Burt með þetta lið

Lögð hefur verið fram kæra á hendur palestínskum mótmælanda á Austurvelli, sem krefst þjóðarmorðs á Gyðingum, en ekki bara að drepa alla Gyðinga heldur líka að svívirða lík þeirra. 

Annar mótmælandi heldur á skilti sem segir að þeir muni berjast og ekki gefast upp. Það á þá við að þeir muni berjast við íslensk yfirvöld öðrum er ekki til að dreifa nema ef vera skyldi að hann samsamaði sig með hryðjuverkasamtökum Hamas. 

Tjaldbúðir Hamas liðanna á Austurvelli hafa þegar staðið of lengi. Vísa ætti þeim sem lýsa yfir stuðningi við hryðjuverkasamtök Hamas úr landi. Annað á ekki að vera í boði fyrir þá sem taka sér samstöðu með þeim eða öðrum  hryðjuverkasamtökum.

Ómar Geirsson rekur í bloggfærslu hér í dag ákveðin hryðjuverk sem þessi samtök stóðu fyrir 7. október. Það er vægast sagt ógeðfelld lesning. Við getum ekki leyft fólki sem sannanlega berst fyrir útrýmingarherferð og þjóðarmorði á Gyðingum að vera í landi hér. 

Ef ríkisstjórnin lætur undan kröfum þessa Austurvallarskrílsins og samþykkir að þeirra líkar fái að flytjast hingað, þá rífur hún grið við þjóðina og ógnar öryggi hennar. Þeir flokkar sem standa að ríkisstjórninni verða þá ekki lengur valkostur fyrir venjulegt fólk sem vill búa á Íslandi, við frið og öryggi.  

  

Kærir mótmælendur fyrir hatursorðræðu

Bruðlið gengur ekki við þessar aðstæður

Þegar þetta er skrifað liggur ekkert fyrir um að stefnumótun sé í gangi hjá ríkisstjórninni og til hvaða ráða skuli grípa, til að gera Grindvíkinga jafnsetta og hefðu þeim ekki verið gert að yfirgefa hús og heimili vegna náttúruhamfara.

Í pistli mínum fyrir nokkru kom fram sú hugmynd, að ríkissjóður kaupi á markaðsverði, húseignir þeirra Grindvíkinga sem vilja selja. Tveir þingmenn Sjálfstæðisflokksins hafa þegar tekið undir þá hugmynd. 

En það er ekki nóg að bæta íbúum Grindavíkur efnahagslegt tjón, það verður líka að gæta þess, að þeir njóti þeirra kosta, sem aðrir íbúar þessa lands njóta m.a. varðandi nám,atvinnu, heilbrigðisþjónustu og annað sem gerir velferðarþjóðfélag að velferðarþjóðfélagi. 

Allt kostar þetta mikið fé og hvar á að taka þá fjármuni þegar óráðsstjórnin sem nú situr hefur rekið ríkissjóð með bullandi halla undanfarin ár auk þess að stela peningum og tæma þá hamfara- og neyðarsjóði sem ákveðnar og jafnvel markaðar skatttekjur hafa runnið til. Þeir sem þannig hafa ráðslagað verða að taka út sína refsingu í næstu kosningum, en nú er verkefnið að gæta þess að ríða ekki hagkerfinu á slig vegna þess mikla kostnaðar sem nauðsynlegt er að mæta vegna náttúruhamfarana við Grindavík. 

Þá er fyrst til að taka að við verðum að taka fyrir bruðl og óráðssíu og fresta því sem litla og jafnvel enga þýðingu hefur eða er óðs manns æði að sinna meðan ástandið er með þeim hætti sem það er. 

Væri ekki ráð að hætta öllu fjasi um langstærsta draum Dags borgarstjóra, Borgarlínuna, sem ekki verður séð að leysi neitt á næstu árum. Þarf að eyða peningum í skoðun á flugvelli við Hvassahraun? Er ekki nauðsyn að loka landinu fyrir hælisleitendum meðan þetta ásand varir og milljarðar sparaðir með því? Er afsakanlegt að við greiðum milljarða vegna meintrar hlýnunar jarðar á þessum tímum? Hvað með utanríkisþjónustunni eða ósiðleg sjálftöku stjórnmálaflokkana á styrkjum til sín úr ríkissjóði og ofurlaun stjórnmálamanna, þarf ekki að spara þar? 

