Leita í fréttum mbl.is

Bloggfærslur mánaðarins, desember 2021

Við leysum vandamálið

Stjórnmálamenn eiga það sameiginlegt að vilja sýna, að þeir leysi vandamálin. Ef þau eru engin, þá búa þeir þau til eins og aðalritari sovéska kommúnistaflokksins Nikita Krúsjeff sagði forðum "Stjórnmálamenn eru allsstaðar eins þeir byggja brú, þó engin sé áin."

Á sínum tíma var þekkt sagan af frambjóðandanum sem heilsaði upp á Jón bónda og Guðrúnu konu hans og spurði hvort ekki væri eitthvað að og eitthvað sem hann gæti gert. Jón og Guðrún sögðu svo ekki vera nema að Jón sagði eftir að frambjóðandinn hafði ítrekað leitað eftir vandamáli hjá þeim hjónum, að það væri það helst, að þeim hefði ekki orðið barna auðið. Frambjóðandinn brást við og sagði leiddu hestinn minn í haga Jón minn meðan ég staldra við. 

Þetta var á þeim tíma, þegar það mátt gera grín nánast af öllu mögulegu meira að segja múslimum.

Í kóvíd faraldrinum hefur það sýnt sig, að stjórnmálamenn reyna í lengstu lög að fela sig á bakvið "sérfræðina" og fara í einu og öllu eftir því sem sóttvarnaryfirvöld leggja til og þá hafa þeir berað sig af því að skoða ekki hvort að aðgerðirnar valda meira tjóni en þær koma í veg fyrir. 

Ómikron afbrigðið geisar nú og smitum fjölgar sem aldrei fyrr. Íslenska ríkisstjórnin brá við og setti hertar sóttvarnarreglur sem heilbrigðisráðherra ákvað samt að tækju ekki gildi á þeim stöðum og þeim tilvikum, þar sem mesta sótthættan var fyrr en síðar. Sérkennileg ráðsmennska það. 

Á Spáni hefur smitum vegna Ómíkron fjölgað mikið og spænska ríkisstjórnin sýndi því einurð og festu og ákvað að nú skyldi bera grímur á víðavangi, þar sem engin smithætta er.

Um þessi áramót er smittíðni hæst á Íslandi og skýtur nokkuð skökku við þar sem að forseti lýðveldisins og veirutríóið töldu að veirunni hefði verið útrýmt í júníbyrjun 2020 svona er nú sérfræðin í bland við pópúlismann. Sjálfsbirgingsháttur okkar ríður sjaldan við einteyming. 

Hvað sem því líður þá kann það að vera blessun í dulargervi, að ómikron veiran geisi með þeim hætti sem hún gerir og heilbrigðisráðherra hafi verið svolítið slakur í veiruvörninni, ef það kemur í ljós, sem virðist vera, að veikindin séu væg og veiti náttúrulega vörn gegn Kóvíd mun betri en allt sprautufarganið. 

Af lestri forustumanna íslenskra stjórnmála verður ekki annað ráðið en á árinu 2022 megum við búast við gróandi þjóðlífi með blóm í haga þar sem vandamálin eru fá og þau sem eru til staðar eða verða það verði auðveldlega leyst með styrkum höndum stjórnmálastéttarinnar. 

Vonandi er það rétt. En það er samt eitt sem veldur mér áhyggjum. Einhverjum kann að finnast það svo smávægilegt að það sé skömm af því að tala um það. En það veldur mér samt vökunum.

Sú staðreynd, að yfirvöld ætli að sprauta íslensk börn með tilraunabóluefni og gera það í skólum landsins til að auka á þrýsting hvers barns að vera eins og hinir og láta bólusetja sig. Þetta er óðs manns æði. Ég biðla til heilbrigðisráðherra, að hann a.m.k. fresti þessu um hálft ár helst lengur. Það verður að koma góð reynsla á þessi lyf áður en það er afsakanlegt að dæla þeim í börn og unglinga. Það er ekki afsakanlegt að dæla lyfi í fólk,sem framleiðandi lyfsins treystir sér ekki til að bera ábyrgð á. 


