Gleðilegt ár 2008

 Ég óska landsmönnum öllum gleðilegs ár og þakka það liðna.

Árið 2007 var gott að flestu leyti. Velmegun og næg atvinna héldust allt árið. Vonandi verður nýja árið ekki síðra en það sem nú er nýliðið. Það eru að vísu ýmsar blikur á lofti. Minnkandi veiði vegna kvótaskerðingar og hætt er við að helsti vaxtabroddurinn í íslensku atvinnulífi, fjármálastarfsemin, muni ekki skiila jafn mikilli aukningu á nýja árinu og undanfarin ár.

Þrátt fyrir að óveðursský séu á fjármálahimninum í Bandaríkjunum og Bretlandi þá þarf það ekki að koma alvarlega við okkur ef ríkisstjórnin verður vakandi og bregst við fyrirfram en ekki eftir á.

En það á eftir að koma í ljós. Ég vil nota þetta tækifæri til að þakka þeim fjölmörgu sem hafa notað sér bloggsíðuna mína og þeim sem hafa sent málefnalegar athugasemdir þó þeir séu ekki sammála því sem skrifað er. Ég vonast til að á bloggsíðunni geti verið lifandi umræða á nýja árinu

Athugasemdir

[Brjánn Guðjónsson, 1.1.2008 kl. 20:48]

hvernig viltu að ríkisstjórnin bregðist við, fyrir fram?

[Jensen (IP-tala skráð) 1.1.2008 kl. 20:53]

Gleði og gæfa veri með þér og þínum Jón á nýbyrjuðu ári.Ég tek eftir því að þú minnist á velmegun ,hérna á undan í áramótapistli þínum hér.Jón það er mikil vöntun á að velmegun sé hér öllum til handa,þá sérstaklega þeirra sem minna mega sín,en alltaf er ráðist á þann hóp ef þarf að herða að í þessu samfélagi.Jón ekki sofna á verðinum.

[Inga Lára Helgadóttir, 1.1.2008 kl. 20:53]

Gleðilegt ár Jón og megi árið 2008 vera þér gæfuríkt

Inga Lára Helgadóttir 

[Guðrún María Óskarsdóttir., 2.1.2008 kl. 00:24]

Innilega Gleðilegt ár Jón með kærri þökk fyrir árið sem er að líða og hin góðu samskipti á liðnu ári.

kv.gmaria.

[Árni Gunnarsson, 2.1.2008 kl. 00:40]

Gleðilegt nýtt baráttuár!

[Gísli Baldvinsson (IP-tala skráð) 2.1.2008 kl. 10:07]

Gleðilegt ár Jón minn.  Þakka þau gömlu sem eru að verða ansi mörg. Lofa að slá inn sérlega ef vð erum ekki alveg samsíða í málunum. Þau skipti eru reyndar færri.

[Halla Rut , 2.1.2008 kl. 11:02]

Gleðilegt ár.

[Magnús Þór Hafsteinsson, 2.1.2008 kl. 12:08]

Gleðilegt nýár, og takk fyrir mjög gott samstarf og ánægjuleg kynni á liðnu ári héðan frá fæðingabæ okkar beggja - Skipaskaga á Akranesi.  Það er ekki hægt að segja að okkur hafi þurft að leiðast!

[Jóhanna Magnúsar- og Völudóttir , 2.1.2008 kl. 14:44]

Gleðilegt ár og megi árið 2008 verða farsælt í flokksstarfi sem einkalífi!

[Birgir Guðjónsson, 3.1.2008 kl. 00:00]

Gleðilegt ár. Vonandi verður komandi ár, farsælt fyrir þig sjálfan í stjórnmálabaráttunni.. Ef "VÖLVAN" hefur rétt fyrri sér þá gætu stórir atburðir gerst á þessu ári !!!