Þegar við grípum til aðgerða eins og nauðsynlegar eru við þessar aðstæður þá kosta þær mikla fjármuni. Við eigum ekki að láta morgundaginn greiða kostnaðinn fyrir okkur í núinu eins og ríkisstjórnin hefur gert til þessa í algjöru hagfræðilegu glóruleysi sem hefur orsakað verðbólgu og ástand sem er að ríða bæði fasteignamarkaðnum og fjárhag heimilanna á slig. 

Lengra verður ekki gengið í ábyrgðarleysinu. Það verður að bregðast við af ábyrgð og festu og aldrei gleyma því að okkar eigin landsmenn sem verða fyrir hnjaski af völdum óblíðrar náttúru eiga að fá að njóta kosta velferðarsamfélagsins, en hlaupastrákar og gæluverkefni verða að bíða meðan leyst er úr bráðavanda þeirra sem bæði eiga það skilið og þjóðfélaginu ber skylda til að standa við bakið á. 

 

Hversu langt skal haldið áfram út í foraðið

Í Morgunblaðinu er frétt, sem sýnir hversu glórulaust vitlaus hælisleitendastefna íslenskra stjórnvalda er. Við erum að taka við hlutfallslega margfalt fleiri hælisleitendum enn allar okkar nágrannaþjóðir. Hvernig á fámenn þjóð að geta staðið undir slíkri vitleysu. 

Reyndar er það svo, að við stöndum ekki undir þessu. Ríkissjóður er rekinn með botnlausu tapi og hver króna sem rétt er til hælisleitenda er tekin að láni og það kemur í hlut barna okkar og barnabarna að greiða skuldina. 

Svo langt er seilst af hálfu stjórnvalda í hælisleitendamálum að búið er að tæma neyðarsjóði, sem nú þarf að grípa til, en þá er gripið í tómt. Ríkisstjórnin stal peningunum til að þjónusta hælisleitendur.  Arnar Þór Jónsson frambjóðandi til forseta lýsir þessu vel í bloggfærslu sem hann skrifar í dag, þar sem hann spyr hvort við viljum búa í draumaveröld eða raunheimum. 

Ásmundur Friðriksson alþingismaður skrifaði góða grein í Morgunblaðið í fyrradag, þar sem hann bendir á hversu glórulaus hælisleitendastefna stjórnvalda er. Hann vísar líka til þess, að frá því að hann byrjaði að berjast fyrir íslensk gildi, íslenska menningu og íslenska tungu og andæfa gegn stefnu stjórnvalda í hælisleitendamálum, þá var hann hliðsettur í eigin flokki og fjölmiðlar sniðgengu hann. 

Sú lýsing sem Ásmundur gefur er raunar það, sem þeir sem standa vörð um það sem íslenskt er en hafna gervifjölmenningu, hafa mátt reyna. Þeir eru óhreinu börnin hennar Evu þó þeir séu að segja sannleikann en stjórnmálaelítan og fréttaelítan að ljúga.

Hvað þarf að gera til að stjórnmálaelítan vakni og átti sig á hvað er að gerast í landinu. Vegna stefnu ríkisstjórnarinnar í hælisleitendamálum er öngþveiti í skólamálum, íbúðamálum, heilbrigðismálum og öryggismálum. Hreyfir það virkilega ekki við þessu fólki. Alla vega ekki þeim sem vilja heimila að hingað komi hundrað eða hundruð múslima á grundvelli svokallaðrar fjölskyldusameiningar. Reynsla Norðurlanda af slíkri vitleysu ætti að vera íslenskum stjórnvöldum víti til að varast. 

Hvernig stendur á því að íslensk yfirvöld láta það viðgangast, að fáni hryðjuverkasamtaka Hamas blakti við Alþingishúsið og ráðhús Reykjavíkur og frekjuhópur svokallaðra Palestínskra hælisleitenda hefur reist tjaldbúðir á Austurvelli og fái að vera þar. Í tjaldbúðunum eru menn, sem hafna grunngildum íslensku stjórnarskrárinnar og þaðan af verra. 