Inntakið sem reynt er að fela.

Í helstu jóla kvikmynd þessara jóla segir frá stráknum Nikulási,búsettum í norðanverðu Finnlandi og var kallaður Christmas. Sagan snýst um hnípna þjóð í vanda, sem leitar að einhverju sem geti orðið til að bæta þjóðlífið. Hópur manna fer að leita að Álfheimum þar sem ætlað er að finna megi gleðina og hamingjuna. Nikulás finnur Álfheima og setur í gang verkstæði jólasveinsins og dreifir gjöfum einu sinni á ári. 

Jólin urðu skv. þessu til í Álfheimum. Inntak þeirra er með öllu óljóst utan þess, að Nikulás fer um á hreindýri og dreifir gjöfum. Þannig er nútímasagan um jólin.

Þetta fellur vel að þeirri hugmyndafræði, að aftengja jólin algerlega frá kristinni trú og helgisögunni um fæðingu Jesú og einn liður enn í þeirri viðleitni, að rótslíta kristnar þjóðir algerlega frá kristilegum grundvelli menningar sinnar. Þegar sagan þvælist fyrir er gripið til sögufölsunar eins og sést víða í kvikmyndaheiminum. Álíka merkileg sagnfræði eins og sagan um hinn norska Jesú,sem átti að hafa verið drepinn af Finnum, sem gerðu innrás. Norðmenn nútímans eru þó með það algerlega á hreinu, að Jesús hafi ekki fæðst í Noregi þar sem að vitringarnir komu að austan og þeir telja að þó leitað yrði með logandi ljósi mundu þrír vitringar ekki finnast í Svíþjóð.

Það endar sjálfsagt með því að fólk telur að Bart Simpson í þáttunum um Simpson fjölskylduna, hafi rétt fyrir sér þegar hann lítur upp úr kauptíðinni og gjöfunum og segir: 

"Erum við ekki að gleyma raunverulegu inntaki jólanna. Afmæli jólasveinsins".

 


Máttur myrkursins og afl ljóssins.

Biskupinn yfir Íslandi hefur tilkynnt,að helgihald falli niður um áramótin, kirkjurnar loka. Af því tilefni datt mér í hug myndband, sem var á samfélagsmiðlum af enskum presti og Douglas Murray gerði að umtalsefni í grein í DT þ.23 desember s.l.

Enski presturinn talaði til safnaðar síns fyrir framan jólatré og sagði m.a. "Við erum ekki kvikmyndahús eða fótboltavöllur, við erum fjölskylda bræður og systur sem komum saman á helgidögum til að sýna trú okkar og lotningu á hinum lifandi Jesú. Ég mun ekki loka á mína þjónustu nema mér verði meinað það skv. lögum, en þá mun ég berjast gegn lokun af öllum mætti og þeim krafti sem ég hef.

Kristin trú gegnir mikilvægu hlutverki í samfélaginu, en yfirvöld kirkjunnar ná ekki að fóta sig í núinu  og koma fram í auknum mæli sem baráttusamtök fyrir vinstri sinnaðri félagshyggju, baráttu gegn meintri loftslagsvá og fyrir því að skattgreiðendur taki við fleiri ólöglegum flóttamönnum og furðuveröld transhugmyndafræðinnar.

Þegar stofnun missir sýn á meginmarkmiði sínu, þá þarf engan að undra, að fólk hverfi frá enda skilið eftir vegalaust og án þess sem skiptir máli varðandi kristilega boðun. Í nýrri skoðanakönnun kom fram,að 73% fólks 15-21 árs telur sig ekki trúað og 76% þeirra sem eru 25-40 ára. Þetta eru uggvænlegar tölur. 

Þegar kirkjunnar yfirvöld horfa stöðugt á skuggahliðar og meinta ógn í stað þess að boða fagnaðarerindið um Jesú Krist og ljósið sem þeirri boðun fylgir í ópólitískri skírskotun án vísindahyggju heldur þeirri einlægu trú og von að hjálpræðið hlotnist fyrir trúna eins og Jesú boðaði. Þá er illt í efni. En slíka boðun geta þeir einir fært, sem eru brennandi í andanum og tilbúnir til að berjast fyrir að kirkjur séu opnar og kristið fólk veiti hvort öðru þann styrk og hjálp sem trúin ein getur fært fólki á erfileikatímum.

