Aukastörf dómsforseta EFTA dómstólsins í þágu aðildarríkis.

Fyrrum forseti EFTA dómstólsins gagnrýnir eftirmann sinn Pál Hreinsson harðlega í grein sem birtist í Morgunblaðinu 31.júlí s.l. Óvenjulegt er að sjá jafn harðorða gagnrýni frá dómurum um framgöngu eftirmanna sinna og útilokað annað en að taka hana til málefnalegrar umfjöllunar.  

Á s.l. ári fékk ríkisstjórnin Pál Hreinsson dómsforseta EFTA dómstólsins til að vinna álitsgerð um valdheimildir sóttvarnarlæknis og heilbrigðisráðherra o.fl. til opinberra sóttvarnarráðstafana skv. sóttvarnarlögum o.s.frv. með tilliti til stjórnarskrár. Jafnframt var þess óskað að dómarinn gerði frumtillögur að breytingum á lögum og reglum eftir því sem dómarinn teldi tilefni til. 

Óneitanlega vekur það upp ýmsar spurningar að dómari við alþjóðlegan dómstól, sem fjallar m.a. um aðgerðir íslenska ríkisins og/eða aðgerðarleysi skuli taka að sér lögfræði- og ráðgjafarverkefni fyrir íslenska ríkið. Iðulega reynir á mál gegn íslenska ríkinu fyrir dómstólnum og í álitinu er dómarinn að fjalla um málefni þar sem hæglega getur reynt á EES reglur t.d. varðandi frjálsa för fólks. Þessi aukastörf dómarans eru því með öllu óeðlileg.

Vinna dómarans fyrir íslensku ríkisstjórnina í sóttvarnarmálum vegna Kóvíd vekur upp spurningar um sjálfstæði og hæfi auk þess hvort eðlilegt sé að dómari þiggi verkefnagreiðslur frá ríki sem á undir í ýmsum dómsmálum þar sem hann er dómari.

Lögmannafélag Íslands hlítur að gera athugasemd við óeðlilega samkeppni dómara við alþjóðlegan dómstól við starfandi lögmenn, sem greiða skatta og skyldur til ríkisins og lúta ýmsum reglum um ábyrgð fyrir vinnu sína og hafa sérstaka skyldutryggingu vegna starfa sinna sem dómarinn hefur ekki. 

Á sínum tíma þótti þeim sem þetta ritar þessi skipan mála hjá forsætisráðherra með ólíkindum vegna ákvæða sem gilda um EFTA dómstólinn auk þess sem að framan er getið. En strangar kröfur eru auk þess gerðar til  að sjálfstæði dómara við EFTA dómstólinn verði ekki dregið í efa sbr. 30.gr. samnings milli EFTA ríkjanna um stofnun eftirlitsstofnunar og dómstóls um að óhæði og sjálfstæði dómara við dómstólinn. Við það bætist að í 4.gr.bókunar (protocol) 5 við samninginn um EFTA dómstólinn er m.a. talað um að dómarar skuli ekki taka að sér önnur störf nema með sérstöku samþykki allra ríkisstjórna EFTA ríkjanna.

Ekki liggur fyrir hvort slíks samþykkis hafi verið aflað áður en Páll Hreinsson hóf störf fyrir forsætisráðherra alla vega hefur það hvorki verið birt eða kynnt.

Þessi ákvæði um EFTA dómstólinn auk eðlilegra viðmiðana um aukastörf dómara eru þess eðlis, að Páll Hreinsson dómari verður að gera rækilega grein fyrir aðkomu sinni í íhlaupastörf hjá íslensku ríkisstjórninni og með hvaða hætti hann getur fengið það út, að slíkt samrýmist störfum hans sem óháður og sjálfstæður dómari hjá EFTA dómstólnum. Þögn í þessu sambandi er ekki ásættanleg hvorki frá forsætisráðherra né dómaranum. 

Hvað sem líður hugsanlegum réttlætingum Páls Hreinssonar á þessum aukastörfum fyrir ríkisstjórnina, þá liggur samt fyrir að þetta ráðslag Katrínar Jakobsdóttur forsætisráðherra er út frá öllum almennum sjónarmiðum og viðmiðunum með öllu óeðlileg og það átti bæði hún og dómarinn að gera sér grein fyrir. 

 

Athugasemdir

[Guðjón E. Hreinberg, 4.8.2021 kl. 00:05]

Um sama leyti og allt þetta fór fram, var komin upp sú staða á Íslandi að fjöldi lærðra og leika höfðu komist að þeirri niðurstöðu að virkjun sóttvarnalaga 2020 hefði verið ólögmæt og ráðherra brotið lög.

Breyting sóttvarnalaga í febrúar 2021 var læknisfræðilega og [stjórn]lagalega stórfurðuleg framvinda og allsendis ótrúlegt að Alþingi samþykkti hana einróma og forsetinn kvittaði fyrir og að því er virðist enginn innan Íslensku menningarinnar benti á (eða varaði við) hvað var í gangi.

Allir virtust sammála um að upprunlega virkjun laganna hefði verið sjálfsögð og að skrumskæling þeirra (og nasistavæðing) væri sömuleiðis sjálfsögð, þó hvergi hafi komið fram nein sönnun þess að á landinu væri nein farsótt í gangi heldur var samþykkt gagnrýnnislaust svokölluð skimum (rt-PCR skimun) og smit-niðurstaða hennar sem margsannað er (m.a. af höfundi tækninnar) að gefur enga raunsæja niðurstöðu um samhengi smits og sóttar.

Afsakið langlokuna en við sjáum hér ríkisstjórnina, löggjafarvaldið og dómsvaldið í sömu sænginni og fara fram af einbeittum brotavilja gegn siðmenningunni sjálfri. Látum vera hvort hin svokallaða þrískipting valds sem er upphugsuð til að koma í veg fyrir slíkan glæp hafi nokkru sinni verið veruleiki innan Íslenskrar "menningar" á lýgveldis, afsakið, lýðveldistímanum.

Góðar stundir og takk fyrir frábæran pistil.

[Helga Kristjánsdóttir, 4.8.2021 kl. 02:29]

Katrín ber það ekki með sér að vilja gera glappaskot í þágu ESB. Lesi ég rétt í tímann þá var hún ekkert að dufla utan í ESB þegar hún áttaði sig á að formannsstaðan var í sjónmáli.-- En skyldi henni þykja jafn lítið til íslensku kotunganna koma sem báru landið á herðum sér og gamla samstarfsfokknum; Það stefnir í met hvað fjölda flokka áhrærir og engir þeirra stóru verða ánægðir,þótt hafi lag á að díla og dobla.