Nú er deilt um það í ríkisstjórninni hversu margir Arabar skuli koma til landsins skv. kröfu frekjuliðsins í tjaldbúðunum á Austurvelli. Miðað við þær aðstæður sem íslenska þjóðin býr við í dag, þá væru það svik við þjóðina að heimila komu tuga eða hundruða hælisleitenda til viðbótar við það fár, sem ríkisstjórnin hefur þegar skapað með andvaraleysi sínu, dug og  dáðleysi. Það væru  griðrof við íslensku þjóðina, miðað við það ástand sem við búum við í dag.

Lengra verður ekki haldið áfram í draumheimum stjórnmála- og fréttaelítunnar.

Forusta Sjálfstæðisflokksins verður að gera sér grein fyrir því að hún hefur þegar gert of mörg axarsköft varðandi málefni hælisleitenda.

Fleiri verða ekki liðin.

 

 

Skelfilegt

Það er skelfilegt að verða vitni að því, að náttúruhamfarir ógni Grindavík. Á þessari stundu vitum við ekki hvaða tjón verður af eldgosinu sem hófst í morgun. Vonandi verður það sem minnst og vonandi rís Grindavík fljótlega við eins og Vestmannaeyjar gerðu þegar gosinu þar lauk. 

Samfélaginu ber að koma til liðs við íbúa Grindavíkur og gera þá jafnsetta og hefðu þesar náttúruhamfarir ekki lent á þeim. Að sjálfssögðu hlíst verulegur kostnaður af því, en það sér enginn eftir því að greiða það sem til þarf, þannig að fólkinu, sem verður nú að flýja heimili sín geti liðið vel og notið þess sama og aðrir borgarar þessa lands. 

Ríkisstjórnin þarf að bjóða Grindvíkingum að kaupa húsin þeirra sem vilja selja á markaðsvirði og ganga frá samningum um forkaupsrétt þeirra til að kaupa eignir sínar aftur af ríkinu vilji þeir það þegar núverandi ástandi lýkur. Það er um margt skynsamlegri ráðstöfun en að kaupa húseignir fyrir Grindvíkinga annarsstaðar á sama tíma og fólkið verður í óþolandi ástandi gagnvart lánastofnunum og lífeyrissjóðum. 

Álag á alla innviði mun aukast verulega vegna náttúruhamfaranna. Þeir innviðir eru því miður margir þandir til hins ítrasta vegna þjóðfjandsamlegrar stefnu ríkisstjórnar í hælisleitendamálum undanfarin ár. 

Nú er mál að linni. Við berum ábyrgð á því fólki sem er í landinu og við eigum að gera okkar besta hvað það varðar. Meira álag er ekki hægt að leggja á heilbrigðisþjónustu, íbúðamarkaðinn eða skólakerfið. Við getum því ekki verið að bruðla með fé, sem ekki er til, en ríkissjóður er rekinn með miklum halla. Við verðum að loka landinu alla vega tímabundið gagnvart svokölluðum hælisleitendum og allt tal um að flytja eitthvað fólk, sem hér á ekki heima og aðlagast ekki samfélaginu frá Gasa yrði griðrof af hálfu stjórnvalda gagnvart hagsmunum fólksins í landinu. 

Búum vel að okkar og gætum þess, að fólk sem verður fyrir tímabundnu tjóni geti búið við góð lífskjör eins og við hin.  

„Maður horfir bara á húsið sitt í bakgrunninum“

Krónprinsessan okkar og drottning Dana kveður.

Margrét Þórhildur II Danadrottning stígur til hliðar  á morgun eftir farsælan feril. Þar með eru endanlega rofin hin formlegu tengsl okkar við dönsku krúnuna. Margrét var skírð íslensku nafni og gert ráð fyrir því að hún mundi í fyllingu tímans verða drottning Íslands. En þannig varð það ekki þar sem að Ísland ákvað að verða lýðveldi árið 1944.

Konungar og drottningar eru leifar frá liðnum tíma og viðhorfum passa satt að segja ekki við lýðræðis- og jafnræðishugmyndir okkar tíma. Samt sem áður eru ekki lengur sterkar hreyfingar fyrir að afnema konungsveldi í þeim löndum sem eru næst okkur. Sennilega vegna þess að þjóðhöfðingjarnir hafa verið farsælir í störfum sínum. 

