Algjör stefnubreyting, af hverju?

Þegar íslamskir hryðjuverkamenn flugu flugvélum á tvíburaturnana í New York og þeir hrundu og þúsundir manna biðu bana, var þjóðhátíð á Gaza, fólk streymdi út á göturnar og fagnaði. Með sama hætti hafa Gasa búar fagnað velheppnuðum hryðjuverkum íslamista á Vesturlöndum hvort heldur það var að myrða ritstjórn franska ritsins Charlie Hebdoe eða annað. Svo annt er þessu fólki um velferð og menningu okkar Vesturlandabúa.

Þ.7.október frömdu liðsmenn stjórnvalda á Gaza, Hamas svívirðilegt hryðjuverk, þar sem börn voru steikt lifandi, konum var nauðgað og síðan drepnar og ekið með líkin um Gasa borg þar sem fólkið hrækti á líkin. Auk þess voru teknir yfir 200 gíslar sem nú eru sennilega flestir fallnir fyrir hendi hryðjuverkamannanna á Gasa.

Utanríkisráðherra formaður Sjálfstæðisflokksins yfirlýsti í gær, að allt yrði gert til að færa sem flesta af þessu liði svokallaðra Palestínumanna á Gasa til Íslands með svokallaðri fjölskyldusameiningu, sem sett yrði á algjöran forgang. 

Fjölskyldusameining heitir fyrirbrigði sem góða fólkið bjó til og fellst í því, að takist einum að komast inn, þá venjulega ólöglega og fá stöðu hælisleitenda, þá getur hann kallað eftir því að öll fjölskyldan fái að koma á eftir. Í Noregi hafa þeir reynslu af þessu þar sem 30 manna stórfjölskylda Múhammeð Hassan eða hvaða Múhammeð svo sem hann nú heitir er innan skamms mætt á vettvang og fær borgarleg réttindi á kostnað skattgreiðenda, því sjaldnast vinnur þetta fólk nokkuð. 

Nú liggur utanríkisráðherra á að samsama sig með góða fólkinu og fjölga hér Múhameðum og Fatímum svo um munar í landinu. Í gær sagði hann að fjölskyldusameining Palestínumanna yrði sett í algjöran forgang. Áður hafði dómsmálaráðherra yfirlýst að þeir Palestínumenn sem hingað kæmu fengju jafnan aðgang að landinu og velferðarkerfinu. Þá munu koma Múhammeðarnir og Fatímurnar sem fögnuðu þegar tvíburaturnarnir í New York féllu og hafa lifað án mótmæla undir stjórn hryðjuverkasamtakanna Hamas í blindu hatri á Vesturlöndum og öllu sem þau varðar.  

Ekki nóg með þetta. Utanríkisráðherra yfirlýsti í gær, að Ísland mundi greiða atkvæði með tafarlausu vopnahléi á Gasa á forsendum hryðjuverkasamtakanna Hamas. Þar er um 180 gráðu stefnubreyting frá því að Ísland greiddi atkvæði gegn slíkri tillögu fyrir nokkrum dögum síðan. Hvað breyttist? Af hverju greiðum við nú atkvæði með tillögu sem við höfnuðum fyrir nokkrum dögum.

Nú er í lagi að greiða atkvæði með tillögu, sem hvorki fordæmir hryðjuverk Hamas eða að þeir leysi gísla úr haldi. Tillaga sem hefur þann eina tilgang að koma í veg fyrir að hryðjuverkasamtökin Hamas verði upprætt. 

Í leiðara í DT fyrir nokkrum dögum var afstaða David Cameron um að sitja hjá við afgreiðslu sambærilegrar tillögu á vettvangi Öryggisráðs SÞ. kölluð siðferðilegur heigulsháttur. Hvað ætti það þá að heita þegar menn ganga enn lengra og samsama sig með ofbeldis- og hryðjuverkaöflunum?

Íslenskir stjórnmálamenn börðust fyrir því að sjálfstætt Ísraelsríki yrði stofnað 1948, þar fór fremstur í flokki Thor Thors sendiherra Íslands hjá Sameinuðu þjóðunum, sem voru alvöru samtök á þeim tíma, og Bjarni Benediktsson eldri, sem þá var utanríkisráðherra. Sjaldan hefur Ísland haft eins mikið vægi á alþjóðavettvangi eins og þá,en tekið er til þess hve afburða snjall Thor Thors var að koma þessu máli, sjálfstæðu Ísraelsríki í höfn. 

Þá hvikuðu alvöru stjórnmálamenn ekki og það mátti treysta á, að þau stæðu við sannfæringu sína.  

Athugasemdir

[Jónatan Karlsson, 13.12.2023 kl. 13:19]

Þú byrjar varnarorð þín á að rifja upp að fólk í Gaza hafi streymt út á göturnar og fagnað líkt og á þjóðhátíð þann 11.September 2001 vegna tortímingar turnana tveggja, líkt og þú minnist greinilega, en ég var þá staddur í fyrirtæki úti í bæ, þegar kveikt var á beinni sjónvarps útsendingu CNN ótrúlega snemma í þessari líka hrikalegu atburðarás, en aðeins u.þ.b. 10 mínútur inn í útsendingunni kom fréttaskot frá Palestínu, þar sem fréttamaður sýndi hóp fagnandi barna sem öll veifuðu hlæjandi og glöð litlum palestínskum bréf fánum og það réttilega úti á götu.

Ég er mögulega tortryggnari að eðlisfari en þú, en þessi uppsetning með öllum greinilega glæ-nýju fánunum svo skömmu eftir að CNN byrjaði útsendinguna hringdi óneitanlega ákveðnum aðvörunarbjöllum hjá mér, sem greinilega gerðist ekki hjá þér, en nóg um það.

Talandi um hrikaleg fjöldamorð á saklausu fólki í tilefni yfirstandandi atburða á Gaza, þá er það nákvæmlega í dag, 13 Desember 1938 að fjöldamorðana í Nanjing er minnst í Kína, en þar slátruðu og svívirtu japanskir hermenn fleiri tugum þúsunda Kínverja á örfáum dögum með aðferðum sem fá grimmustu sveitir Himlers til að líkjast litlum skátadrengjum samanborið við þá.

[Rúnar Valsson, 13.12.2023 kl. 19:50]

Það er gott að þú skrifir um þetta vandamál Jón, mál sem er að tröllríða hinum norðurlöndunum, og stjórnmálamenn okkar virðast vera að falla í sömu gryfju.

[Tómas Ibsen Halldórsson, 13.12.2023 kl. 22:47]

Þakka þér Jón fyrir þína greinagóðu lýsingu á því sem er að gerast.

Nú spyr ég: Hvar er Sjálfstæðisflokkurinn??? hvað er orðið af honum?????

Þegar Sjálfstæðisflokkurinn samþykkti Icesave sagði ég mig úr flokknum. Í dag sé ég ekki að sú ákvörðun hafi verið röng, þvert á móti sýnist mér að hún hafi verið rétt með tilliti til þess hvernig flokkurinn hefur breyst í harðan kommúnistaflokk. Þetta er ekki sami flokkurinn og ég gekk til liðs við meðan ég enn var ungur.