Fréttir berast af gríðarlega aukinni sjálfsmorðstíðni og auknum erfiðleikum fjölda einstaklinga vegna lokana og hamfaraboðskapar heilbrigðisyfirvalda sem og fleiri. Þá er mikilvægt að kristið fólk átti sig á því að það er meiri þörf fyrir það en á öðrum tímum og einstaklingarnir verða að geta fundið griðarstað fyrir trúna.   


Máttur myrkursins og afl ljóssins.

Biskupinn yfir Íslandi hefur tilkynnt,að helgihald falli niður um áramótin, kirkjurnar loka. Af því tilefni datt mér í hug myndband, sem var á samfélagsmiðlum af enskum presti og Douglas Murray gerði að umtalsefni í grein í DT þ.23 desember s.l.

Enski presturinn talaði til safnaðar síns fyrir framan jólatré og sagði m.a. "Við erum ekki kvikmyndahús eða fótboltavöllur, við erum fjölskylda bræður og systur sem komum saman á helgidögum til að sýna trú okkar og lotningu á hinum lifandi Jesú. Ég mun ekki loka á mína þjónustu nema mér verði meinað það skv. lögum, en þá mun ég berjast gegn lokun af öllum mætti og þeim krafti sem ég hef.

Kristin trú gegnir mikilvægu hlutverki í samfélaginu, en yfirvöld kirkjunnar ná ekki að fóta sig í núinu  og koma fram í auknum mæli sem baráttusamtök fyrir vinstri sinnaðri félagshyggju, baráttu gegn meintri loftslagsvá og fyrir því að skattgreiðendur taki við fleiri ólöglegum flóttamönnum og furðuveröld transhugmyndafræðinnar.

Þegar stofnun missir sýn á meginmarkmiði sínu, þá þarf engan að undra, að fólk hverfi frá enda skilið eftir vegalaust og án þess sem skiptir máli varðandi kristilega boðun. Í nýrri skoðanakönnun kom fram,að 73% fólks 15-21 árs telur sig ekki trúað og 76% þeirra sem eru 25-40 ára. Þetta eru uggvænlegar tölur. 

Þegar kirkjunnar yfirvöld horfa stöðugt á skuggahliðar og meinta ógn í stað þess að boða fagnaðarerindið um Jesú Krist og ljósið sem þeirri boðun fylgir í ópólitískri skírskotun án vísindahyggju heldur þeirri einlægu trú og von að hjálpræðið hlotnist fyrir trúna eins og Jesú boðaði. Þá er illt í efni. En slíka boðun geta þeir einir fært, sem eru brennandi í andanum og tilbúnir til að berjast fyrir að kirkjur séu opnar og kristið fólk veiti hvort öðru þann styrk og hjálp sem trúin ein getur fært fólki á erfileikatímum.

Fréttir berast af gríðarlega aukinni sjálfsmorðstíðni og auknum erfiðleikum fjölda einstaklinga vegna lokana og hamfaraboðskapar heilbrigðisyfirvalda sem og fleiri. Þá er mikilvægt að kristið fólk átti sig á því að það er meiri þörf fyrir það en á öðrum tímum og einstaklingarnir verða að geta fundið griðarstað fyrir trúna.   


Eyþór hættir

Það kom á óvart, að oddviti Sjálfstæðisfólks í borgarstjórn verði ekki í kjöri fyrir næsta kjörtímabil. 

Sjálfstæðisfólk þarf að velja nýjan oddvita, sem er líklegur til að leiða flokkinn til sigurs. Í því sambandi skiptir máli, að góður oddviti fari fyrir samstilltum hópi frambjóðenda. 

Sjálfstæðisflokkurinn er ekki trúverðugur og fær ekki aukið fylgi, ef hver höndin er upp á móti annarri í mikilvægustu málum. 

