Óheilindi Samfylkingarinnar.

Óneitanlega eru margar aðgerðir ráðherra Samfylkingarinnar sérkennilegar. Nú hafa ráðherrar Samfylkingarinnar látið bóka sérstaka afstöðu sína til Davíðs Oddssonar seðlabankastjóra. Næst bregst Samfylkingin þagnarskyldu og trúnaði og lætur  málgagni sínu Fréttablaðinu í té  upplýsingar um bókunina.  Ekki verður annað séð en með þessu hafi Samfylkingin annað hvort  kosið að standa varðstöðu um Davíð Oddsson þó að með þessum sérkennilega hætti sé eða vinna að stjórnarslitum.

Samfylkingarráðherrum er  ljóst að samstarfsflokkur þeirra í ríkisstjórn verður ekki knúinn til að láta fyrrverandi formann sinn fara úr embætti Seðlabankastjóra með bókun á ríkisstjórnarfundi. Þvert á móti þá er slík aðgerð líkleg til að koma í veg fyrir að Seðlabankastjóri verði látinn víkja. Markmiðið með bókuninni getur því tæpast verið annað en að knýja Sjálfstæðisflokkinn til að standa við bakið á Davíð. Samfylkingin er með því að reyna að koma höggi á samstarfsflokk sinn í ríkisstjórn og það ætti öllum að vera ljóst.

Eftirtektarvert hefur verið að fylgjast með því undanfarna daga eftir að Samfylkingi notar öll tækifæri til að reyna að koma sér undan ábyrgð á óvinsælum aðgerðum en láta líta svo út að það sé allt á ábyrgð Sjálfstæðisflokksins.  Þegar svo er komið í ríkisstjórn þá eru engin heilindi til staðar lengur. Slík ríkisstjón er ekki á vetur setjandi og ekki líkleg til að valda því risavaxna verkefni sem framundan er.

Kjósendur verða að velta því fyrir sér hvort að Samfylkingin sem nú mælist með mest fylgi allra stjórnmálaflokka er trausts verður þegar ráðherrar flokksins sína ítrekað af sér dæmafá óheilindi gagnvart samstarfsaðila sínum þegar mest á ríður að samstaða um lausn vandamálanna sé til staðar.

Stjórnarandstaðan hefur sýnt fulla ábyrgð og vilja til að vinna af heilindum að lausn þess gríðarlega vanda sem er framundan. Það er því með ólíkindum að annar stjórnarflokkurinn skuli sína af sér ítrekað jafnmikið ábyrgðarleysi og Samfylkingin gerir.

Skyldi Samfylkingin haga sér svona ábyrgðarlaust af því að hún er blinduð af velgengni í skoðanakönnunum og vilji í raun slíta stjórnarsamstarfinu og láta efna til kosninga sem fyrst?

Samfylking afneitar Davíð

Athugasemdir

[Sigurður Þórðarson, 2.11.2008 kl. 19:11]

Samfylkingin nýtur þess að vera bæði í stjórn og stjórnarandstöðu.

[Nökkvi (IP-tala skráð) 2.11.2008 kl. 19:49]

Ég átta mig ekki alveg á því hvað  þú ert að meina eða hvað þú átt við þegar þú talar um ábyrgðarleysi Samfylkingarinnar, viltu útskýra það nánar Jón?

Eru menn þar á bæ ekki einfaldlega að endurspegla vaxandi skoðun í þjóðfélaginu að Davíð Oddsson og bankastjórn Seðlabanka hljóti að þurfa að taka ábyrgð á því ástandi sem nú er hér?

Ef ég væri í þínum sporum hefði ég þungar áhyggjur af þessu ástandi og ég verð að segja að mér finnst stjórnarandstaðan heldur slöpp, þegar Íslendingar eru farnir að mæta á mótmælafundi er ástæða til að taka fast á því sem verið er að mótmæla, og leysa málið. Þið sem eruð á þingi eruð þar einfaldlega í okkar umboði þar og það má skipta út, til þess eru kosningar og hvað ef þær koma fyrr en menn halda? Ekki eru nú tölurnar í skoðannakönnunum glæsilegar, hvorki hjá Frjálslyndum né Sjálfstæðisflokki.

Ef einhverntíma er lag til að setja á laggirnar hægriklofningflokk út frá Sjálfstæðisflokki er nú lag. Ég myndi hugsa mig vel um ef sú staða kæmi upp. Mér finnst sem þingmenn séu of værukærir og óskaplega lítið að gera annað en að tuða.

