á þessu að hann getur bara ekki hætt

[Halldór Jónsson, 11.6.2021 kl. 21:16]

Hræsninni og skinhelginni eru engin takmörk sett enda undirstaða allar trúarbragða í veröldinni þar sem einfeldningum er talin trú um að gefa eyri sína og ekknanna til trúbófanna sem er stétt sem páfarnir, Imamanarnir og AlGore tilheyra sem sleikja útum um leið og þeir þykjast geta útvegað vitleysingum eilífa sæluvist þar sem er borðað þrímælt kláravín og mergur með.Kaupum aflátsbréf kolefnisspora segir Katrín Jakobs sem forgangsmál ríkistjórnar ninnar og látum skrílinn borga.

Og Bjarni og Sigurður Óli dansa með í skjóli meiri hagsmuna fyrir minni. Já það er satt að pólitík er bara list hions mögulega..

[Jón Steinar Ragnarsson, 13.6.2021 kl. 12:44]

Það er vert að hvetja fólk til að skoða dómsdagsspá Al Gore í myndini An inconvenient truth frá 2006. Eftir 15 ár hefur hún ekki elst vel, í fullri hógværð sagt.

Ekki einn af spádómum þeirrar myndar hefur ræst og segja má að myndin líkist meira paródíu á móðursýki samtímans en nokkuð annað. Það er helst að sum atriðin hafi þróast í þveröfuga átt.

Ekki skrýtið að þeir halda þeirri mynd ekki á lofti. Horfði á hana fyrir nokkru og hún fór svor rækilega yfir strikið í hræðsluáróðrinum að maður skellti uppúr. Ekki síst á þeim stöðum sem ragnarrökin áttu að hafa orðið fyrir nokkrum árum síðan.