Nýtt Kjördæmafélag stofnað. Þjóðin á auðlindirnar.

Við Frjálslynd í Reykjavíkurkjördæmi suður stofnuðum kjördæmafélag í kjördæminu í kvöld. Um 50 manns sóttu fundinn. Þóra Guðmundsdóttir var kjörin formaður og með henni einvalalið í stjórn. Nú er komin nauðsynleg félagsleg umgjörð utan um flokksstarfið hér í Reykjavík.

Góðar skemmtilegar og fróðlegar umræður voru á fundinum eftir góða ræðu formanns flokksins. Það var áberandi að flokksmenn gjalda mikinn varhug við fyirrhuguðum áformum meirihlutans í Reykjavík í orkumálum. Við Frjálslynd munum ekki horfa á það aðgerðarlaus að auðlindum þjóðarinnar einni af annarri sé ráðstafað til fárra útvaldra.

Það er kominn tími til að snúa við og taka til baka það sem þjóðin á með réttu og láta fólkið fá tekjur af auðlindum sínum í stað þess að láta fáa útvalda hirða nýtinguna og arðinn af auðlindunum. Reynslan af kvótakerfinu í fiskveiðum sýnir að kvótagreifarnir kunna ekki að fara með þá auðlind sem þeir hafa allt of lengi fengið að nýta og kaupa og selja þó að ekki sé um varanlegan eignarétt að ræða.

Það er nóg komið.

Athugasemdir

[Guðrún María Óskarsdóttir., 5.10.2007 kl. 00:57]

Innilega til hamingju og Þóru óska ég til hamingju og nýkjörinni stjórn.

Enginn fagnar því meira en sú er þetta ritar að sjá starf flokksins eflast innan frá.

kv.gmaria.

[Sigurður Þórðarson, 5.10.2007 kl. 08:33]

Okkur frjálslyndum hefur verið legið á hálsi um að vera "kvennmannslausir í kulda og trekk".  Vissulega mættu þær vera fleiri en, ég er virkilega stoltur yfir kononum okkar. Þóra er í góðum félagsskap með Guðrúnu Maríu. Þið eru flottar og frábærar!!