Það er verk að vinna fyrir Sjálfstæðisfólk að velja þann besta leiðtoga sem kostur er á og vinna síðan saman að því að flokkurinn fái góða kosningu.

Óneitanlega yrðu það gríðarleg mistök ef Sjálfstæðisflokkurinn glutraði niður því tækifæri að fella óvinsælan meirihluta, sem tekur hagsmuni minnihlutahópa fram yfir hagsmuni almennings.

Sjálfstæðisfólk í Reykjavík stendur frammi fyrir því, að ákveða með hvaða hætti standa á að uppstillingu. Lagt hefur verið til að fram fari leiðtogaprófkjör, sem er ágæt tillaga.  Leiðtogaprófkjör útilokar ekki síðar prófkjör um framboðslistann að öðru leyti. 

Hvaða aðferð svo sem valin verður við val á framboðslistann,þá skiptir máli að Sjálfstæðisfólk kjósi samhentan framsækinn framboðslista, en láti ekki andstæðingum flokksins það eftir að gera það.

Það er ekki sérstök lýðræðisveisla að fólk skrái sig í flokkinn til þess eins að kjósa og segi sig síðan úr honum 10 mínútum síðar eins og í síðasta prófkjöri þegar jafnvel þekkt stuðningsfólk annarra stjórnmálaflokka vílaði ekki fyrir sér að ganga í flokkinn í 10 mínútur til að hafa áhrif á hverjir yrðu í framboði fyrir Sjálfstæðisflokkinn. 


Eyþór hættir

Það kom á óvart, að oddviti Sjálfstæðisfólks í borgarstjórn verði ekki í kjöri fyrir næsta kjörtímabil. 

Sjálfstæðisfólk þarf að velja nýjan oddvita, sem er líklegur til að leiða flokkinn til sigurs. Í því sambandi skiptir máli, að góður oddviti fari fyrir samstilltum hópi frambjóðenda. 

Sjálfstæðisflokkurinn er ekki trúverðugur og fær ekki aukið fylgi, ef hver höndin er upp á móti annarri í mikilvægustu málum. 

Það er verk að vinna fyrir Sjálfstæðisfólk að velja þann besta leiðtoga sem kostur er á og vinna síðan saman að því að flokkurinn fái góða kosningu.

Óneitanlega yrðu það gríðarleg mistök ef Sjálfstæðisflokkurinn glutraði niður því tækifæri að fella óvinsælan meirihluta, sem tekur hagsmuni minnihlutahópa fram yfir hagsmuni almennings.

Sjálfstæðisfólk í Reykjavík stendur frammi fyrir því, að ákveða með hvaða hætti standa á að uppstillingu. Lagt hefur verið til að fram fari leiðtogaprófkjör, sem er ágæt tillaga.  Leiðtogaprófkjör útilokar ekki síðar prófkjör um framboðslistann að öðru leyti. 

Hvaða aðferð svo sem valin verður við val á framboðslistann,þá skiptir máli að Sjálfstæðisfólk kjósi samhentan framsækinn framboðslista, en láti ekki andstæðingum flokksins það eftir að gera það.

Það er ekki sérstök lýðræðisveisla að fólk skrái sig í flokkinn til þess eins að kjósa og segi sig síðan úr honum 10 mínútum síðar eins og í síðasta prófkjöri þegar jafnvel þekkt stuðningsfólk annarra stjórnmálaflokka vílaði ekki fyrir sér að ganga í flokkinn í 10 mínútur til að hafa áhrif á hverjir yrðu í framboði fyrir Sjálfstæðisflokkinn. 


Vér einir vitum, en vitum samt ekki neitt.

Hvað á nú að gera tæpum 2 árum eftir að baráttan gegn Kóvíd hófst. Sumir leggja til, að enn á ný verði gripið til hertra takmarkana. Í Bretlandi, sagði David Frost einn besti maður ríkisstjórnarinnar af sér og neitar að taka  þátt í lokunarstefnunni lengur.

Smittíðni er í hámarki. Ríkið borgar þúsundir hraðprófa um hverja helgi til að fólk geti farið í leikhús,bíó eða á djammið. Þrátt fyrir hraðprófin þá fjölgar smitum. Hvaða gildi hafa þau?