Actions speek louder than words!

[Jón Magnússon, 2.11.2008 kl. 20:58]

Ábyrgðarleysi Samfylkingarinnar felst í því að leggja fram bókun um þetta mál og leka trúnaðarmáli út af ríkisstjórnarfundi. Þá hef ég lýst þeirri skoðun minni Nökkvi að Davíð þurfi að segja af sér. En vilji menn að það verði að raunveruleika þá eru Samfylkingarmenn að gera einmitt það sem knýr Geir til að taka varðstöðu með Davíð. Ég er að gagnrýna vinnubrögðin sem mér finnst sýna óheilindi Nökkvi.

Ég hef þungar áhyggjur af þessu ástandi m.a. vegna þess að mér finnst ríkisstjórnin ekki valda verkefninu. Svo er ég sammála þér með skoðanakannanir.  Svo er líka rétt að tími uppstokkunar í íslenskum stjórnmálum er tvímælalaust að renna upp.

[J. Trausti Magnússon, 2.11.2008 kl. 21:14]

Þetta er alveg dæmalaust. Að vera í ríkisstjórn en bera bara ábyrgð á sumu sem er gert en ekki öllu. Það hlítur að vera skelfilegt að vera í samstarfi við svona aðstæður þegar hætta er á að samstarfsaðilinn hlaupist undan merkjum.

[Nökkvi (IP-tala skráð) 2.11.2008 kl. 21:28]

Ég myndi ekki líta á þennan leka sem neitt annað en hann er (þ.e. hafi hann og umrædd bókun yfirleitt átt sér stað), sem sagt leið Samfylkingarinnar til þess að þvo hendur sínar af bankastjóranum á hólnum komi til stjórnarslita. Samfylkingarmenn vilja eiga möguleika á að sitja í stjórn sem spritti upp af því. Þeir eru einfaldlega að fría sig allri ábyrgð á ástandinu og ekki skemmir að í augnablikinu beinast öll spjótt að Davíð og í framhaldi af því að Geir, því það er forsætisráðuneytið sem ber ábyrgð á ráðningu í störf seðlabankastjóra.

En þetta dregur ekki úr ábyrgð stjórnarandstöðunnar. Eins og ég hef áður lagt til stofnið skuggaráðuneyti, ráðið til ykkar sérfræðinga og látið þá koma með tillögur að lausnum og framtíðasýn. Þetta er það sem fólk er að kalla eftir!

[Þóra Guðmundsdóttir, 2.11.2008 kl. 21:37]

Ég hef það eftir nokkuð áreiðanlegum heimildum að Samfylkingin myndi gjarnan vilja slíta stjórnarsamstarfinu og efna til nýrra kosninga ef stjórnarandstaðan væri ekki svona ask. slöpp.

[Nökkvi (IP-tala skráð) 2.11.2008 kl. 21:47]

Þóra, þetta er málið held ég, því miður.

[Snæbjörn (IP-tala skráð) 2.11.2008 kl. 22:00]

Vandamál Samfylkingar felst í því að reyna að koma stöðum asna (Sjálfstæðisflokknum) úr sporunum.  Vandamál asnans er þessi undarlega fluga fortíðarinnar (DO) sem suðar í hlust hans.

Spurningin er hvenær S gefst upp og slær asnann af.

[óli (IP-tala skráð) 2.11.2008 kl. 22:09]

Samfylkingin kann bara að vera í stjórnarandstöðu, er ekki þeirra maður fyrrverandi Seðlabankastjóri og núverandi stjórnarformaður Fjármálaeftirlitsins Jón Sigurðsson. Undarlegt að engin ábyrgð skuli hvíla á honum, miðað við hvað þau

atast i Davíð,

[Þóra Guðmundsdóttir, 2.11.2008 kl. 22:39]

Nökkvi, þetta er auðvitað bara fyrirsláttur hjá Samfylkingunni. Það er heldur ekki hennar að meta hvort frambjóðendur annarra flokka séu nógu hæfir til starfans. Sjálfstæðisflokkurinn hefur rekið svipaðan hræðsluáróður, "kjósið okkur, því hinum er ekki treystandi".  Við sjáum nú til hvers það hefur leitt.

Ríkisstjórnin er rúin trausti og á því að víkja. Við eigum að fá að kjósa uppá nýtt.

