Strákarnir í ráðuneytinu

Deilt er um hvort umsókn Íslands um aðild að Evrópusambandinu (ES) hafi verið formlega dregin til baka eða ekki. Engin ágreiningur er um að á sínum tíma var stefna þáverandi ríkisstjórnar að draga umsóknina til baka og hún taldi sig hafa gert það. 

Á þeim tíma var utanríkisráðherra sem kunni lítt til erlendra tungumála og hafði farið í tvær hópferðir til Kanaríeyja þegar hann tók við embættinu, en ekki haft frekari samskipti við útlenda og þekkti auk heldur lítt til kanselímálsins í ráðuneytinu. Hann fól starfsmönnum ráðuneytisins að hlutast til um að framkvæma stefnu ríkisstjórnarinnar, en þar sem strákarnir í ráðuneytinu voru ekki alls kostar sáttir þá var e.t.v.frá tilkynningunni gengið með þeim hætti, að valdstjórnin í Brussel gæti lesið þannig úr henni, að hún væri ekki tilkynning um að ljúka aðildarviðræðum heldur eitthvað allt annað sem kæmi málinu ekki við þótt tekið væri fram í tilkynningunni með hefðbundnum kanselístíl að aðildarviðræðum væri lokið.  Færustu Merðir Valgarðssynir í Brussel gátu e.t.v. snúið út úr þessu með sama hætti og yfirmörður Brusselvaldins, Úrsúla frá Leyen. 

Þetta mál sýnir mikilvægi þess að ráðherrar hafi gripsvit á því verkefni sem þeim er ætlað að sinna sem ráðherrar, en því miður hafa stjórnmálaflokkarnir annan skilning á því sbr. mannval núverandi ríkisstjórnar.

Valdtaka embættismanna er ekki ný af nálinni og gengur þeim mun betur sem ráðherrar vita minna og hafa takmarkaða eða enga hugmyndafræðilega kjölfestu til að starfa eftir. 

Í þessu sambandi er rétt að minna á það feigðarflan, þegar ríkisstjórn eftir ríkisstjórn og ráðherra eftir ráðherra þó aðallega 2 tóku upp það sem meginstef í íslenskum utanríkismálum, að Ísland ætti fulltrúa í Öryggisráði Sameinuðu þjóðanna, sem aðallega fjallar um vopnuð átök milli landa. 

Engin stjórnmálaflokkur hafði það á stefnuskrá sinni að Ísland ætti fulltrúa í Öryggisráðinu. En strákarnir í ráðuneytinu seldu utanríkisráðherra eftir utanríkisráðherra, að þannig þyrfti þetta að vera og Halldór Ásgrímsson heitinn sem byrjaði á þessari vitleysu eins og ýmissi annarri, m.a. að gera Ísland að fjármálalegri miðstöð alheimsins, sótti þetta fast og aðrir utanríkisráðherrar erfðu þetta eftir hann en sumir höfðu vit á því að sinna þessu í engu þangað til Ingibjörg Sólrún þá formaður Samfylkingarinnar gerði þetta að meginstefi utanríkismála sinna og endasentist milli einræðisherra þriðja heims landanna til að fá stuðning þeirra við þessa endemis dellu.

Öll þessi viðleitni þoldi eðlilegar hrakfarir, sem viti bornu fólki átti að vera ljóst, þó að hagsmunaaðilar í störfum hjá utanríkisráðuneytinu hafi stöðugt hvíslað bullinu í eyra ráðherra og talið upp á mikilvægi dellunar. 

Þessi dæmi tvö sýna fyrst og fremst vanldtöku embættismanna og skort á getu ráðherra til að greina aðalatriði rétt. 

Slíkur skortur á að greina aðalatriði, kemur nú fram hjá utanríkisráðherra Þorgerði Katrínu. Í fyrsta lagi að tilkynna ekki Brussel valdinu að Ísland líði ekki að verndartollar verði settir til að koma í veg fyrir að íslensk framleiðsla njóti ekki sömu kjara og önnur framleiðsla á EES svæðinu. Í annan stað að hafa ekki fylgt eftir réttmætum kröfum Íslands um tollfríðindi gagnvart Bandaríkjunum, sem við eigum fullan rétt á. Glýja aðildar að ES byrgir utanríkisráðherra sýn sem fyrr og þarf ekki strákana í ráðuneytinu til að hjálpa til núna. 

Traustar heimildir eða hvað?

