Kúgunartæki feðraveldisins?????

Margir hafa velt fyrir sér vanda íslenska skólakerfisins og slakur árangur íslenskra nemenda í fjölþjóðlegum samanburði. Nú hefur skólameistari Menntaskólans á Akureyri(MA) komið auga á vandamálið, en í lokaræðu sinni sem skólameistari MA sagði hann það vera lokapróf skólans, sem hafi ekkert með nám eða menntun að gera heldur sé það "kúgunartæki feðraveldis embættismanna." 

Er lokaprófið ekki mæling á þekkingu og menntun sem nemendur hafa öðlast í MA? Hefur það nokkurn annan tilgang? Er það ekki bara mælitæki? Hvað hefur feðraveldi embættismanna með það að gera?

Frá 2003 eða í tæp 20 ár hefur skólameistarinn stýrt þessu meinta kúgunartæki feðraveldisins. Við starfslok virðist hann hafa fengið pópúlíska woke vitrun um að mælitækið sé vandamálið, en ekki kennslan.

Með sama hætti mætti halda því fram að hitamælar séu kúgunartæki feðraveldis læknastéttarinnar og mistök lækna sé ekki þeim að kenna heldur hitamælinum.

Gamaldags kúgunartæki feðraveldis embættismanna