Sjálfstæðismenn kjósa komma í skipulagsráð.

Það er kaldhæðni örlaganna að Sjálfstæðismenn í borgarstjórn skuli hafa látið hafa sig út í að kjósa gamlan vinstri komma í skipulagsráð í stað Ólafar Guðnýjar Valdimarsdóttur.  Það á ekki af borgarstjórnarflokknum að ganga. Fylgi Sjálfstæðisflokksins í Reykjavík er komið niður í  26%. Er við öðru að búast þegar Sjálfstæðísflokkurinn setur borgarstjórastólinn á uppboð.

Borgarstjórinn í Reykjavík er forstjóri stærsta fyrirtækis landsins. Það skiptir máli hverjir gegna því og það er ljóst að það eru hagsmunir Reykvíkinga að borgarstjóri sé vel hæfur stjórnandi. Borgarbúar telja að Sjálfstæðisflokkurinn hafi ekki vandað valið eða gætt hagsmuna þeirra. Þess vegna hefur tæpur helmingur stuðningsmanna flokksins við síðust borgarstjórnarkosningar snúið baki við flokknum.

Það er  ævintýri út af fyrir sig að sitjandi borgarstjóri sem gegnt hefur embætti í nokkra mánuði skuli ekki fá nema tæp 2% fylgi í skoðanakönnuninni enda borgarstjóraembættið fram að þessu jafnan verið til vinsælda fallið.  Því miður fyrir Frjálslynda flokkinn þá er alltaf talað um F listann þegar vikið er að borgarstjóra. Með því eru fréttamenn vísvitandi að rugla málum til að skaða Frjálslynda flokkinn. Af hverju er ekki greint frá því að Ólafur F og helstu lautinantar hans Jakob Frímann Magnússon og Ásta Þorleifsdóttir eru í Íslandshreyfingunni og Ásta leiddi listan Íslandshreyfingarinnar á Suðurlandi og Jakob lista Íslandshreyfingarinnar í Suðvesturkjördæmi við  síðustu Alþingiskosningar.

En ef til vill er fréttmönnum vorkunn því  sumir forustumenn í Frjálslynda flokknum hafi ekki áttað sig á því að Ólafur F sagði sig úr Frjálslynda  flokknum og gekk í Íslandshreyfinguna fyrir síðustu Alþingiskosningar. 

En illur fengur illa forgengur eins og  máltækið segir. Á það e.t.v. við í þessu tilviki.

Athugasemdir

[Haraldur Bjarnason, 7.8.2008 kl. 20:48]

Úbbs! er Reykjavík nú orðið stærsta "fyrirtæki" landsins? Er þetta ekki sveitarfélag sem á að lúta reglum lýðræðis? - Annars er þessi meirihluti hreppsnefndar Reykjavíkurhrepps eitt það vitlausasta sem komið hefur yfir íslenskt samfélag og þú bendir réttilega á þarna Jón, en Reykjavík er ekki fyritæki.

[Hlynur Þór Magnússon (IP-tala skráð) 7.8.2008 kl. 21:35]

Einhvern veginn held ég að fréttamenn séu ekki „vísvitandi að rugla málum til að skaða Frjálslynda flokkinn“. Þorri fréttamanna í seinni tíð er unglingar sem hafa ekki lágmarksþekkingu á nokkrum sköpuðum hlut yfirleitt. Það er hinn beiski veruleiki og bitnar á flestu sem fjallað er um - ekki frekar frjálslyndum en öðru eða öðrum.

[B.N. (IP-tala skráð) 7.8.2008 kl. 21:52]

Það er engu líkara en að borgarstjórinn gangi út frá því að hann hafi gott bakland í Frjálslynda flokknum til þess að leiða lista Frjálslynda og óháða í næstu kosningum þrátt fyrir að það séu 2 ár þar til þær verða. Það liggur kannski svona á þar sem næsti landsfundur Frjálslynda flokksins er fljótlega á næsta ári. Hér fyrir neðan er frétt sem birtist á vef á vegum Útvarp Sögu 11.júlí sl. ,,Ætlar að bjóða fram í næstu kosningum undir merkjum Frjálslyndra og óháðra.

föstudagur, 11 júlí 2008

Ólafur F. Magnússon borgarstjórinn í Reykjavík var gestur Arnþrúðar Karlsdóttur í morgunútvarpinu í vikunni og verður þátturinn endurfluttur milli kl.10 og 12 á laugardag og aftur á sunnudagskvöldið milli kl. 20 og 22. Ólafur greindi frá þeim verkefnum sem hann hefur sinnt sem borgarstjóri í Reykjavík og lagði þunga áherslu á að Reykjavík hafi aldrei verið eins græn eins og nú undir hans stjórn'' Nú vil ég spyrja þig hreint út Jón hvað er Guðjón Arnar formaður Frjálslynda flokksins að bauka bak við tjöldin með Ólafi F. borgarstjóra? Baldvin Nielsen, Reykjanesbæ

[Theódór Norðkvist, 7.8.2008 kl. 22:32]

Ég er hættur að fylgjast með sápuóperunni í Ráðhúsinu. Eftir það sem á undan er gengið held ég að ekkert sem meirihlutinn gerir geti komið mér á óvart.