Í enska tímaritinu "The Economist 12-18.júlí er athyglisverð frétt um Ísland sem ber heitið "Army of me" Heimildarmenn blaðasins eru Þorgerður Katrín utanríkisráðherra og Pawel Bartozsek þingnaður Viðreisnar. 

Í greininni segir, haft eftir utanríkisráðherra að Ísland ætli að auka útgjöld til hermála upp í 1.5% af þjóðarframleiðslu. Heldur betur rausnarlegt stökk úr 0.2% án þess að málið hafi fengið þinglega meðferð. 

Þá segir líka í greininni að Ísland eigi enga leyniþjónustu til að takast á við skemmdarverkamenn eða njósnara. Er það svo? Hvað er Ríkislögreglustjóri að gera fer þetta algjörlega fram hjá henni að engin varnarviðbúnaður sé fyrir hendi nema gagnvart innlendum hægri öfgamönnum, sem greiningardeild embættisins komst að niðurstöðu um að væru helsta ógn við öryggi þjóðarinnar.

Þá segir einnig haft eftir heimildarmönnunum, að það sé Trump sem ákveði hvort Ísland verði varið eða ekki. Þýðir þetta að formaður utanríkismálanefndar Alþingis og utanríkisráðherra telji varnarsamninginn við Bandaríkin einskis virði. Svo gæti verið ef umfjöllun framar í greininni er skoðuð þar sem utanríkisráðherra telur mikilvægt að treysta varnarsamvinnu við Evrópusambandið umfram allt annað til að tryggja öryggi landsins. Já og jafnvel þó svo að ESB hafi engan her eða varnarviðbúnað sem gagnast gæti Íslandi.

Loks segir í greininni haft eftir Pawel, að ráðgerð sé þjóðaratkvæðagreiðsla um aðildarviðræður að Evrópusambandinu og hún muni örugglega fá meirihluta og íslendingar horfi til Evrópu meir en nokkru sinni fyrr. 

Þau Þorgerður og Pawel hafa tekið að sér að túlka þjóðarviljann án þess að láta svo lítið að taka þessi mál til gagngerðrar umræðu á Alþingi og í utanríkismálanefnd Alþingis.  Svo virðist sem Þorgerður Katrín hafi komið sér í hlutverk arfakonungsins Loðvíks 14 Frakkakonungs, sem sagði

"Ríkið það er ég."

Tom Lehrer

Stærfræðiprófessorinn og grínistinn Tom Lehrer er dáinn. 

Tom Lehrer kenndi stærðfræði  bæði við Harvard og MIT svo dæmi séu tekin, en þekktastur er hann fyrir skemmtilegan og oft svartan húmor og ádeilu, sem komu fram í ljóðunum hans, en síðasta af 3 Langplötum hans kom út 1965. Ljóðin lifðu lengi meðal þeirra sem á annað borð heilluðust af honum þar á meðal sá sem þetta ritar. Hann gaf ekki út nema þrjár langplötur og ég á þær allar. 

Tom Lehrer hafði ekki áhuga á að feta áfram á tónlistarsviðinu eftir 1965 þó hann héldi einhverja tónleika eftir það og sagði að hann hefði ekki löngun til að spila sömu söngvana aftur og aftur. Og þá hafði hann ekki heldur áhuga á að búa til fleiri.

Ljóðin fjalla um mismunandi hluti svartasti húmorinn kemur fram í  Masochism Tango, I held your hand in mine dear og Irish Ballad ansi kaldranalegir textar allt saman en þó sérstaklega það síðasta um stúlku á Írlandi sem drap alla fjölskyldu sína og hann sagði að það hefði verið það kvæði hans sem hann var helst beðinn um að syngja ekki enda húmorinn ansi dökkur. 

Þá fór hann í skapið á kaþólsku kirkjunni eftir að hann gerði ljóðið "The Vatican Rag." og það ljóð var víða bannað. 

Hvað sem því líður þá var Tom Lehrer fjölhæfur listamaður sem hafði mikil áhrif á ákveðinn hluta fólks minnar samtíðar m.a. mig. 

Nú þegar Tom Lehrer er allur 97 ára að aldri ætla ég að setja síðustu plötuna hans á fóninn (allt í vínýl) og njóta gamla húmorsins og napra háðsins enn einu sinni. Blessuð sé minning hans. 

 

Engin ókeypis hádegisverður

Af hálfu Evrópusambandsins er ekkert til sem heitir ókeypis hádegisverður. Það er heldur ekkert til sem heitir varanlegar undanþágur bara tímabundnar. 