[haraldurhar, 2.11.2008 kl. 22:53]

   Jón þú blaðrar út í eitt.  Auðvitað eru það heilindi við Geir og Sjálfstæðisflokkinn að koma með bókun um að þeir treysti ekki núverandi Seðabankastjóra.  Samfylkingin lagði það til að fulltrúar flokkana í stjórn Seðlabankans hefður menntun og kunnátu til að genga stjórnarstörfum, en Sjálfstæðisflokkurinn hafði ekki burði til að láta af þeirri venju að nota þetta sem pólitískan bitling, og tilnefni Halldór Blöndal, Hannes Hólmsteinn,  þetta er vanvirða við okkur þegna þessa lands.  Jón ég er ekki frá því að þér sé margt betur gefið en lesa út orsakir og afleiðingar er kemur að stjórnmálum.

[Nökkvi (IP-tala skráð) 2.11.2008 kl. 22:54]

Þóra, líklega hefur þú rétt fyrir þér.

Ég vil bæta því við að hræðsluáróður kemur oft ekki til að góðu, heldur af málefnasnauð. Væri ekki æskilegra að fólk myndi kjósa vegna málefna en ekki vegna áhrifa frá hræðsluáróðri?

Mér finnst pólitíkin hér afar slök, og í undarlegum farvegi vinagreiða og innbyrðis tengsla.

[Gísli Bergsveinn Ívarsson, 2.11.2008 kl. 23:03]

Heill og sæll Jón

Ég var einn þeirra sem var ekki of hrifinn af myndun ríkisstjórnar með Samfylkingunni en ég var þess viss að "hún" myndi nota tækifærið einhverntíman á ögurstundu til þess að slíta samstarfinu.

Ég vona auðvita að "hún" geri það ekki en það kæmi mér ekki á óvart

[Guðrún María Óskarsdóttir., 2.11.2008 kl. 23:05]

Góður pistill Jón, og þetta sem þú hér ræðir er hlutur sem sannarlega þarf að ræða.

Það er alvarlegt ef flokki er ekki treystandi betur við stjórnvölinn en raun ber vitni í því ástandi sem nú ríkir.

kv.gmaria.

[Gísli Baldvinsson (IP-tala skráð) 3.11.2008 kl. 09:06]

"Næst bregst Samfylkingin þagnarskyldu og trúnaði og lætur málgagni sínu Fréttablaðinu í té upplýsingar um bókunina." Heiðarleiki er nauðsynlegur í stjórnmálum, Jón. Það er kristalljóst að það voru ekki samfylkingarráðherrar sem láku bókuninni. Það er meir að segja vitað hvaða ráðherra lak þessu. Ætli þér renni það ekki í grun miðað við aðrar fréttir dagsins?

[Jón Magnússon, 3.11.2008 kl. 10:01]

Gísli ef það er vitað hvaða ráðherra lak þessu segðu mér þá hver er það. Ég veit ekki hvaða ráðherra gæti hafa lekið þessu. Segðu frá því í næstu athugasemd.

Að öðru leyti góðar kveðjur kæri vinur.

[Jón Magnússon, 3.11.2008 kl. 10:03]

Björn vinur minn Samfylkingarmaðurinn Gísli Baldvinsson heldur því fram að Samfylkingarfólkið hafi ekki lekið þessu. Það er athyglivert. En það er rétt athugasemd hjá þér að forverar þessa flokks eru frægir fyrir það í síðari tíma stjórnmálasögu þjóðarinnar að geta ekki haldið trúnað.

[Sigurður Þórólfsson (IP-tala skráð) 3.11.2008 kl. 11:14]

Þetta gaspur og árásir á samstarfsflokkinn leiða til þess á endanum að Samfó fremur pólístískt sjálfsmorð.   Samfó er ekki stjórntækur flokkur.

Hvar er Björgvin Sig.?  Hann stóð sig vel við hlið Geirs í umrótinu um daginn, en nú er hann horfinn.  Ætli ISG hafi tekið hann út af þegar henni var ljóst að hann væri að vinna með samstarfsflokknum?

ISG ber líka ábyrgð á falli krónnunnar.  Var það ekki hún sem lýsti því yfir á Alþingi að krónan væri ónýt?  Svona yfirlýsingar spyrjast út í heim þannig að skortsalar taka stöðu gegn krónunni og fella hana. 

Tilgangurinn með þessu hjá henni var náttúrulega að eyðileggja krónuna svo við neyddumst til að ganga í ESB og taka upp Evru.

