Kristin ríki sniðganga kristið fólk

Árlega koma tugir og á stundum hundruðir þúsunda svonefndra hælisleitenda til Evrópu. Yfirgnæfandi meirihluti þeirra eða yfir 90% eru bráðungir karlmenn og enn hærra hlutfall eru múslimar. Er konum í stríðshrjáðum löndum síður hætta búin en strákunum og hvað með þá kristnu?

Ofsóttasti trúarbragðahópurinn er kristið fólk, sérstaklega í löndum Íslam. Þar er það víða guðlast að vera kristinn og liggur við dauðadómur sumstaðar sbr. Afganistan. Ekki að undra að Noregur ætli að styðja öfgamúslimana með fjárgjöfum

Í Írak hefur kristni söfnuðurinn nánast verið þurkaður út og í Sýrlandi hefur kristið fólk mátt sæta mestum ofsóknum allra ásamt Yasídum. 

Það mætti því ætla að gríðarlegur fjöldi kristins fólks væri á flótta frá löndum eins og Sýrlandi og Írak, en meginhluti hælisleitenda hefur komið þaðan undanfarin ár. En svo er ekki. Af þeim svonefndu flóttamönnum, sem Bretland hefur tekið við eru einungis 0.2% kristnir. Sennilega er talan svipuð hjá okkur eða jafnvel enn lægri.

Þessar tölulegu staðreyndir sýna glögglega hvað hælisleitenda pólitíkin er galinn. Langflestir múslimar sem sækja um alþjóðlega vernd eru á Vesturlöndum á fölskum forsendum eins og innrásarlið. Það er engin manngæska fólgin í því að taka á móti þessum hlaupastrákum, þó að "góða fólkið" sem lætur jafnan aðra borga fyrir sig sé þeirrar skoðunar. Það væri hinsvegar nauðsynleg manngæska að taka við kristnu fólki frá Mið-Austurlöndum, sem sætir harðræði og ofsóknum alla daga.

Rauði krossinn sinnir því ekki að gæta að hagsmunum minnihlutahópa. Ef til vill er það ekki hans hlutverk þó að Rauði krossinn hafi í auknum mæli breyst í þjóðmálahreyfingu á síðari árum. Kristið fólk í Mið-Austurlöndum á sér venjulega ekki griðarstað í þeim búðum sem settar eru upp af því að þar býr það við ofsóknir af hálfu múslimana.

Væri ekki meira ráð fyrir Noreg að hafa forgöngu um að kristnar gættu sérstaklega hagsmuna kristins fólks í löndum múslima í stað þess, að henda fjármunum sínum til múslímskra öfgamanna, sem fjandskapast við kristni og vestræna menningu. 

 

 

Athugasemdir

[Grímur Kjartansson, 4.2.2022 kl. 15:26]

Hver tékkar á hverjum Talíbanar eru að hleypa burt sem flóttamönnum
Flóttamenn sem stofna svo með fjárstuðninig ríkisins sérskóla 
Sérskóla sem sænska lögreglan telur hafa beina tengingu við islamska öfgamenn sbr.
Regeringen vill öka kontrollen av religiösa friskolor | SVT Nyheter

Sendi ekki Kastró einhvern tíma alla fanga á Kúbu til USA

[Hörður Þormar (IP-tala skráð) 4.2.2022 kl. 17:29]

Fyrir nokkru var sýrlenskur flóttamaður handtekinn í Þýskalandi eftir að uppgötvaðist að hann hafði verið fangavöður í Sýrlandi. Hafði hann, muni ég rétt, "stundað glæp gagnvart mannkyninu" og var dæmdur í ævilangt fangelsi.

Sá var óheppinn að hafa ekki heldur leitað hælis á Íslandi!

[Halldór Jónsson, 4.2.2022 kl. 20:50]

Þetta er þvílík alheimska að ég er er orðlaus.þó er ég ekki sérstakur kirkjunnar maður en ég er ekki svo vitlaus að vita ekki hver er munurinn á kristnu ungmenni og óupplýstu múslímsku heilaþvegnu⁸ fífli sem hefur allt aðra afstöðu til heiðursmorða til dæmis en ég og þū

[Óskar Helgi Helgason (IP-tala skráð) 4.2.2022 kl. 21:50]

Sæll Jón sem oftar; sem og aðrir gestir, þínir !

Tekurðu eftir; hrópandi þegjandanum í samlöndum okkar:: allt of mörgum þeirra a.m.k., þegar óafsakanlegt dekrið við þá Múhameðsku er annarrs vegar, Jón ?

Þú nefnir rjettilega; hrörnun gömlu kirkjudeildanna í Írak og Sýrlandi, þá skyldum við ekki gleyma þverrandi áhrifum og völdum Maroníta í Líbanon, ekki síður.

Þá; má spyrja, hversu lengi Koptízka kirkjan í Egyptalandi fái að halda út þarlendis, m.a. ?

Enginn; enginn íslenzku stjórnmálaflokkanna í dag, ljáir máls á því, að stugga við frekara aðstreymi fylgjenda Múhameðs fals- spámanns hingað, og tökum eftir Jón, hversu hinn hjákátlegi Sjálfstæðisflokkur keppist við, að standa ekki Samfylkingu / Vinstri grænum / Viðreisn / Pírata skömmunum:: að ógleymdum Framsóknarmönnum að baki í smjaðrinu fyrir Mið- Austurlandamönnum, fremur en NATÓ og Evrópusambandinu:: sbr. endalausar samþykktir við reglugerða farganinu frá Brussel (EES/ESB), daginn út og daginn inn.

Gætu ekki; flestir þessarra flokka: áðurnefndra haldið með sjer keppni um, hvern hlutskarpastann mætti telja, í ömurleika íslenzkra stjórnmála, í dag ?

Með beztu kveðjum; sem oftar, af Suðurlandi /

[Sigurður I B Guðmundsson, 5.2.2022 kl. 21:18]

Skil ekki hvað það er við islam sem heillar svona "góða fólkið"?