Þjóðin er tvíbólusett eða þríbólusett, en ekkert gengur. Þá á að að bólusetja börn allt niður í 5 ára án þess að þau séu í hættu.

Er þá ekki eðlilegt að spyrja: 

Er líklegt þegar tvær bólusetningar duga ekki til að koma í veg fyrir smit eða að fólk smitist, að sú þriðja geri gagn?

Er skynsamlegt að bólusetja börn með bóluefni á tilraunastigi, sem hefur alvarlegar aukaverkanir.

Af hverju að útiloka óbólusetta þegar bóluefnið hefur þá annmarka sem liggja fyrir. 

Ef yfirvöld teldu að bólusetningarnar virkuðu svo sem þau segja, þyrfti þá að grípa til hertra aðgerða núna?

Þýða ekki hertar aðgerðir, að stjórnvöld hafa ekki trú á bóluefnunum og hraðprófunum.

Nýja afbrigðið Ómíkrónið æðir um veröldina og verður ekki stöðvað. Niðurstöður rannsókna sýna að um milt afbrigði er að ræða. Hvaða nauðsyn er þá að skella öllu í lás?

Af hverju hefur eðlileg umræða vísindamanna um gagnsemi og gagnsleysi aðgerða og hvaða aðgerðum skuli beitt, ekki fengið að eiga sér stað? 

Einu leyfðu vísindin verða að fá framgang hversu órökrétt, gagnlaus og vitlaus, sem þau kunna að vera. Þetta láta hræddir úrræðalausir stjórnmálamenn yfir sig ganga. Þá er spurning hvort að einhver sambærilegur David Frost er í íslensku ríkisstjórninni ef nú á að skella í lás eins og í Bretlandi.


Nú er nóg komið.

Prófessor í smitsjúkdómafræði við HÍ segir, erfitt að yfirfæra rannsókn í S-Afríku á Omicron,sem sýndi væg veikindi yfir á Ísland. Margar fleiri rannsóknir og gangurinn í Evrópu benda til hins sama. Mjög lítil veikindi. Samt skal herða agerðir. 

Nú gildir sú regla, að frelsi borgaranna skal skerða þegar nýtt afbrigði af kórónuveirunni hversu veikt sem það er verður til. Það sýnir taugaveiklun á hæsta stigi. 

Þórólfur Guðnason sóttvarnarlæknir talar um, að af því að eitthvað geti verið ef til vill og kanski, beri að bólusetja börn allt niður í 5 ára aldur og segir:

"Ávinningurinn sé líklega meiri en áhættan." 

Er afsakanlegt að tefla í tvísýnu líkamlegu heilbrigði ungu kynslóðarinnar við þessar aðstæður? Dæla tilraunalyfi inn í börn? 

Samt vitum við að fólk sem er þríbólusett deyr úr Kóvíd. Það smitar og það smitast. Er ekki rétt að doka við og leyfa tilraunatímanum að líða áður en þessu tilraunalyfi er dælt í börnin okkar?


Kynrænt sjálfræði og Harry Potter

Árið 2019 samþykkti Alþingi lýðveldisins Íslands, samhljóða lög um kynrænt sjálfræði. Í sjálfu sér ekki að undra,að stjórnmálastéttin skyldi standa þétt saman um að samþykkja lög, sem fara í bág við heilbrigða skynsemi og náttúrulögmálin. 

Rithöfundurinn J. K. Rawlings, sem gerði Harry Potter bækurnar hefur amast við vitleysu eins og þeirri sem koma fram í ofangreindum bulllögum Alþingis og bent á að það sé ekki fólk sem fari á túr heldur séu það konur sem fara á túr.

Vegna þessara ummæla hefur J.K.Rawlings sætt ofsóknum og hótunum og lögregla telur heppilegast að hennar sé gætt allan sólarhringinn. Þannig er nú tjáningarfrelsinu ógnað, þegar öfgahópar í stríði við sjálfa náttúruna í samferð með skrúðgöngu keisarans sem var ekki í neinum fötum, þrátt fyrir að hann teldi sig skarta fegurstu skartklæðum á jörðu hér eiga í hlut. 

