Datt eitthvað af himnum ofan?

Miðbærinn er búinn að vera eins og vígvöllur um helgar frá því að Ingibjörg Sólrún Gísladóttir tók við sem borgarstjóri í Reykjavík. Á þeim tíma sem síðan hefur liðið hefur ástandið eingögnu versnað. Aldrei datt þeim Samfylkingarmönnum á öllum þessum árum að endurmeta þyrfti löggæslustörf.

Sjálfsagt er það af hinu góða að endurmeta löggæslustörf. Vandamálið er þó frekar að það eru of fáir lögregluþjónar í Reykjavík. Það þarf að fjölga í lögreglunni. Það þarf að borga lögreglumönnum hærri laun. Annars fáum við ekki góða lögreglumenn. Lögregluþjónar hafa dregist aftur úr hvað launakjör snertir miðað við ýmsar aðrar stéttir opinberra starfsmanna og mér skilst að nú horfi illa með að manna lögregluna.

Við því verður að bregðast. Við verðum að hafa gott lögreglulið og nægjanlega fjölmennt til að tryggja sem best öryggi borgaranna hvort heldur er í miðbæ Reykjavíkur eða annarsstaðar í höfuðborginni.  Við verðum líka að tryggja starfsöryggi lögreglumanna sem best og endurskoða viðurlög við afbrotum gegn lögreglunni og hótunum í garð lögregluþjóna. Síðast en ekki síst þá verða lögreglumenn að hafa viðunandi tryggingar komi eitthvað fyrir í starfi. Þessi atriði eru nauðsynleg og það er til vansa fyrir borgarstjórn Reykjavíkur að hafa ekki gripið til aðgerða í löggæslumálum höfuðborgarinnar fyrir löngu.

Það datt ekkert af himnum ofan þessi mál hefði Samfylkingin átt að skipta sér af fyrir löngu í stað þess að láta þessi mál lönd og leið meðan þeir stjórnuðu í Reykjavík.

Samþykkt að endurmeta löggæsluþörf

Athugasemdir

[Guðrún María Óskarsdóttir., 5.9.2007 kl. 02:24]

Óttaleg sýndarmennska einkennir nú tillögur Samfylkingarmanna í borgarstjórn, það verður að segjast eins og er.

kv.gmaria.

[Snorri Bergz, 5.9.2007 kl. 08:01]

Fín pistill Jón. Já, og sammála commentafólkinu, amk að mestu.

[Birgir (IP-tala skráð) 5.9.2007 kl. 12:00]

Eru lögreglumenn ekki ríkisstarfsmenn?
Tók ekki eftir svo miklum breytingum á skemmtannalífi landans í bæarferð minni um helgina.  Þetta var líka svona þegar Davíð Odds. réð lögum og lofum í borginni.  Allt í rusli og fullt fólk út um allt. eini munurinn er að að þá þurfti maður að fara út á götu á slaginu 03:00 og skemmta sér þar.

[Björn Hólmsteinsson, 5.9.2007 kl. 12:06]

EEhmm eitt hérna ! 

Er ekki í lagi heima hjá ykkur?  Best nefna bara ISG í þessu samhengi, já og kenna bara Samfylkingunni um.  Við erum að tala um opinbera starfsmenn hérna, löggur, hjúkkur, kennarar, leikskólakennarar og allt fólk í ummönun er allt með of lág laun.  Held meira að segja að löggur séu á hvað skástu laununum.  Hef heyrt að löggulaun séu fín, þ.e. ef menn vilja vinna.  Þetta er náttúrlega bara ekkert skemmtilegt starf, engin hasar hérna.

Reyniði nú að sýna smá frumleika og hættið að kenna öðrum um, þetta er aumkunavert, pathetic segi ég!

[Steini Briem (IP-tala skráð) 5.9.2007 kl. 12:13]

Halló, er einhver heima?! Villi er búinn að vera bürgermeister í marga mánuði og það er ekki Samfó að kenna, heldur Framsókn!