Bara fyrir ólöglega.

Hér færðu 300 þúsund krónur á mánuði og heilbrigðisþjónustu ef þú þarft á að halda þó þú megir skv. lögum ekki dvelja hérna. Þetta er það sem íslensk stjórnvöld bjóða ólöglegum hælisleitendum, sem hefur verið vísað úr landi. 

Ó hve landinn yrði sæll og elska mundi landið heitt, ef hann fengi kr. 300.000 um hver mánaðarmót frá Ríkinu inn á bankareikninginn sinn eins og ólöglega hælisleitendur,fá, sem eru í felum fyrir lögreglunni. 

Einhver leiðindaskjóða mundi sjálfsagt benda á, að það gengi aldrei upp, Ríkið færi lóðbeint á hausinn ef það leyfði sér að gera jafnvel við íslenska ríkisborgara og þessa ólöglegu hælisleitendur.

Ríkið er rekið með bullandi halla. Greiðslurnar til ólöglegu hælisleitendanna, sem eru í felum fyrir réttvísinni er kostnaður sem börnin okkar og barnabörn þurfa að greiða í framtíðinni. 

Ekki nóg með þetta. Jafnvel þó  að Ríkið greiði fargjald ólöglegu hælisleitendanna, fararkostnað og allt að kr. 450.000 í aðlögunarstyrk, þá eru þeir samt í felum og þiggja mánaðarlegan tékka frá íslenskum  skattgreiðendum upp á kr.300.000.

Þetta er ekkert nýtt. Svona hefur þetta bull verið í meira en áratug og heldur verið bætt í en dregið úr.

Talandi um mannúð. Þá er kostnaðurinn við einn ólöglegan hælisleitenda svo mikill að þeir peningar sem eytt er í  hvern einstakan duga til að fæða og klæða 100 manns í brýnni þörf á átaka- og ófriðarsvæðum. Fólk sem á raunverulega bágt. 

Það er nóg komið af því að stjórnmálaelítan í landinu misfari svona með opinbert fé og geri svona hrikalega upp á milli fólksins í landinu og ólöglegu innflytjendanna. Það verður að hætta þessu rugli og sýna þeim stjórnmálaflokkum,sem ætla að halda því áfram, að þeir eigi ekki lengur erindi við kjósendur í landinu. 

Athugasemdir

[Ragnhildur Kolka, 29.11.2022 kl. 11:51]

Ms sjúklingurinn á Seltjarnarnesi, sem nú á að vísa á götuna, gæti þegið eitthvad af þessu "umframfé" sem ríkisstjórnin eys nú í útlendinga. 

[Sigurður I B Guðmundsson, 29.11.2022 kl. 13:36]

Ef þetta er rétt hjá þér Jón þá er eitthvað mikið að. Ekki bara hjá "góða fólkinu" sem mér finnst vera á móti samlöndum sínum heldur miklu frekar hjá þeim sem sitja á Alþingi og ráða, stjórna og bera ábyrgð á þessu máli sem öðrum. 

[Guðríður Lára Þrastardóttir (IP-tala skráð) 29.11.2022 kl. 14:28]

Sæll Jón, mig langar til að benda þér á að umsækjendur um alþjóðlega vernd sem fara í felur fá hvorki greitt frá ríkinu né sveitarfélögunum. Einugis þau sem gera grein fyrir sér í hverri viku fá greitt, þá er heimilt að svipta umsækjendur peningagreiðslum ef þeir mæta ekki í viðtöl, neita að gera grein fyrir sér o.s.frv. Þá eru þau sem eru í felum eðli málsins samkvæmt ekki í húsnæði á vegum sveitarfélaga eða ríkisins og ber ríkið því ekki kostnað af veru þeirra hér. Það er því rangt að fólk í felum kosti ríkið 300.000 kr. á mánuði. Í 25. gr. reglugerðar um útlendinga er kveðið á um fæðispeninga umsækjenda um alþjóðlega vernd. Þar kemur fram að fæðispeningar einstaklings sé 8.000 kr. á viku, hjón eða sambúðarfólk fær 13.000 á viku en greiddar eru 5.000 kr. með hverju barni, fjölskylda fær þó að hámarki 28.000 kr. á viku í fæðispening. Að auki eiga umsækjendur um alþjóðlega vernd rétt á vikulegu framfærslufé eftir 4 vikna dvöl hér á landi. Fullorðinn einstaklingar á rétt á 2.700 kr á viku og barn 1.000 kr. Skilyrði framfærslufjár og fæðispeninga er meðal annars að viðkomandi geri grein fyrir sér hjá Útlendingastofnun.

 

 

[Jón Magnússon, 29.11.2022 kl. 19:01]

Guðríður Lára þetta er ekki í samræmi við fréttina í Morgunblaðinu í gær um kostnað vegna ólöglegra hælisleitenda í felum. Þar er talað um kostnað kr.300 þúsund.

[Guðríður Lára Þrastardóttir (IP-tala skráð) 30.11.2022 kl. 16:21]

Sæll, geturðu bent mér á þá frétt? 

[Jón Magnússon, 30.11.2022 kl. 19:41]

Hún er á tenglinum við bloggið mitt deginum áður.