Í nýlegri færslu skrifaði J.K. Rawlings: 

"Stríð  er friður" "Frelsi er þrældómur" "Fáfræði er styrkur"

"Einstaklingurinn með stóra tippið sem nauðgaði þér er kona"

Síðasta setningin vegna einstaklingsins sem skilgreindi sig sem konu og nauðgaði stúlkubarni. J.K.Rawlings var nóg boðið þegar hún heyrði  af galinni kynrænum sjálfræðishugmyndum lögreglunnar og lét þessi orð falla af því gefna tilefni. 

Er til of mikils mælst að löggjafinn leiðrétti óendanlegt bull í lagasetningu eins og umrædd lög og felli þau úr gildi og miði við að ekki sé fest í lög ákvæði um að gangur himintunglanna sé öðruvísi en þau raunverulega eru og kynræn vitund fari ekki eftir hentugleikum heldur því hvernig náttúran gerði þau karl og konu. Enda bara tvö líffræðileg kyn þó öðru sé haldið að óhörnuðum grunnskólanemendum á Íslandi. Enda eitt fárra landa sem býr við vitundarvakningur ruglsins um kynrænt sjálfræði.


Kynrænt sjálfræði og Harry Potter

Árið 2019 samþykkti Alþingi lýðveldisins Íslands, samhljóða lög um kynrænt sjálfræði. Í sjálfu sér ekki að undra,að stjórnmálastéttin skyldi standa þétt saman um að samþykkja lög, sem fara í bág við heilbrigða skynsemi og náttúrulögmálin. 

Rithöfundurinn J. K. Rawlings, sem gerði Harry Potter bækurnar hefur amast við vitleysu eins og þeirri sem koma fram í ofangreindum bulllögum Alþingis og bent á að það sé ekki fólk sem fari á túr heldur séu það konur sem fara á trú.

Vegna þessara ummæla hefur J.K.Rawlings sætt ofsóknum og hótunum og lögregla telur heppilegast að hennar sé gætt allan sólarhringinn. Þannig er nú tjáningarfrelsinu ógnað, þegar öfgahópar í stríði við sjálfa náttúruna í samferð með skrúðgöngu keisarans sem var ekki í neinum fötum, þrátt fyrir að hann teldi sig skarta fegurstu skartklæðum á jörðu hér eiga í hlut. 

Í nýlegri færslu skrifaði J.K. Rawlings: 

"Stríð  er friður" "Frelsi er þrældómur" "Fáfræði er styrkur"

"Einstaklingurinn með stóra tippið sem nauðgaði þér er kona"

Síðasta setningin vegna einstaklingsins sem skilgreindi sig sem konu og nauðgaði stúlkubarni. J.K.Rawlings var nóg boðið þegar hún heyrði  af galinni kynrænum sjálfræðishugmyndum lögreglunnar og lét þessi orð falla af því gefna tilefni. 

Er til of mikils að löggjafinn leiðrétti óendanlegt bull í lagasetningu eins og umrædd lög og felli þau úr gildi og miði við að ekki sé fest í lög ákvæði um að gangur himintunglana sé öðruvísi en þau raunverulega eru og kynræn vitund fari ekki eftir hentugleikum heldur því hvernig náttúran gerði þau karl og konu. Enda bara tvö líffræðileg þó öðru sé jafnvel haldið að óhörnuðum grunnskólanemendum á Íslandi. Enda eitt fárra landa sem býr við vitundarvakningur ruglsins um kynrænt sjálfræði.


Næsta síða »

Höfundur

Jón Magnússon
Jón Magnússon

Síðuritari er Hæstaréttarlögmaður og fyrrverandi alþingismaður.

 

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 201
  • Sl. sólarhring: 282
  • Sl. viku: 4791
  • Frá upphafi: 2267935

Annað

  • Innlit í dag: 187
  • Innlit sl. viku: 4426
  • Gestir í dag: 187
  • IP-tölur í dag: 181

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband