Fjöldahjálparstöð

Fjöldahjálparstöð er fínt orð yfir flóttamannabúðir á engilsaxnesku "refugee camp." Þetta verður að gera, þar sem stjórnvöld hafa ekki nein úrræði varðandi móttöku ólöglegra innflytjenda og raunverulegra hælisleitenda. 

Ástæða þess, að við erum lent í þessum ógöngum varðandi hælisleitendur er margþætt. Við stjórnum ekki lengur landamærunum heldur höfum fórnað þeirri yfirstjórn á grundvelli Scengen samstarfs, sem við ættum sem fyrst að segja okkur frá. 

Í annan stað er íslensk löggjöf í málefnum útlendinga og flóttafólks svo og félagsleg aðstoð við þá svo vitlaus, að auðveldara er fyrir ólöglega innflytjendur að koma til Íslands en allra annarra landa í Evrópu. 

Í þriðja lagi er félagslega aðstoðin hér svo rífleg, að hún freistar fólks að koma hingað. 

Í fjórða lagi þá er nánast engum vísað úr landi þó hann sé hér ólöglega og úrskurðir og jafnvel dómar hafi gengið í þá áttina. Þeir sem hafa verið úrskurðaðir eða dæmdir til að fara  halda áfram að vera í landinu og njóta áfram ríkisstyrkja. 

Stefna stjórnmálaelítunnar í málefnum innflytjenda er nú algjörlega sigld í strand og fólk gerir sér í vaxandi mæli grein fyrir því hvaða afleiðingar það hefur þegar þjóð stjórnar ekki lengur landamærum sínum. 

Íslendingar hafa ekki áttað sig á því enn að útlendingastefna stjórnmálaelítunnar bitnar á fólkinu í landinu. Það kemur fram þegar fólk þarf á þjónustu lækna eða hjúkrunarfólks að halda. Það kemur fram í vaxandi húsnæðisskorti, skorti á dagheimilum og erfiðleikum við að láta alla sem hér eru njóta viðunandi skólavistar. 

Svo virðist vera sem stjórnmálaelítan hafi ekki nokkra hugsun á því að bæta lífskjör borgara þessa lands og neiti að horfast í augu við að sömu krónunni verður ekki eytt tvisvar. 

Er ekki mál til komið að við tökum sjálf stjórn á landamærunum og látum af bæði barna- og kjánaskap sem og algjöru óraunsæi í málefnum hælisleitenda. 

Neyðast til að opna fjöldahjálparstöð

Athugasemdir

[Jón Þór Hannesson (IP-tala skráð) 4.10.2022 kl. 18:39]

Hverju orði sannara !

[S (IP-tala skráð) 4.10.2022 kl. 20:11]

Takk fyrir að standa vaktina í þessum málum. Útlendingalögin hafa verið tímasprengja frá því að þau voru sett, og eru núna að springa framan í okkur. Það má áætla að 30% Íslendinga búi við lakari kjör en hælisleitendur njóta. Fólkið sem er fætt hér og uppalið og hefur alla tíð borgað skatta og skyldur er orðið hornrekur fyrir tilverknað stjórnmálaelítunnar. Með þessu er verið að eyðileggja samfélagssáttmálann, sem hefur haldið þjóðfélaginu saman, fyrir utan öll þau félagslegu vandamál sem munu fylgja í kjölfarið. Nú er áætlað að 4.500 hælisleitendur komi hingað á þessu ári, það samsvarar að 135.000 manns komi til Svíþjóðar á árinu (voru 10.000 í fyrra), eða 4 milljónir til Bandaríkjanna. 

[Ásgrímur Hartmannsson, 5.10.2022 kl. 12:27]

"Svo virðist vera sem stjórnmálaelítan hafi ekki nokkra hugsun á því að bæta lífskjör borgara þessa lands..."

Mig grunar sterklega að planið sé að eyða lífskjörum borgaranna.  Viljandi.

Það lítur þannig út.  Hve hemiskir þurfa ráðamenn að vera til að sjá ekki hvað þeir eru að gera?

[Grímur Kjartansson, 6.10.2022 kl. 08:38]

Allar nýlegar fréttir sem birtast segja að Úkraína sé að vinna stríðið og jafvel endurheimta Krímskaga 
Hví er því verið að senda úraínubúa í þessar flóttamannabúðir með gámaklósettunum ef það er satt?

Volodymyr Zelensky says Russia has ‘already lost’ as Ukraine ‘could reclaim Crimea’ (msn.com)

[Birgir Loftsson, 6.10.2022 kl. 17:34]

Ég veit alveg hver notaði hugtakið "góða fólkið" fyrst og veit að hann notaði það í kaldhæðni. Ég myndi frekar kalla það "hugsunarlausa fólkið", það sér ekki hverjar afleiðingarnar eru af "góðverkum" þess er. Í hópi "góða fólksins" eru stjórnmálamenn sem eru skíthræddir við að mæta í fjölmiðla og andmæla gegn útlendingastefnunni. Þeir eru hræddir að vera í hópi "vonda fólksins". Frjálslyndir fjölmiðlar herja svo á þá sem fara út af sporinu. Jón Magnússon er búinn að tala svo lengi um þessi mál, að fjölmiðlar nenna ekki að fara í hann!

Athugum: Allt sem er gert í lífinu hefur alltaf afleiðingar.