Evrópusambandið hefur tilkynnt, að það muni leggja á verndartolla m.a. á kísiljárn og þá kemur í ljós, að hvorki við né Noregur verðum undanþegin þessum tollum. EES aðildin hjálpar okkur ekkert þrátt fyrir allt hjal um mikilvægi samstillts innri markaðar og skuldbindingar í því sambandi. 

Fróðlegt verður að heyra í öllu gáfufólkinu í Viðreisn og Samfylkingunni með hvaða hætti það afsakar að Evrópusamband Ursúlu skuli ætla að fara að eins og Trump var gagnrýndur fyrir af gáfumannaliði landsöluflokka Viðreisnar og Samfylkingar.

Ekki má heldur gleyma viðleitni ESB til að leggja á okkur alls kyns gjöld m.a. á ferðir með flugvélum og skipum vegna ímyndunar um hnattræna hlýnun af manna völdum og þá er ekki tekið tillit til sérstöðu Íslands fjarri meginlandinu. 

Með öllu er ljóst að kæmi til þess að landsölufólkið næði sínu fram og koma Íslandi inn í Evrópusambandið þá mundum við þurfa að greiða mun meira til sambandsins en við fáum vegna aðildar. Allar undanþágur sem yrðu gerðar í aðildarsamniningi væru tímbundnar m.a. í  sjávarútvegi og landbúnaði. 

Hvaða dáraskapur er það þá að ætla að fordjarfa fullveldi þjóðarinnar og sjálfsstjórn að hluta til að tengjast bandalagi þar sem hagvöxtur er mun lægri en hér og helmingi lægri en í Bandaríkjunum og orkuverð helmingi hærri en þar. 

Væri ekki frekar ráð, að byrja á því að segja okkur alfarið frá orkusamvinnu EES með uppsögn allra orkupakka, til hagsbóta fyrir neytendur og tækjum til alvarlegrar skoðunar að segja okkur frá EES samstarfinu, en ræktuðum þess í stað sem best viðskiptasambönd og samvinnu við þá þjóð, sem hefur reynst okkur best síðustu 80 ár. 

Innrásin

Stjórnmálamenn í Evrópu hafa það helst sér til ágætis að láta sem ekkert sé og allt sé í stakasta lagi. Stjórnmálamenn Evrópu neita að horfast í augu við að regluverkið vegna hælisleitenda er úrelt. Það er innrás og stjórnmálamenn Evrópu láta sem ekkert sé og gera ekkert af viti. Á meðan stjórnmálamenn Evrópu láta sem ekkert sé er sérstök lögregludeild sett upp í Bretlandi til að koma í veg fyrir að almenningur tali um vandamálin eins og þau eru.

Þá vill svo til að af öllum mönnum, þá kemur Donald Trump Bandaríkjaforseti og segir það sem er staðreynd málsins: 

“You better get your act together or you’re not going to have Europe anymore.”  Þið verðið að koma hlutum í lag annars verður ekki til nein Evrópa lengur.

Af hverju hafa stjórnmálamenn Evrópu á eilífum fundum sínum ekki áttað sig á þessari einföldu staðreynd og brugðist við? 

Já og af hverju hafa íslenskir stjórnmálamenn ekki áttað sig á þeirri einföldu staðreynd að :við verðum að koma hlutunum varðandi hælisleitendur  í lag, afnema úreltar reglur og setja tímabundið stopp a.m.k. í þrjú ár á móttöku hælisleitenda og stöðva svokallaða fjölskyldusameiningu strax. 

Ef við gerum það ekki þá verður ekki til neitt Ísland lengur.

Við landvarnarfólk verðum að knýja fram þessa breytingu og senda þá sem eru ólöglega í landinu úr landi strax ásamt þeim sem gerast brotlegir við lög og misnota velferðarkerfið. 

Virtur hagfræðiprófessor benti á að hælisleitendakerfið kosti yfir 100 milljarða árlega. Við höfum ekki efni á því, en ábyrgðarlausir stjórnmálamenn halda áfram að reka ríkissjóð með halla og heimila landtökuliðinu að moka til sín styrkjum á kostnað vinnandi fólks. Við getum ekki liðið það lengur. 

Komum í veg fyrir ótímabær dauðsföll og þjáningar

Sem betur fer áttuðu heilbrigðisyfirvöld sig á nauðsyn þess fyrir löngu, að skima þyrfti fyrir brjóstakrabbameini hjá konum, þeim hræðilega sjúkdómi sem tekur allt of margar konur frá okkur iðulega á unga aldri. Með því að skima fyrir sjúkdómnum náðist mikill árangur og brautryðjendastarfi Krabbameinsfélagsins verður seint þakkað fyrir þann árangur sem náðist. Í því efni eins og hvað varðar aðra illvíga sjúkdóma þá má betur ef duga skal og vonandi gengur það eftir. 

