Líkt hafast menn að.

Á áttunda og níunda áratug síðustu aldar tóku yfirvöld í þáverandi Sovétríkjum upp á því að senda stjórnarandstæðinga á geðveikrahæli. Það vakti ekki eins mikla eftirtekt og þegar þau voru send í hinar alræmdu fangabúðir kommúnista í Gúlaginu. Auðveldara var síðan fyrir stjórnvöld að bregðast við ef gagnrýnin varð mikil eins og Tom Stoppard gerir svo einstaklega góð skil í leikriti sínu "Every good boy deserves favour." 

Nú hefur dómsmálaráðherra brugðist við eins og þeir í Sovét forðum með því, eftir að hafa kiknað í hnjáliðunum vegna mótmæla við dómsmálaráðuneytið, að láta stjórnvöld sem undir hana heyra senda ólöglegan innflytjenda á barna og ungliðageðdeild til þess eins og Sovétherrarnir forðum að komast hjá gagnrýni fyrir lagabrot. 

Skyldi það fornkveðna eiga við að margt sé líkt með skyldum? 

Athugasemdir

[FORNLEIFUR, 17.2.2020 kl. 10:47]

Einstaklega ósmekkleg samlíking og þér til vansa.

[Jón Magnússon, 17.2.2020 kl. 11:38]

Það verður hver að meta það fyrir sig Fornleifur. En óneitanlega er þetta svolítið skondið Fornleifur að kerfið skuli leysa vandamálin með sama hætti og þeir í Sovét forðum.

[Halldór Egill Guðnason, 18.2.2020 kl. 01:32]

 Get nú eiginlega ekki annað en tekið undir með síðuhafa. Þetta er í meira lagi undarlegt útspil unglingsins í Domsmálaráðuneytinu, en að sama skapi mjög þægilegur millileikur af hennar hálfu.

 Tvö inngrip í meðferð hælisumsókna á innan við einni viku, þvert á lagalegt umhverfi, af hendi dómsmálaráðherra, lítur ekki vel út. 

 Hvaða brottvísun ætli verði tekin fyrir á morgun og hvað gerir óharðnaði unglingurinn þá, með ´´cand jur´´ upp á vasann?

 Góðar stundir, með kveðju að sunnan.