Til varnar frelsi hverra?

Kona sem er fórnarlamb nauðgunar í Afganistan hefur verið neydd til að giftast kvalara sínum. Konan sem er aðeins þekkt undir nafninu Gulnaz hefur verið síðustu 13 mánuði í kvennafangabúðum. Konan var dæmd í 12 ára fangelsi fyrir svonefndan "siðferðisglæp" þegar ættingi hennar nauðgaði henni og gerði hana ófríska. Hún fæddi barnið meðan hún var í fangelsi.

 Þessi kona Gulnaz var náðuð af sérstökum vini Vesturlanda og handbendi Bandaríkjanna forsetanum sjálfum Hamid Karzai í desember 2011 með því skilyrði að hún giftist árásarmanninum.

Til varnar frelsi hverra eru krakkarnir frá Bandaríkjunum og hinum Nato ríkjunum að láta drepa sig og limlesta í Afganistan?

Athugasemdir

[Ómar Ragnarsson, 6.2.2013 kl. 00:32]

Góð spurning, Jón. Margt í Afganistan minnir óþyrmilega á hegðun spilltra leppa Bandaríkjamanna í Suður-Vietnam á sínum tíma.

[Jón Magnússon, 6.2.2013 kl. 11:48]

Þakka þér fyrir Ómar.  Ég held að þessir séu sýnu verri.