Það er samt sem áður ekki samrýmanlegt í lýðræðisþjóðfélagi að búa við það að hafa þjóðhöfðingja sem byggja á þeirri hugmyndafræði að þeir hafi við fæðingu öðlast rétt til að verða  þjóðhöfðingjar í framtíðinni á þeirri forsendu að þeir séu öðruvísi og merkilegri en annað fólk. 

Við virðumst samt ætla að sætta okkur við þetta enn um hríð hvað sem öðru líður og vissulega finnst mörgum gaman að sjá tindátana og prjálið í kringum konungsveldin, sem eru hrein tildurembætti. Raunar ekki ólíkt því sem að forsetaembættið á Íslandi hefur þróast í, þar sem að reynt er að líkja eftir siðum og venjum arfakóngana.

Við megum vel við una samskipti okkar við Margréti Þórhildi, sem og föður hennar Friðrik 9 Danakonung, sem hafa reynst Íslandi vel eftir því sem þau höfðu eitthvað með mál að gera. 

Listræn og litrík Danadrottning kveður hásætið

Þjóðarmorð?

Í tveimur meginfréttarímum RÚV í gær og í dag þ. 11.mars hefur verið fjallað ítarlega um kæru S. Afríku á Ísrael vegna meints þjóðarmorðs á Palestínuaröbum. Þessi kæra er til þess að viðhalda röngu upplýsingaflæði til fólks og það er kærkomið fyrir RÚV.

Skv. tölum frá skæruliðasveitum Hamas þá hafa um 23 þúsund íbúar fallið á Gasa frá því í október. Vissulega mikið, en ekki meira en við mátti búast miðað við þær aðstæður sem eru fyrir hendi. Ekki eru gefnar upplýsingar um það hvað margir voru bardagamenn skæruliðahreyfingarinnar Hamas. 

Til samanburðar má benda á baradagana um Aleppo í Sýrlandi, en þar voru yfir 30 þúsund manns drepnir og 35% bygginga í lagðar í rúst. Í Raqqa höfuðborg ISIS gerðu Bandaríkjamenn gríðarlegar loftárásir og lögðu mikið af byggingum borgarinnar í rúst. 270.000 af 300.000 íbúum flýðu og 80% bygginga borgarinnar voru lagðar í rúst.

Í samanburði er því hryllingurinn á Gasa, það sem við mátti búast miðað við bardaga við þessar aðstæður. Í því sambandi verður að hafa í huga: Ísrael hefur verið tilbúið til að semja um að ljúka þessu stríði ef allir gíslar verði leystir úr haldi og þeir sem tóku þátt í og bera ábyrgð á hryðjuverkunum 7.október verði látnir svara til saka. Lýsir það vilja til þjóðarmorðs?

Í annan stað þá er ljóst, að Hamas hreyfingin er vel vígúin og varin því að þrátt fyrir hernað í meir en 2 mánuði hefur varnarsveitum Ísrael ekki tekist að uppræta vígamennina sem halda áfram að skjóta eldflaugum að Ísrael, en frá því greinir RÚV aldrei. 

Eftir að Ísraelsríki var stofnað ekki síst fyrir frækilega framgöngu sendiherra Íslands hjá Sameinuðu þjóðunum Thor Thors árið 1948 réðust Arabaríkin, Eyptaland,Sýrland, Jórdanía o.fl. á Ísrael en Ísrael hafði sigur. Markmið Arabaríkjanna var að útrýma Gyðingum í Ísrael og afmá tilveru Ísrael sem ríkis.

Árið 1967 hótuðu Arabaríkin allsherjar árás á Ísrael til það þurrka það út af landakortinu, en Ísraelsmenn höfðu frækinn sigur undir stjórn eins mesta hershöfðingja sögunnar Moshe Dyan, þar sem varnarsveitir Ísrael börðust við tífalt fleiri hermenn en þeir höfðu og sigruðu. 

Í Yom Kippur stríðinu 1973 réðust Egyptar og Sýrlendingar fyrirvaralaust á Ísrael, en varnarsveitum Ísrael tókst að snúa málum sér í hag ekki síst vegna snilldarlegrar herstjórnar Ariel Sharon síðar forsætisráðherra Ísrael,sem komst við það á spjöld sögunnar sem einn snjallasti hershöfðingi sögunnar ásamt landa sínum Moshe Dyan áður.