[Ásgerður Jóna Flosadóttir, 7.8.2008 kl. 23:36]

Sæll, þetta er mjög vont mál fyrir Frjálslynda flokkinn.

[Guðrún María Óskarsdóttir., 8.8.2008 kl. 00:17]

Sæll Jón.

Frjálslyndi flokkurinn hefur ekkert með núverandi borgarstjóra að gera enda sá hinn sami ekki í flokknum, frekar en varamann hans sem skipaði annað sæti listans og gekk  einnig gekk úr  Frjálslynda flokknum.

Íslandshreyfingin bauð ekki fram til sveitarstjórnarkosninga og sá skortur á siðferði að það skuli líðast án gagnrýni fjölmiðla í landinu að hægt sé að kippa fólki inn hægri vinstri án setu til fulltrúaframboðs á sveitarstjórnarstigi er vægast sagt rannsóknarefni.

Því fyrr því betra sem nýtt fólk kemur að borgarmálum í Reykjavík, og á það við um alla flokka að ég tel.

kv.gmaria.

[Landfari (IP-tala skráð) 8.8.2008 kl. 08:09]

Jón. Hverjir eru ´sumir forystumenn í Frjálslynda flokknum´?

[Dunni, 8.8.2008 kl. 12:36]

Að halda því fram að Ólafur tengist ekki Frjálslyndaflokknum á neinn hátt er rætin lýgi og tilraun til að fegra ásýnd FF sem svikið hefur öll sín loforð um réttláta skiptingu fiskveiðiheimilda og rekið tunguna framan í flóttafólk sem vonast eftir betra lífi á Íslandi en í stríðshrjáðum heimalöndum sínum. Þið voruð ánægðir með að koma ykkar fólki í borgarstjórn á sínum tíma. Ekki gleyma því.  En innkoma Ólafs eftir veikindafríið var nátttúrulega ekki með þeim hætti sem nokkur flokkur vildi skrifa upp á.

En það sem er öllu alvarlegra í íslenskum stjórnmálum að það eru svo margir tækifærissinnar eða ólafar f.  Þar ert þú, Jón Magnússon, einna fremstur í flokki.  Þú ásamt mörgum núverandi flokksbræðrum þínu eigið erfitt með að þvo egóisman úr andliti ykkar.

Sjálfsæðisflokkurinn gafst upp á þér og ýmsum öðrum í F. En þú varst ekki af baki dottinn og aðferð þín við að troða þér inn í Frjálslyndaflokkinn er öllum enn í fersku minni.  Sú varð þér ekki til framdráttar og alls ekki Frjáslyndaflokknum. 

Það verður kannski farið að taka mark á ykkur ef og þegar þið viðurkennið að þegar Frjálsir og óháðir komu manni inn í boragrstjórn  töldi Frálslyndiflokkurinn sig eiga hlut í því. Annars hefðuð þið náttútulega gert þjóðinni það ljóst á fyrsta degi eftir sveitastjórnarkosningarnar  að Ólafur, Margrét og þeir sem börðust í kosninugnum væru ekkert á ykkar vegum. 

Það var heimskulegt af ykkur að bíða með þessar upplýsingar þangað til Ólafur hafði skitið í skóinn sinn.

Hörfðu svo í spegilinn um leið og þú frýrð blaðamenn um óheilindi í starfi sínu.

[365, 8.8.2008 kl. 13:42]

Ég hef vellt því fyrir mér eins og aðrir í hvaða umboði borgarstjórinn starfar.  Er hann á vegum Frjálslindra eða Íslandshreyfingarinnar?  Hvað eru Sjálfstæðismenn að pæla, að halda borginni með ólögum, þvílík vitleysa. 

[Árni Gunnarsson, 8.8.2008 kl. 19:46]

Reykjavíkurborg er svo sannarlega stærsta og umfangsmesta fyrirtæki þjóðarinnar og merkilegt að á það séu bornar brigður. Stærsta fyrirtækið í öllum skilningi fyrir utan ríkissjóð.

[Gunnar Skúli Ármannsson, 8.8.2008 kl. 20:16]

Sæll Jón,

borgarstjórinn á eingöngu fámennt bakland og ekki ráðfærði hann sig við nokkurn mann áður en hann gekk til samstarfs við Vilhjálm. Því var þetta hans ákvörðun sem ekki var borin undir nein félög í neinum stjórnmálaflokki í Reykjavík. Frjálslyndi flokkurinn er ekki Tryggingafélag án iðgjalda.