Annað krabbamein illvígt sem fleiri og fleiri karlmenn falla fyrir og hrjáir karlmenn í stöðugt meira mæli með hækkandi lífaldri er krabbamein í blöðruháskirtli. Engin almenn skimun er vegna þess krabbameins hjá körlum, en nauðsynlegt að koma henni á. Með almennri skimun fyrir blöðruháskirtils krabbameini mætti koma í veg fyrir fjölda ótíambærra dauðsfalla og auk þess bæta heilsu fjölmargra þar sem krabbameinið mundi uppgötvast á byrjunarstigi í stað þess of seint eins og gerist allt of oft. 

Á sama tíma og það ber að lofa það frumkvæði og framsýni sem var viðhaft varðandi almenna skimun fyrir brjóstakrabbamein í konum, þá á sá árangur sem náðist í þeim efnum, að vera okkur hvatning til að gera nú enn betur og koma eins vel og við getum í veg fyrir ótímabær dauðsföll og þjáningar karla með almennri skimun fyrir blöðruháskirtilskrabbameini.  

Heilbrigðisráðherra og Krabbameinsfélagið eiga hér tímbært og nauðsynlegt verk að vinna og í því efni er ekki hægt að fyrirgefa ef ekki verður brugðist við skjótt. 

Ólyginn sagði mér

Ólyginn sagði mér að Palestínuarabinn sem skvetti málningu á blaðamann Morgunblaðsins sé sá sem sem fór yfir handriðið á áheyrnarsvölum Alþingis í vetur og gerði sig líklegan til að beita sér af afli gegn þingkjörnum fulltrúum þjóðarinnar.

Ólyginn sagði mér líka að þessi maður hefði fengið hingað 17 meintra ættmenna sinna á grundvelli fjölskyldusameiningar(ath. engin könnun fór fram á skyldleika fólksins) með dyggum atbeina og aðstoð forustukonu Samfylkingarinnar Karenar Kjartansdóttir. Kostnaður skattgreiðenda við fjölskyldu þessa mótmælenda er þá líklega um 300 milljónir á ári.

Hvað var maðurinn að gera með málningu við mótmæli? Menn mæta ekki með slíkt í farteskinu nema hafa ákveðið að nota málninguna. Skyldi lögreglan hafa spurt manninn þeirrar spurningar?

Ólyginn segir mér líka að á sama tíma og þetta gerðist hafi annað gerst, sem ekki hafi vakið eins mikla athygli fjölmiðla. Öryggisvörður á hóteli í Reykjavík hafi vísað tveim hælisleitendum út og þeir hótað honum með hnífi, hann kært og þeir verið teknir til yfirheyrslu hjá lögreglu, sem hafi sleppt þeim að yfirheyrslu lokinni án þess að leggja hald á hnífana.

Viðkomandi sem koma frá sæluríkjum fyrir botni Miðjarðarhafsins og hafa greinilga áhuga á að ástandið á Íslandi verði það sama og þeir segjast hafa flúið frá, hafi síðan farið rakleiðis aftur eftir að lögreglan sleppti þeim og lagt til öryggisvarðarins með hnífi og stungunni beint að brjósti öryggisvarðarins, en slík stunga er lífshættuleg, það vildi öryggisverðinum til lífs, að hann var í stunguheldu vesti. 

Nú þætti mér vænt um, að lögreglan gerði hreint fyrir sínum dyrum í þessu efni. Tóku þeir mennina til yfirheyrslu og slepptu þeim án þess að taka af þeim hnífana sem þeir ógnuðu öryggisverðinum með? Kom ekki til greina að setja þá í varðhald á grundvelli öryggishagsmuna?

Ætlar lögreglan ekki að bregðast við og taka á afbrotum fólks með sama hætti hvaðan svo sem það er upprunnið? Sér pólitíska elítan ekki að það er rétt sem formaður lögreglufélgsis segir, að það þarf að fjölga lögreglumönnum um a.m.k. 300 til að tryggja öryggi og innanlandsfrið. Já og hvað ætlar hún að gera. Hún bjó til þetta vandamál.

Fólkið í landinu vildi þetta aldrei en var aldrei spurð hvort hún vildi taka þessa lauka fjölmenningarinnar upp á sína arma. Pólitíska elítan tróð þessu upp á þjóðina. 

