Flottastir allra

Okkur hættir til að ofmetnast í sjálfumgleði og teljum okkur þá á stundum vera flottust allra. Forsetar lýðveldisins virðast haldnir þessari meinloku í ríkara mæli en flestir.  Fyrrverandi forseti fann upp útrásargenið og því værum við með bestu og flottasta banka- og kaupsýslufólkið. Svo kom Hrunið. 

Núverandi forseti telur okkur eiga flottasta sóttvarnarteymi í heimi og sæmdi það fálkaorðu í júní 2020, af því að þá hafði það að hans mati unnið fullnaðarsigur á Kóvíd. Rúmu einu og hálfu ári síðar fjölgar smitum sem aldrei fyrr, en ríkin í kringum okkur eru að aflétta öllum hömlum.

Heilbrigðisráðherra reynir að koma sér fyrir á bólakafi ofan í vasanum á sóttvarnarlækni jafnvel þó að eini alvöru lögfræðingurinn í ríkisstjórninni segi það lögleysu. 

En tillögur  sóttvarnarlæknis eru ekki að virka. Smit mældust fleiri í gær en nokkru sinni fyrr, en þetta reynist ekki verra en umgangspest. Er þá ekki rétt að láta heilbrigða skynsemi stjórna för og segja við sóttvarnarlækni - ekki meir - ekki meir. 

Athugasemdir

[Geir Ágústsson, 30.1.2022 kl. 20:15]

Nýja afbrigðið smitar óháð takmörkunum, og jafnvel óháð sprautum. Hér eru gögn frá einu minnst óbólusetta ríki Evrópu, ef ekki það alminnst bólusetta:

https://www.worldometers.info/coronavirus/country/romania

Smit í himinhæðum en dauðsföllin flöt. 

Eitt mest sprautaða ríkið með svipuð gröf:

https://www.worldometers.info/coronavirus/country/germany

Það hefði verið nær að setja milljarðana í að lækna fólk í stað þess að einangra börn og drepa fólk úr krabbameini vegna skors á skimunum.