Þannig hefur Ísrael stöðugt þurft að verja sig og engin efast um það að vilji Arabaríkjanna í öllum þessum þrem styrjöldum sem ég hef vísað til hefur verið til að afmá Ísrael af landakortinu þó það hefði þýtt þjóðarmorð á Gyðingum. 

 

Þjóðarmorð á Aröbum hefur aldrei verið á dagskrá Ísrael enda búa fjölmargir Arabar í Ísrael og njóta þar allra borgaralegra réttinda. Það er hinsvegar markmið Hamas að útrýma öllum Gyðingum drepa þá og afmá þá algjörlega af jörðinni hvort heldur þeir búa í Ísrael eða annarsstaðar. 

Hverjir ættu þá að vera í réttarsölum ákærðir fyrir vilja til þjóðarmorðs. Það eru liðsmenn Hamas og taglhnýtingar þeirra, sem Katrínu Jakobsdóttur fannst eðlilegt að eiga orðastað við í ráðherrabústaðnum í gær og hafa hertekið Austurvöll með leyfi vinstri meirihlutans í Borgarstjórn. 

Væri ekki rétt að íslenska ríkisstjórnin beitti sér fyrir brottflutningi þessa fólks til að það geti sameinast fjölskyldum sínum í Egyptalandi eða Íran. Hér hefur þetta fólk, sem hatast út í allt vestrænt og vill búa við Sjaría lög ekkert að gera nema síður sé. 

 

 

 

Mál Vinstri grænna?

Svandís Svavarsdóttir matvælaráðherra braut lög og fór gegn reglum um meðalhóf þegar hún bannaði hvalveiðar tímabundið sl. sumar, segir í áliti Umboðsmanns Alþingis. Við blasir, að þeir sem ólögmætt bann ráðherrans bitnaði á eiga milljóna kröfur á hendur ríkinu vegna ólögmæts ráðslags Svandísar. 

Spurningin er hvort Svandís geti setið áfram sem ráðherra þegar þetta liggur fyrir. Sigríður Andersen dómsmálaráðherra gat það ekki þó sakir hennar væru ansi léttvægar, en fjarri fer því í máli matvælaráðherra.

Áslaug Arnar Sigurbjörnsdóttir ráðherra sagði í hádegisfréttum, að hvað gera ætti varðandi Svandísi væri fyrst og fremst málefni Vinstri grænna. Það er rangt. Það er mál, sem hlítur að vera á borði hvers einasta alþingismanns. 

Spurningin er hvaða kröfur gerum við til ráðherra. Geta alþingismenn skilað auðu þegar meta á hvort að ráðherra geti setið áfram eftir að hafa brotið lög og farið gegn einni mikilvægustu reglu stjórnskipunarinnar um viðskipti ríkis við borgaranna. Geta þingmenn borið því við að þeim komi þetta ekki við vegna þess að stjórnarsamstarf geti verið í hættu. Fjarri fer því. 

Þess er krafist af alþingismönnum, að þeir fylgi sannfæringu sinni og það verða þeir að gera í þessu máli sem öðru og því fer fjarri, að það sé hægt að samþykkja það að það sé viðurlagalaust, þó að ráðherra misbeiti valdi sínu, brjóti lög og baki ríkinu stórfellda bótaábyrgð. 

Alþingi setur niður ef það gerir ekki þá siðrænu kröfu til að ráðherra sem þannig hefur hagað sér óháð hver það er eða í hvaða flokki víki úr ráðherrastól. Það kemur öllum þingflokkum við og öllum þingmönnum að móta meginreglu í því sambandi. 

Loftslagsflóttamaður

Hvað er loftslagsflóttamaður? Ef til vill íslendingar, sem fara til Tenerife á veturna. Ó nei elítan segir okkur að svo sé ekki heldur íbúar frá Afríku, sem koma til Evrópu sem hælisleitendur. Hamfarahlýnunarkirkjan segir að margir, sem koma sem hælisleitendur séu flóttamenn frá „hamfarhlýnunar ógninni“.