Hingað til hefur ríkisstjórnin ekkert gert annað en að bola vararíkissaksóknara Helga Magnúsi Gunnarssyni úr starfi fyrir að segja sannleikann um málefni hælisleitenda. Hann og fjölskylda hans mátti sitja undir ógnunum hælisleitenda án þess að fá vernd eða aðstoð. Hvað skyldu þá aðrir mega þola sem reyna að spyrna við fótum gegn ómenningunni og ofbeldinu.

Til að bæta gráu ofan á svart bolaði dómsmálaráðherra  dugandi lögreglustjóra á Suðurnesjum Úlfari Lúðvíkssyni úr starfi fyrir þá sök að standa sig frábærlega vel í starfi. 

Er ekki kominn tími til þess að við lokum landinu fyrir hælisleitendum næstu 3 árin a.m.k. Enga svonefnda fjölskyldusameiningu. Reynum að ná utan um vandann sem þegar er kominn við höfum hvorki efni né þol fyrir fleiri næstu árin. Við þurfum líka að fara úr Schengen og taka upp virka gæslu á landamærunum. 

Skjöldur Íslands og staðreyndir um samfélagið .

Á annan sólarhring hefur fréttastofa RÚV fjallað með niðrandi hætti um hóp fólks sem hefur tekið sig saman og myndað félagsskap, sem nefnist skjöldur Íslands. Kallaðir eru til sérfræðingar RÚV, sveipair um kuflum fræðimennsku þegar þeir flytja pólitískan áróður gegn þessum hópi. 

Hlutdræga RÚV kallar aldrei til forustumenn hópsins til að þeir geti fjallað um markmið hópsins og verkefni. Þeir eru óhreinu börnin hennar Evu í Paradís woke baráttu fréttastofunnar fyrir opnum landamærum og undanlátssemi gagnvart ógn sem komin er inn í landið illu heilli vegna þyrnirrósarsvefns pólitísku elítunnar og RÚV. 

Fullyrt er að innan hópsins séu þekktir ofbeldismenn. Samt er ekki bent á einn einasta. Þá er gagnrýnt merki á T bolum sem útbúnir hafa verið og sagt að það sýni fasískar eða nasískar skírskotanir. Samt verður ekki annað séð, en merkið sem þarna er vísað til sé Möltukrossinn,sem notaður er af mörgum m.a. kristnum samtökum. 

Svona atlaga að frjálsum félagasamtökum og einhliða áróður gegn félagafrelsinu án þess að fólk geti borið hönd fyrir höfuð sitt en sé dæmt sem málssvarar ofbeldis og annarra illra hluta er fordæmanleg og safnast ásamt öðru syndasarp fréttastofu RÚV gegn þeim lögum og reglum sem gilda um stofnunina. 

Hvað þarf til að pólitíska elítan rumski.

Við horfum á hnífaárásir sem hversdagslegt fyrribrigði,sem var óþekkt áður en innlytjendahrinan skall á landinu. Margföldun í búðarþjófnuðum, mikla fjölgun nauðgana, rána og harvítugra líkamsárása,þar sem meiri hluti gerendanna er af erlendu bergi brotin. Svo virðist jafnvel sem að vægara sé tekið á erlendu ofbeldisfólki en innlendu auk þess sem þjóðerni annars afbrotafólks en Íslendinga er vandlega falið í hefðbundnum fréttamiðlum. 

Við þessar aðstæður hvað á fólk að gera til að koma samfélaginu út úr þessu ófremdarástandi. Yfirstjórn lögreglunnar hefur brugðist í því að tryggja almannafrið og öryggi borgaranna. 

Síðast en ekki síst þá sýnir það vel óafsakanlegan sofandahátt pólitísku elítunnar, að láta frumvarp um leiguakstur daga uppi á Alþingi í stað þess að bæta fyrir fyrri brot sitt og afgreiða það svo fljótt sem verða má. Það var óafsakanlegt brot gegn öryggi borgaranna. 

Hvað eiga þá borgararnir að gera. Hvað getur orðið þeim til varnar? Að horfa sofandi á afbrot og aðgerðarleysi? 

Er ekki kominn tími til fyrir alla þjóðholla aðila að bregðast við og er ekki kominn tími til þess fyrir lögregluna að horfast í augu við að lögregluyfirvöld bera mikla sök á því hvernig komið er.