Atburðir undanfarna vikna sýna að Samfó er í stjórnarandstöðu og að í raun eru þrjár ríkisstjórnir í landinu; ríkistjórna Geirs, ríkistjórn Þorgerðar Katrínar og ríkisstjónr Samfylkingarinnar.

[Sigurður Þórólfsson (IP-tala skráð) 3.11.2008 kl. 11:22]

Við athugasemd mína er það að bæta, að verði Davíð að víkja úr Seðlabankanum, þá er honum frjálst að segja allt sem hann veit að hefur verið að gerast í stjórnmálalífi landsins udanfarið. 

Það verður safaríkur fróðleikur sem Davíð kæmi með og það munu þá margir skjálfa og nötra.  Þá munu sko margir hausar þurfa að fjúka.

Enginn skyldi verða svo vitlaus að halda því fram að allt verði hér hljótt og stillt á yfirborðina þegar Davíð fer.  Hann mun segja frá ýmsu sem mun koma mörgum illa.  Davíð lætur ekki þagga í sér.  Hann mun leysa frá skjóðunni  og það mun koma mörgum illa, sérstaklega Samfylkingunni.  Sanniði til.

[Gísli Baldvinsson (IP-tala skráð) 3.11.2008 kl. 11:24]

Það er ekki hagur ráðherra Samfylkingarinnar að leka jafn stranga og óvenjulega bókun á ríkisstjórnarfundi. Það var sammælt eftir fundinn. Leki fyrri ríkisstjórna og flokka á hér ekki við enda Steingleyminn Hermannsson aðal lekarinn hér á árum áður. Menn verða að alltaf að skoða leka í því ljósi hver hagnast á slíku.

[Axel Jóhann Hallgrímsson, 3.11.2008 kl. 13:05]

Jón þú segir hér í athugasemdum að þú vitir ekki hvaða ráðherra hafi lekið málinu (10:01), samt fullyrðir þú í greininni að Samfylkingarráðherra hafi lekið málinu í "sitt málgagn"  Fréttablaðið! ??  Hvernig fer þetta saman?

Ef fréttin hefði verið í Mogganum hefðir þú þá talið lekann frá Sjálfstæðisráðherra komin?

Þetta er óábyrgt lýðskrum, sem er ekki sæmandi þingmanni sem er annt um ímynd sína og vill líta út fyrir að vera "djúpur".

[DoctorE (IP-tala skráð) 3.11.2008 kl. 13:17]

Rosalega hóruleg þessi samfylking... það versta er að mér sýnist að stór hluti landsmanna vilji kjósa þetta lið yfir sig aftur: Ísland heimskasta landi í heimi.... nú er það algerlega sannað

[Jón Valur Jensson, 3.11.2008 kl. 15:23]

Enn eitt ógetið dæmi um óheilindi Samfylkingar í stjórnarsamstarfinu er þetta:

Ingibjörg og fleiri í Fylkingunni reyna á ódýrasta máta að snapa sér atkvæði með því að látast vera andvíg stýrivaxahækkuninni, þrátt fyrir að hún og flokkur hennar hafi átt 100% aðild að þeim samningi við Alþjóðagjaldeyrissjóðinn, þar sem ekki einasta var talað um, að þessir vextir þurfi að hækka eitthvað, heldur stendur þar skýrum stöfum í 9. grein, að stýrivextir skuli hækka í 18%! Hvernig getur Ingibjörg þótzt vera á móti ákvörðun, sem hún og hennar eigin flokkur á fulla aðild að?

Sjá nánar grein mína nýbirta: SAMFYLKING, sem ögrar nú gróflega samstarfsflokknum, getur ekki sagzt stikkfrí frá ábyrgð á efnahagsóförum okkar.

[Jón Valur Jensson, 3.11.2008 kl. 18:21]

Illa lízt mér á þíg, Jón Magnússon, að hlusta á erindi þitt í Útvarpi Sögu, sem nú var að ljúka í endurflutningi, þar sem þú ert algerlega kominn út úr skápnum sem EBé-innlimunar-boðandi. Og reyndu nú ekki lengur að neita því. – Íslandi allt.

[sandkassi (IP-tala skráð) 3.11.2008 kl. 18:39]

Þetta er ljótur leikur hjá Samfylkingarfólki á þessum tímum.