Katrín Jakobsdóttir og hennar líkar segja, að við verðum að kolefnisjafna hvað sem það kostar neytendur og skattgreiðendur, annars komi stöðugt fleiri „loftslagsflóttamenn“. Nú greiðum við milljarða í nánast kolefnisjöfnuðu landi.

Miðað við það sem vinstra fólk heldur fram, þá er skrýtið að fólkið í Afríku, sem var mun fátækra og verr á sig komið og ógnirnar meiri lét sér aldrei koma til hugar að fara til Evrópu fyrir 100 árum síðan. Þá hefði velferðarkerfi Vesturlanda heldur ekki greitt neitt fyrir þau eða haldið þeim uppi.

Valda breytingar á loftslagi auknum flóttamannastraumi frá Afríku? Fjarri fer því. Það eru fyrst og fremst betri samgöngur og efnahagur. Fyrir einni öld var staða Afríkubúa mun verri en nú. Fátæktin meiri og lífaldur styttri.

Loftslagsflóttamaður er innihaldslaust vígorð fólks, sem neitar að horfa á staðreyndir. Öfgar í veðurfari voru eins algengar áður fyrr og nú. Fólk í fátækum ríkjum var í meiri hættu áður fyrr en nú. Með betri lífskjörum og tækni hefur dauðsföllum vegna umhverfishamfara í Afríku fækkað um þrjá fjórðu eða 75% síðan 1970.

Ástæðan fyrir flóttamannstraumnum hefur ekkert með loftslag, hungursneyð eða aukna fátækt að gera. Lífskjör hafa batnað og þessvegna hafa fleiri efni á að borga þeim sem smygla fólki milli landa. Farsímar eru allsstaðar, jafnvel í mestu útnára þorpum í Afríku og Asíu og fólk fylgist með því hvernig fólk lifir í Evrópu og Ameríku og er í sambandi við landa sína sem hafa náð að komast þangað sem umsækjendur um alþjóðlega vernd.

Fjölgun flóttamanna er ekki vegna breytinga á veðri - það eru engir loftslagsflóttamenn-, en flóttamönnum mun fjölga vegna þess að öfga- umhverfissinnar eins og Katrín, munu gera sitt til að koma í veg fyrir að fólkið í fátæku löndunum fái að nota jarðefnaeldsneyti jafnvel þó það dæmi þetta fólk til fátæktar og örbirgðar.

Til að draga úr og/eða stöðva stríðan straum flóttamanna til Evrópu og Ameríku er mikilvægt að fólkið í Asíu og Afríku fái að byggja upp þjóðfélög sín til velferðar í stað fátæktar. Mikilvægast er að beina sjónum að því og sætta okkur við að við breytum ekki lofthita í veröldinni, en við getum rétt fátæku fólki aðstoð á heimaslóð, sem kostar ekki nema brot af því sem við eyðum núna í galna innflytjendastefnu, janvel þó við hjálpum helmingi fleiri en við gerum núna.

Furðuveröldin

Hópur manna, sem nýlega fékk landvist hér vegna fráleitra útlendingalaga, hefur tjaldað á Austurvelli í boði Dags B. Eggertssonar borgarstjóra.

Þeir krefjast þess að öll ættmenni þeirra verði flutt hingað á kostnað skattgreiðenda og fái landvist líka á kostnað skattgreiðenda allt að 30 manns fyrir hvern einstakling.

Sérstakt að einn einstaklingur fær hæli hér og krefst síðan þegar í stað sameiningar við stórfjölskyldu sína, sem býr hinum megin á hnettinum. Væri ekki eðlilegra að hann færi þá yrði sameiningin fullkomnuð. 

Húsnæðiskerfið er sprungið, skólakerfið er sprungið og heilbrigðiskerfið er sprungið vegna þess gríðarlegs fjölda útlendinga, sem við höfum aumkvað okkur yfir í góðmennskubrjálæði "góða fólksins".

Ríkissjóður er rekinn með bullandi halla og hluti af hallarekstri ríkisins er vegna tuga milljarða kostnaðar við hlaupastráka, sem nú krefjast þess með ofbeldi og óvirðingu við Alþingi að ofboðslega margir fleiri þeirra líkar komi á kostnað íslenskra skattgreiðenda. Sennilega er engin þessara manna í vinnu því þá gætu þeir ekki verið nótt sem nýtan dag í tjaldbúðum Dags borgarstjóra á Austurvelli. 