En þyngstu sök ber pólitíska elítan fyrir aðgerðarleysi og þjóðfjandsamlega löggjöf í innflytjenda- og hælisleitendamálum. 

Hvernig á að komast hjá handtöku

Rithöfundurinn Douglas Murray segir að öruggasta leiðin til að komast hjá handtöku í London sé, að þegar lögregluþjónn stoppar þig að hrópa Jihad, Jihad og drepum vantrúarpakkið síðan hjálpar að segja Allah er mikill á arabísku. 

Í gær birtist góð grein í Mbl.eftir Einar Hálfdánarson lögfræðing og endurskoðanda, þar sem hann bendir á að þrátt fyrir að hann hafi kært grófa hatursorðræðu aðila sem er á Jihad og Allah er mikill þjóðerninu og línunni,þá geri lögreglan ekkert. Það sama gildir þá fyrir Reykjavík og London viljir þú komast hjá handtöku.

Lögreglan á höfuðborgarsvæðinu bregst hins vegar illa við ef þú leyfir þér að hafa skoðun á kynlífstrúboði samtakanna 78 eins og Páll Vilhjálmsson fékk að kynnast þegar hann var kærður fyrir framlag sitt á markaðstorgi hugmyndanna og þáttöku í umræðu um þjóðfélagsmál, sem á erindi til almenings í landinu.

Að sjálfsögðu hefði Páll mátt segja sér þetta fyrir þar sem yfirstjórn lögreglunnar á höfuðborgarsvæðinu flaggar "Transfána" á tyllidögum við lögreglustöðina í Reykjavík.

Er ekki kominn tími til að dómsmálaráðherra landsins kynni prinsipíunni sem er lögreglustjóri á höfuðborgarsvæðinu, að á Íslandi gildi sú regla að allir skuli jafnir fyrir lögunum. 

 

 

Varnarlaus í Evrópusamstarfi

Forsætisráðherra og Ursula von der Leyen forseti frkv.stj ESB kynntu að framundan væri gerð samstarfsyfirlýsingar Íslands og ESB í öryggis- og varnarmálum. Forsætis- og utanríkisráðherrar þjóðarinnar eru þeirrar skoðunar, að varnarsamstarf við ESB hafi þýðingu fyrir Ísland.

Ísland nýtur þess að vera með tvíhliða varnarsamning við Bandaríkin og vera í NATO. Hverju bætir ESB við? Er líklegt að ESB þjóð komi okkur til hjálpar verði á okkur ráðist? Fjarri fer því. Eftir hverju er þá verið að slægjast?

Yfirlýsing Kristrúnar og Þorgerðar var gefin sama dag og ljóst varð að vörnum Evrópu yrði stýrt Bretlandi, Frakklandi og Þýskalandi, sem hafa gengið frá viljayfirlýsingum þar að lútandi. ESB hefur lítið með það að gera og ræður engu sem orð eru á gerandi.

Í ljósi þess hve mjög sem Kristrún og Þorgerður ólmast við að koma okkur í sem þéttast faðmlag með ESB er rétt að skoða, að ESB hefur enga rænu á að tryggja flutningaleiðir að og frá Evrópu. Aumingjaskapur Evrópuríkja er algjör. Þrátt fyrir fleiri fundi en orð eru á gerandi af hálfu ónýtrar pólitískrar yfirstéttar Evrópusambandsins. 

Í síðustu viku réðust Húti hryðjuverkamenn í Yemen á Grísk flutningaskip á alþjóðlegum siglingaleiðum og drápu nokkra úr áhöfn eins skipsins. Evrópuríkin og ESB gerðu ekki neitt frekar en fyrri daginn, en Ísrael svaraði með loftárásum á búðir hryðjuverkamannanna.

Á sama tíma og ýmis Evrópulönd þ.á.m. Ísland sbr. yfirlýsingar utanríkisráðherra standa í formælingum og forboði gagnvart Gyðingum og Ísrael, þá er þeir ásamt Bandaríkjunum einir til að tryggja líflínu flutninga að og frá Evrópu. 

Hvað er að græða á varnarsamstarfi við aðila,sem getur ekki tryggt öryggi eigin flutningaleiða með brýnustu nauðsynjar? 

Kappið er svo mikið í þeim Þorgerði og Kristrúnu að svo virðist sem þær vilji skera á böndin sem hafa tryggt okkur öryggi í 80 ár í trylltri sókn eftir aðild að Evrópusambandinu. Það feigðarflan fyrir íslenska þjóð verður að stöðva.

Ísland taki þátt í alþjóðlegum verkefnum ESB