[Kristjan (IP-tala skráð) 3.11.2008 kl. 21:03]

Það er kannski að bera í bakkafullan lækinn, að beina þeirri spurningu til ykkar, en hefur enginn velt því fyrir sér hvort Davíð Oddsson seðlabankastjóri sé heill á geði? Ég meina Hitler var talinn geðveikur Atli húnakonungur líka og slatti af Englandskóngum. Því ætti geðveikin ekki að geta hitt Davíð líka? Ég bara spyr.

Kv:  K.H: 

[sandkassi (IP-tala skráð) 3.11.2008 kl. 21:50]

Nei ég hef ekki velt því fyrir mér, en hvað þig varðar IP-tala, þá þarf ég ekki að vellta því fyrir mér.

[Jón Magnússon, 3.11.2008 kl. 22:43]

Jón Valur. Eftir að Sjálfstæðisflokkur Davíðs með dyggri aðstoð Samfylkingarinnar eru búnir að leiða verri efnahagskreppu yfir þjóðina en nokkurn gat órað fyrir þá eigum við sem viljum "Íslandi allt" fárra kosta völ til að tryggja afkomu og velmegun fólksins í landinu. Eitt af því sem verður að kanna nú án tafar er hvort aðild að Evrópusambandinu er hagfelld eða ekki.  Til skemmri tíma litið vil ég láta reyna á hugmynd Þórólfs Matthíassonar um að athuga með tengingu við Norsku krónuna. Sé þess kostur að mynda traust samband við Noreg þá geta aðrir möguleikar blasað við. En við getum ekki útilokað fyrirfram möguleika þjóðarinnar til nýrrar framfarasóknar.

[Kristjan (IP-tala skráð) 3.11.2008 kl. 22:46]

Sæll Waage !

Ég hef ekki hugsað mér að nota vefsíðu Jóns Magnússonar til að skattyrðast við menn, en eftir að hafa lesið vefsíðu þína, þá verð ég, því miður einnig að efast  um geðheilsu þína Gunnar minn, því aðra eins Davíðsdýrkun hef ég varla séð, og hef ég á löngum ferli séð ansi margt. Þú getur sparað þér það að svara  mér, því eins og ég sagði í upphafi ætla ég EKKI að nota vefsíðu Jóns Magnússonar fyrir skoðanaskipti né rifrildi.

Með beztu kveðjum,

Kristján 

[sandkassi (IP-tala skráð) 3.11.2008 kl. 22:59]

Þetta kemur frá aðila sem líkir Davíð Oddsyni við Adolf Hitler. Mér er skítsama hvort ég er inni á bloggsíðu Jóns Magnússonar eða ekki.

Þú ert nafnlaus ræfill og ættir ekki einu sinni að fá að setja þín ummæli hérna inn.

[Jón Valur Jensson, 3.11.2008 kl. 23:13]

Kristján, þú ert að villast, bæði um Davíð og Hitler. Þótt sá síðarnefndi hafi verið ofvirkur fantur, hefði hann aldrei náð jafn langt og hann náði, í sínum hópi og annarra, ef hann hefði beinlínis verið geðveikur. Tal þitt um Davíð er ljótt og óskynsamlegt; er það þess vegna sem þú skrifar ekki undir nafni?

Jón minn Magnússon, þetta svar þitt kl. 22.43 er nú harla dauft og næstum flóttalegt miðað við það, hve eindregið þú predikaðir EBé-aðild í erindi þínu í Útvarpi Sögu í dag. EBé tryggir ekki afkomu og velmegun fólksins í landinu og getur ekki lofað því, en hinu get ég lofað þér, að það það gerir miklar kröfur, bæði um greiðslur í sjóði þess (langt umfram bakframlag) og um aðgang að auðlindum. NIÐUR MEÐ ALLA EBÉ-PREDIKUN!

[Sigurður Jónsson, 3.11.2008 kl. 23:51]

Ég skil ekki að kjósendur skuli ekki sjá í gegnum vinnubrögð Samfylkingarinnar.

[Kristján Helgason (IP-tala skráð) 3.11.2008 kl. 23:53]

Elsku strákarnir mínir !

Nafnleynd nei, en hver er Gunnar Waage ?

Fyrir mörgum árum þekkti ég mikinn öðlingsmann sem hét Gunnar Waage og var hann frá Patreksfirði, sonur hans er einn minn bezti vinur í dag. Varla ert þú sá Gunnar Waage? Getur þú sannað það að þú sért Gunnar Waage? Ég held ekki. Ekki saka mig um nafnleynd ef þú getur ekki sannað það sjálfur hver þú ert.

