Léleg þjónusta og metnaðarleysi.

Þ.11.9.2024 lagði ég inn öll gögn varðandi nýtt ökuskírteini og greiddi það sem mér bar að greiða m.a. fyrir póstsendingu. Nú 7 mánuðum síðar hefur skírteinið ekki borist. Í  bréfi frá sýslumönnum fyrir um mánuði var sagt að mistök hefðu orðið, en skírteinið mundi berst seinni hluta apríl. Ókomið enn. 

Ökumenn eldri en 65 ára þurfa af fáránleika stjórnsýslulegrar tilveru á Íslandi og bíða meir en hálft ár eftir skírteininu. Menn þurfa því að hafa sig alla við að ganga frá þessu í tíma. 

Ökuskírteinamálið er dæmi um metnaðarleysi og aulagang. Ekki eina dæmið því miður. Þannig birti Mbl. í Staksteinum fyrir tæpri viku upptalningu á því hvað stjórnsýslan á Íslandi er orðin svifasein miðað við það sem er annarsstaðar í álfunni. 

Enn verri dæma þekki ég til varðandi afgreiðslu stjórnsýslunnar í Reykjavík, þar sem einföld mál fást ekki afgreidd þó ekki þurfi annað en að stimpla og skjöl glatast og leggja þarf inn ný í stað þeirra sem glötuðust. 

Óneitanlega veltir maður fyrir sér hvort það sé einhver ofsakulnun í gangi hjá allt of mörgum opinberum starfsmönnum þrátt fyrir meinta hnattræna hlýnun.