Það verður að stoppa glópskuna í hælisleitendamálunum.

Í gær fagnaði utanríkisráðherra því að 17 hælisleitendur væru á leið til landsins fyrir tilstilli ríkisstjórnarinnar á grundvelli fjölskyldusameiningar. Ríkisstjórnin þ.á.m. Inga Sæland virðist telja þetta hið besta mál þó það hafi veruleg útgjöld í för með sér fyrir skattgreiðendur og verið sé að flytja inn fólk, sem aðlagast seint eða ekki að íslensku samfélagi. 

Er ekki nóg að eyða nú þegar 100 milljörðum á ári í þetta rugl?

Á sama tíma og lautinant Þorgerður Katrín fagnaði var tilkynnt, að þýska þingið hefði samþykkt tillögur þýsku ríkisstjórnarinnar um að stöðva komur hælisleitenda á grundvelli fjölskyldusameiningar. 

Er það virkilega svo að þetta fólk á Alþingi og í ríkisstjórn vilji gera allt sem í þeirra valdi stendur til að skipta um þjóð í landinu og flytja inn fólk, sem vill helst gera Ísland að samskonar landi og þau segjast vera aða flýja frá.