Vandræðast er með það í þessu sambandi að fólkið á Gasa eigi svo bágt og Íslendingar þurfi endilega að taka það að sér í stórum stíl. Af hverju? Hvað með Íran, sem koma öllu hinu slæma af stað. Er ekki rétt að þeir axli ábyrgð og taki við fólki frá hinni svokölluðu Palestínu. Þeirra er ábyrgðin hvort sem er. 

Hvernig skyldi standa á því, að engin nágrannaþjóðanna vill taka við þessu fólki. Ekki Egyptar. Ekki Jórdanir. Ekki Sýrlendingar. Ekki Saudi Arabar. Allt ríki sem játa sömu trúarbrögð og tala sömu tungu og hatast út í Vesturlönd og krefst þess að lúta saría lögum. 

Íslensk stjórnvöld komast ekki hjá því að krefjast þess að Dagur borgarstjóri leggi niður tjaldsvæðið á Austurvelli, þannig að lögreglan geti unnið það þjóðþrifaverk að koma þessari óværu í burtu. 

Íslensk stjórnvöld verða að horfast í augu við staðreyndir. Við getum ekki tekið við fleiri hælisleitendum hvorki frá Úkraínu né öðrum löndum. Hvorki höfum hvorki efni á því né anna innviðir í landinu þörfum Íslendinga og þegar svo háttar til, þá er það algjört ábyrgðarleysi og griðrof við þjóðina að halda áfram að hlaða inn fólki sem verður að fæða og klæða. Auk þess sem það kemur úr umhverfi sem hatast út í Vesturlönd og allt sem vestrænt er og það er ekki gæfuríkt. 

Sporin hræða það sýnir reynsla hinna Norðurlandanna. Nú reynir á dómsmálaráðherra sem ber, að hafna ásókninni af Austurvelli og ásókn sem kemur frá sumum vitifirrtum samráðherrum hennar. Hún verður að gera skyldu sína og gæta hagsmuna þjóðar sinnar. Jafnvel þó hún verði einnig fyrir ásókn ráðherra úr eigin flokki.  

 

Þrettándinn og "Guðs ríki"

Þá er runninn upp síðasti jóladagurinn 6. janúar. Þrettándinn. 

Jólin standa frá kvöldi dags 24. desember til 6. janúar vegna þess, að austurkirkjan miðaði við fæðingardag Jesú þ.6. janúar en vesturkirkjan í Róm við 24 eða 25 desember eftir atvikum. Þetta var prakstískt í markaðssókn kirkjunnar á þeim tíma og allt gott um það að segja. 

Það veit enginn hvenær ársins Jesús fæddist og ekki hvaða ár. Sennilega hefur hann fæðst 4 til 12 árum fyrr en miðað er við. En þetta skiptir ekki máli í sjálfu sér því helgisagan er jafnfalleg eftir sem áður og færir boð kristinnar trúar um frið og fyrirgefningu.  

Á Spáni er þetta helsti dagur jólanna og kallaður dagur vitringanna (konunganna) en vitringarnir tóku í helgisögnum smám saman á sig mynd konunga. Jarðneskar leifar þeirra eru sagðar vera í dómkirkjunni í Köln. En Marco Polo taldi sig hins vegar vita hvar þær voru um 1300 e.kr. þar sem hann hafði rekist á grafhýsi þeirra í Íran, á ferð sinni til Kína. 

Hvað sem líður trúverðugleika þessa þá skiptir okkur mestu þær staðreyndir, að Jesús fæddist, starfaði,gerði kraftaverk,flutti boðskap mannkærleika, friðar og fyrirgefningar og var tekinn af lífi með krossfestingu og það sem mestu máli skiptir. Reis upp frá dauðum, en með því var  staðfest fyrirheit Guðs um fyrirgefningu synda og eilíft líf fyrir trú og góð verk. 

Við skulum því kristið fólk njóta þess að eiga sameiginlega trúarhátíð um jól,  sem á að minna okkur á grundvöll kristinnar trúar m.a. það, sem hefur týnst í umræðunni um aldir. Umræðan um "Guðs ríki", sem Jesús boðaði. "Guðs ríki" á jörðu: Hvað er það? Hvenær kemur það? Hvernig er það?