Blindir fá sýn og spádómsgáfu eða hvað?

Greiningardeild Glitnis kynnir nýja þjóðhagsspá og spáir því að hafið sé tveggja ára stöðnunarskeið í íslensku efnahagslífi.  Því miður má gera ráð fyrir að þessi spá sé rétt en að sjálfsögðu er alltaf óvissa í svona spám og spurja má af hverju sáu greiningardeildir bankanna og aðrar greiningardeildir ekki nokkra mánuði fram í tímann fyrir tæpu ári.

Stöðnunarskeið og framfaraskeið í efnahagslífinu er komið undir mörgum atriðum og eitt af því sem miklu skiptir er hvað og hvernig ríkisstjórnin ætlar að koma að málum.  Því miður er ástæða til að vera svartsýnn um framvinduna í íslensku efnahagslífi vegna þess að Samfylkingin ætlar sér að koma í veg fyrir nýja framfarasókn á grundvelli trúarsetninga hugmyndafræðinnar sem þeir Samfylkingarmenn gáfu heitið "Fagra Ísland".   

Ástæða er til að óttast að samdráttarskeið og stöðnun vari lengur en greiningardeildin spáir í íslenska efnahagslífinu. Það er undir því komið hvort Samfylkingin verður áfram í ríkisstjórn  og hvort Samfylkingin ætlar að láta rómantíska stefnumótun velmegunaráranna koma í veg fyrir nýja framfarasókn þjóðarinnar í efnahags- og atvinnumálum.

Tveggja ára stöðnunarskeið hafið

Athugasemdir

[Stefán (IP-tala skráð) 28.5.2008 kl. 16:16]

Glitnir spáir og spáir með hálaunuðum spámönnum sem oftar en ekki eru ekki störfum sínum vaxnir í spámennskunni. Spákonur með kaffibolla gætu örugglega betur en þetta hálaunaða, uppstrílaða bankajakkafatalið sem gengur um með nasirnar upp í loft. Hvað ber svo t.d. Glitnir mikla ábyrgð á þessu ástandi sem nú hefur skapast á heimilum landsmanna og í þjóðfélaginu öllu ? Glitnir og allir bankarnir bera þar mjög mikla ábyrgð með græðgisstefnu sinni. Bjarni Ármannsson keypti svo Gasfélagið fyrir feitasta starfslokasamning sögunnar og selur selur landsmönnum rándýrt gas til að grilla undir heimsins dýrustu landbúnaðarafurðum.     

[Kjartan Pálmarsson, 28.5.2008 kl. 16:21]

Þín velgengni, okkar verkefni! Ja svo segja Glitnismenn.

[Sigurður Þórðarson, 28.5.2008 kl. 17:40]

Axel, það er óþarfi að draga fram rykfallnar hagfræðikenningar. Þú veist jafn vel og ég að dýralæknirinn eyðir ekki óþarfa tíma í að kynna sér slíkt efni, ekki frekar en t.d. ferilskrár umsækjenda um dómarastörf.

[Sigurður Þórðarson, 28.5.2008 kl. 17:52]

Jón, ef hvítasunnan væri ekki afstaðin hefði maður freistast til að halda að þeir töluðu tungum. Annars freistast ég til þess sem ásatrúarmaður að treysta að frá Glitni komi djúpvitur speki, enda hef ég það fyrir satt að Heimdallur haldi þar til og leysi flóknustu vandamál, t.a.m ágreining um fjármál.

[Baldur Fjölnisson, 28.5.2008 kl. 21:06]

Glitnir er algjörlega fallít dæmi.

Ég mæli með að skattgreiðendur leysi það til sín á morgun fyrir eina krónu.

Skv. uppgjöri þessarrar ótrúlegu sápukúlu er eigið fé hennar 188 milljarðar en þriðjungur þess samanstendur af "goodwill" og síðan hefur fálagið lánað stjórnendum og stjórnarmönnum og tengdum félögum 116 milljarða. I think you get the picture.

Hvernig keyptar pólitískar hórur og aðrar veruleikahönnunarskækjur hafa getað haldið þessum ævintýrum gangandi og logið þau áfram verður mér áfram algjörlega hulið.

[Jón Magnússon, 28.5.2008 kl. 21:48]

Sammála þér Alex  og líka þér Viskubrunnur. Það er merkilegt að stór  hópur fólks Vinstri grænir og stór hluti Samfylkingarinnar skuli vera á móti því að nýta vistvæna orku til atvinnuppbyggingar.

Sigurður ég held að spá Glitnis hafi hvorki með hvítasunnuna eða Heimdall að gera. Samkvæmt goðafræðinni þá heyrði Heimdallur betur en nokkur annar og átti því að skynja hluti áður en aðrir en þegar til átti að taka þá gerði hann það ekki. 

[Baldvin Jón Sigurðsson, 28.5.2008 kl. 21:52]

Já Jón minn. Það er nú svoltið síðan að ég kom með svipaða spá. Það er staðreynd að við erum ekki enn lent. Lendingin verður hörð. Ríkisstjórnin mun ekkert geta gert eða þorir það ekki. Sérstaklega þegar seðlabankastjóri hefur kverkatak á forsetisráðherra. Hlakar ykkur ekki til þegar stýrivextir verða hækaðir næst til að ná tökum á verðbólgu? Þetta eru stór hættulegir menn sem stýra skútunni núna.

[Jón Magnússon, 28.5.2008 kl. 21:58]

Því mðiur Baldvin þá eru þeir ekki alveg með rétta sýn á hvað þarf að gera.