Pólitísk ákæra birt í fjölmiðlum

Saksóknari í pólitísku ákærumáli meiri hluta alþingismanna gegn Geir Haarde sýndi fyrrverandi forsætisráðherra þá dæmafáu ókurteisi að kynna ákæru og málsskjöl í fjölmiðlum 365 miðla í gær. Þá fannst saksóknaranum viðeigandi að fjalla um málið í fréttatíma í dag.

Það háttalag ákæruvalds að birta ákærur í fjölmiðlum áður en ákæra er birt kærða er ámælisverð. Þess eru fá dæmi að þannig hafi verið staðið að málum hér á landi.  Eðlilegt er að spurt sé hvaða hvatir liggja að baki því að sýna fyrrverandi forsætisráðherra jafn dæmafáa ókurteisi. Ef til vill telur saksónarinn það eðlilegt miðað við það hvernig til málsins er stofnað af hálfu meiri hluta Alþingis.´

Þeim mun meiri upplýsingar sem koma um bankahrunið og aðdraganda þess, kemur betur og betur í ljós að stjórnmálamenn eins og Geir Haarde gátu ekki komið í veg fyrir það.  Þá liggur líka fyrir að aðgerðir og/eða aðgerðarleysi stjórnmálamanna hafði afar lítið með bankahrunið að gera.

Auk heldur Þá liggur nú fyrir að ríkisstjórn Geirs Haarde og þær stofnanir ríkisins sem höfðu með málið að gera brugðust rétt við vandanum  vegna bankahrunsins.   

Ákæra á hendur Geir Haarde er því byggð á fölskum forsendum. Aldrei var nein forsenda til að ákæra Geir nema þá á grundvelli þeirra pólitísku kennisetninga og stórasannleiks sem Atli Gíslason og aðrir þingmenn hafa að leiðarljósi sem greiddu atakvæði með ákæru.

Þeir þingmenn sem greiddu atkvæði með ákæru á hendur Geir bera mikla ábyrgð og þeirra er skömmin. Í fyrsta lagi standa þeir fyrir því að saklaus maður er ákærður með öllum þeim erfiðleikum og leiðindum sem það veldur honum. Í öðru lagi þá stórskaða þeir orðstír Íslands erlendis og í þriðja lagi þá fara þeir út á braut pólitískra ofsókna gegn pólitískum andstæðingi. Þegar út á slíka braut er farið geta menn ekki sagt fyrir um hvar hún muni enda.

Skömm þeirra þingmanna sem stóðu að ákæru á hendur Geir Haarde er mikil. Vel væri við hæfi að ramma inn nöfn þeirra þingmanna sem stóðu að þessari pólitísku ákæru. Vinnubrögð saksóknarans eru e.t.v. í stíl við þann fáránleika sem allt þetta mál er.

 

 

Athugasemdir

[Jóhann Kristjánsson (IP-tala skráð) 7.5.2011 kl. 19:54]

Ég verð nú að segja að mér þótti undarlegt að sjá í kvöldfréttum stöðvar 2 í kvöld saksóknara alþingis tjá sig um að hún taldi nærri öruggt að Geir verði sakfelldur.

Þetta minnir óneitanlega á böðul sem er búinn að kveikja í bálkestinum þó ekki sé búið að ná norninni.

[Halldór Egill Guðnason, 7.5.2011 kl. 21:33]

Ókurteisi og ámaelisvert er varla nógu sterkt ad ordi kvedid. Thetta mál er hreinn skrípaleikur frá upphafi, en hentar sennilega agaetlega flugfreyjunni, urriakynlífsfraedingnum og theirra medreidarsveinum, til ad hylma yfir eigin valdnýdslu og fullveldisafsal thjódarinnar. Sveiattan bara.

[Elle_, 7.5.2011 kl. 22:10]

Ég tel að einelti, pólitískar ofsóknir og ofstæki í það minnsta af siðlausri fylkingu Jóhönnu hafi ráðið för og líkl. af e-um úr VG, Jón.  Og það segi ég sem fyrrverandi kjósandi VG.  Hvílík fjarstæða að ákæra 1 mann og sleppa hinum.  Jóhanna og Össur ættu í það minnsta að fara fyrir dóm með Geir Haarde. 

Og ofsóknirnarnar virðast líka vera þarna af völdum saksóknarans.  Stórfurðulegt. 

Samt stendur upp úr stóra spurningin hví Geir Haarde kom fram núna fyrir skömmu og studdi hrollvekjuna ICESAVE 3 Jóhönnu og co.   