Jón Valur !

Ég er ekki að villast, hvorki hvað varðar nefndan Davíð eða Hitler Guð forði þjóðinni og heiminum öllum ef Davíð kemst með tærnar þar sem Hitler hafði hælana. Mitt tal, Jón Valur, er ekki  ljótt né óskynsamlegt, ég bara bar fram einfalda spurningu og geri það enn

Kv. Kristján Helgason frá Patró.l

[sandkassi (IP-tala skráð) 4.11.2008 kl. 00:56]

Ég geri ráð fyrir að þú sért að tala um Gunnar Waage fyrv. lögreglumann á Patró. Við erum ekkert skyldir enda allt önnur ætt.

Langafi minn var Benedikt Waage formaður Íþróttasambands Íslands, Afi minn var Einar Waage Kontrabassaleikari. Þetta fólk er ekki skylt Gunnari lögreglustjóra á Patró.

Ég met Jón Magnússon hdl. og þingflokksformann mikils, hann er heill maður sem talar frá hjartanu. Ef að þú gerðir það sama þá myndir þú ekki koma með þessar fáránlegu færslur hér sem ég veit hann leggur ekki sína blessun yfir.

Það eru óskrifuð lög í netheimum að menn stofni notanda og feli sig ekki með þeim hætti sem þú gerir þannig að ummæli séu illrekjanleg. Að stofna notanda hér er mjög einfalt.

Ef að þú lítur í kringum þig þá geturðu séð að flestir ef ekki allir menn hér eru hér undir fullu nafni og mynd.

Þú getur svo sem gert aðsúg að minni persónu, skiptir engu máli, það hefur verið gert svo oft að ég er í góðri æfingu.

Annars við ég þakka Jóni Magnússyni fyrir góða færslu. Ég eins og margir aðrir er vægast sagt undrandi yfir framferði Samfylkingarfólks þessa dagana, hér er komin upp sú alvarlega staða að fullveldi landsins og örryggi er í hættu.

Ýmis fremur ógnvænleg teikn eru á lofti varðandi eignarhald fjölmiðla, Seðlabanka sem er orðinn tæknilega gjaldþrota, stórkostlegustu efnahagshamfarir sem við höfum og munum líklega nokkurn tíman standa frammi fyrir.

Á sama tíma leika Samfylkingarmenn sér að því að pressa mál sín í gegn um þingið með fullkomnu skeytingarleysi fyrir velferð og öryggi þjóðarinnar.

Þetta sama fólk hefur svo sem ekki heldur sýnt því neinn áhuga að færa kvótann aftur heim í byggðirnar, en vilja stökkva inn i ESB.

ESB megum við alls ekki láta okkur detta í hug að fara inn í.

[Kristján Helgason (IP-tala skráð) 4.11.2008 kl. 01:32]

• Ja mikið asskoti !  Gunnar minn ég er ekki að gera aðsúg að þinni persónu, ekki vera svona viðkvæmur. Ég bara spurði hver þú værir. Nú veit ég það, þökk sé þinni upplýsingastarfsemi. Ég vil nú upplýsa að ég veit ekkert um netheima eða blogg og hvort ég eigi að skrá mig eða ekki. Ég játa mig sigraðan, blogg, vefsíður og allt annað sem viðkemur tölvum þá er ég úr leik (Tapa)
• K.v.  K.H.

[sandkassi (IP-tala skráð) 4.11.2008 kl. 01:50]

Annars átti ég líka annan afa frá Patró-:) get því hoggið nærri heimahögum:).

En að undaneldismálum slepptum; Já já þegar Hitler er tekinn inn í myndina þá borgar sig kannski líka að muna hverjir töpuðu stríðinu, og stríðið er ekki tapað en.

Það er ekki heldur búið að plata okkur inn í ESB sem myndi á þessum tímapunkti selja þjóðina í þrældóm, jafnvel um aldur og ævi.

Svo má deila um hvað Sjálfstæðismaður eins og ég sé að vafra inn á Frjálslyndu bloggi. Tja, Nú er rætt um þverpólitíska samstöðu um aðild að Evrópusambandinu.

Þegar stofnuð er klíka, þá er ekkert annað en að stofna sína eigin klíku.

Það sem fólk gleimir er að það ríkir líka þverpólitísk andstaða við ESB.

Þetta er ekki búið ennþá, langt í frá.