Óafsakanlegt ábyrgðarleysi sóttvarnaryfirvalda

Tilkynnt er um margar alvarlegar aukaverkanir hjá mörgum börnum í kjölfar bólusetningar barna á aldrinum 12-17 ára. 

Hvernig dettur sóttvarnaryfirvöldum í hug að láta bólusetja börn með tilraunabóluefni, sem framleiðendurnir þora ekki einu sinni að taka ábyrgð á. Er ekki eðlilegt að prófa það fyrst þannig að virkni lyfjanna sem og aukaverkanir liggi fyrir áður en byrjað er að dæla þeim í börn. Já og framleiðendur þori að ábyrgjast þau og greiða bætur ef svo ber undir. 

Það er miður að horfa upp á þennan ofstopa, sem getur haft víðtækar og alvarlegar afleiðingar í bráð og lengd. Ef til vill er verið að dæla inn í börnin tifandi tímasprengjum, sem koma til með að hafa slæm áhrif á þau seinna í lífinu. 

Þessi ofstopi er þeim mun alvarlegri þegar fyrir liggur, að þessi aldurshópur fær almennt væg einkenni vegna Kóvíd. 

Því miður hefur samhæft átak sóttvarnaryfirvalda, fjölmiðla og stjórnmálastéttarinnar leitt til ofsahræðslu alltof margra með þeim afleiðingum að óhæfileg valdbeiting gagnvart borgurunum í sóttvarnarskyni er afsökuð með ímyndaðri þörf og börn eru leidd í óvissuna þó að vitað sé að það er engin þörf á því.

Steinn Steinar orti á sínum tíma um Hallgrímskirkju og sagði í lok kvæðisins. að Hallgrímur sálugi Pétursson hefði komið til Húsameistara ríkisins og sagt. "Húsameistari ríkisins ekki meir, ekki meir." Nú mætti með sama hætti segja.

Sóttvarnarlæknir ríkisins ekki meir ekki meir nú er meira en nóg komið. 

Tilkynnt um alvarlegar aukaverkanir hjá sex börnum

Athugasemdir

[Jón Þórhallsson, 9.9.2021 kl. 10:38]

Sitjandi ríkisstjórn þarf ekki að fara eftir minnisblöðum sóttvarnarlæknisins frekar en hún vil.

HVER ER / HVAR ER STEFNA

sjálfstæðisflokksins þíns í þessu máli?

[Jón Steinar Ragnarsson, 9.9.2021 kl. 11:45]

Siðleysið er algert. Ef eitthvert þessara barna hlýtur varanlegan skaða eða deyr af þessum völdum, þá er blóð þeirra á höndum sóttvarnaryfirvalda. Í raun mætti lögsækja þau nú þegar, því þótt lyfjarisarnir hafi fríað sig ábyrgð með blessun yfirvalda, þá er hið opinbera ekki laust frá ábyrgð.

Eru foreldrar tilbúnir í rússnenska rúllettu með líf barna sinna fullvissuð um það af yfirvöldum að þetta sé hættulaust? Það hefur einfaldlega verið logið að fólki og það ítrekað auk þess sem breitt hefur verið yfir afleiðingarnar.

Ættu menn lannski að líta til Ísrael, sem nú er í fjórðu umferð með versnandi afleiðingum við hverja sprautu. Met í bólusetningum og met í smitum og dauðföllum. Er ekki eitthvað sem fer ekki heim og saman þar? 

[Jón Steinar Ragnarsson, 9.9.2021 kl. 11:50]

Það er algerlega óskiljanlegt í ljósi þessara afleiðinga að menn stöðvi ekki þessa barnabólusetningar eins og skot, þótt ekki væri nema þar til þeir vita hvað veldur?

Fram að þessu hefur ekkert barn hlotið skaða af pestinni sjálfri. Skaðinn af bólusetningum er þar á móti 600% hærri og fer hratt vaxandi.