[Guðmundur Kristinn Þórðarson, 7.5.2011 kl. 22:25]

Þettað er ljótur pólitískur leikur sem saksóknari tekur þátt í.Að kynna ákæruna fyrst í fjöðmiðlum 365 áður en ákærði hefur séð ákæruna,enda í samræmi við annað í þessu ljóta pólitíska máli,og er þeim þingmönnum sem tóku þátt í ákærunni á Geir til ævarandi skammar

[Vilhjálmur Stefánsson, 7.5.2011 kl. 22:29]

Mann gæskan í þingmönnum sem vildu draga Geir H Haarde fyrir dóm er adstigð,þetta er eins og í Einræðisríkjum,ef eithver andmælir þá eru þeir settir bakvið lás og slá og svei.Ríkissaksóknari var til skammar í fréttum í kvöld og hrópaði hann er sekur. Nei Geir H Haarde hefur ekkert látið eftir til manna og lands nema gott. þeir hafa ekki þann mann að geima sem Geir hefur.sem er manngæska. Geir H Haarde ber höfuð og herðar yfir þá þingmenn sem sitja á þingi í dag,Geir hefur aldrei vikist undan stefnu Sjálfstæðisflokksins eins og þeir sem eru í foristu fyrir flokkinn í dag.þeir hafa látið undan alræðisvaldi Kommonista.Mál Geirs H Haarde er þingi til skammar.

[Gunnar Waage, 8.5.2011 kl. 03:58]

Tek undir þetta Jón, ákæran er pólitískur skrípaleikur og er meðal annars ýjað að því í ákæruskjalinu að menn hafi innleitt tilskipannir Evrópusambandsins án fyrirhyggju á valdatíma hans.

Þar er náttúrulega átt við hina margumræddu tilskipun nmr 94 þótt það sé náttúrulega ekki tekið fram.

Um leið þá er nú verið að keyra í gegn um þingið nýtt innistæðutryggingakerfi fyrir EES svæðið sem kveður á um tryggingar upp á 100.000 Evrur og í raun ríkisábyrgð yfir rekstri innistæðutryggingasjóðs.

Nú spyr maður; Hvern á að kæra næst og fyrir hvað ?

Það kemur engan vegin fram í ákæruskjalinu sem samþykkt var í þinginu fyrir hvað er verið að ákæra Geir H. Haarde. Hér er á ferðinni andlát réttarfars á Íslandi og raunar lýðræðis eins og við þekkjum það.

[Sveinn Egill Úlfarsson, 8.5.2011 kl. 11:18]

Orð í tíma töluð Jón. Maður veltir fyrir sér innræti allra þeirra þingmanna sem að þessum kaldastríðs ofsóknum stóðu. Innræti saksóknarans og aðferðir minna óþægilega á aðferðir yfirsaksóknara 3ja ríkissins.

[Jón Steinar Ragnarsson, 8.5.2011 kl. 16:33]

Tek undir þetta.

[Jón Magnússon, 8.5.2011 kl. 22:43]

Já Jóhann það er eitthvað því líkt.

[Jón Magnússon, 8.5.2011 kl. 22:44]

Það kann vel að vera að ég hefði  átt að nota annað orð. En það er alla vega ókurteisi að fara svona að. Það er líka að mínu mati ámælisvert vegna hagsmuna ákærða.

[Jón Magnússon, 8.5.2011 kl. 22:46]

Elle Icesave hefur ekkert með þetta að gera en að öðru leyti erum við sammála.

[Jón Magnússon, 8.5.2011 kl. 22:47]

Við erum greinilega algjörlega sammála Guðmundur.

[Jón Magnússon, 8.5.2011 kl. 22:48]

Við erum sammála um það Vilhjálmur að málsmeðferðin sé þinginu til skammar.

[Jón Magnússon, 8.5.2011 kl. 22:51]

Ég mundi nú ekki taka svo sterkt til orða Gunnar að þetta sé andlát réttarfars á Íslandi. Þetta er pólitísk ákæra en síðan á dómstóll eftir að kveða upp sinn dóm og ég hef ekki nokkrar ástæður til að ætla annað en að Landsdómur muni vinna sína vinnu í samræmi við lög. Ákæran er hins vegar pólitísk og framkoma saksóknara í málinu er ámælisverð fyrir það að nánast birta ákæru í fjölmiðlum og fjalla um málið með þeim hætti sem hún gerði í fjölmiðlum fyrir helgi.

[Jón Magnússon, 8.5.2011 kl. 22:52]

Þakka þér fyrir Sveinn.

[Gunnar Waage, 9.5.2011 kl. 14:27]

Ja ég hugsa að við getum sammælst um það Jón að þessir tilburðir stjórnvalda eru ekki til þess að auka tiltrú og traust almennings á til dómstóla.

Þetta er ekki eina dæmið, dómur í gengislánamáli sem þáverandi viðskiptaráðherra sá ekki ástæðu til aðfara eftir.

Niðurstaða Hæstaréttar um ólögmæti nýafstaðinna kosniga til stjórnlagaþings einnig.

Vandamálið er að ráðamenn sýna það hvað eftir annað að réttarríkið er ekki virt nema þegar það hentar vissum aðilum.

[Elle_, 9.5.2011 kl. 23:49]

Nei, Jón, ICESAVE hefur ekkert með pistilinn að gera, gat samt ekki sleppt að minnast á óskiljanlegan stuðning Geirs við málið.   

[Jón Magnússon, 10.5.2011 kl. 17:46]

Þetta er því miður allt rétt hjá þér Gunnar.

[Jón Magnússon, 10.5.2011 kl. 17:46]

Icesave stendur greinilega hjarta þínu næst Elle.