Dómur Hæstaréttar um vexti myntkörfulána

Málflutningi er lokið í Hæstarétti um vexti ólögmætu myntkörfulánanna.  Fjármálafyrirtækin og ríkisstjórnin vonast til þess að Hæstiréttur staðfesti héraðsdóminn og víki til hliðar vaxtaákvæðum neytendasamnings.

Ég hef enga trú á því að Hæstiréttur lýðveldisins Íslands dæmi með þeim hætti að hann felli ákvæði neytendasamnings úr gildi til óhagræðis fyrir neytendur en hagræðis fyrir fjármálafyrirtækin vegna mistaka þeirra. 

 Það yrði þá einsdæmi í okkar heimshluta.

Athugasemdir

[Haraldur Baldursson, 6.9.2010 kl. 13:58]

Í leikhúsi fáránleikans hefur Hæstiréttur fram að þessu sýnt yfirvegun og ekki látið ýta sér frá laganna túlkan. Við skulum vona að þeirri stefnu verði ekki kollvarpað nú.
Svo er hitt, sem tilefni er til kvíða..það að Viðskipta&Efnhags-ráðuneytið skuli vera að undirbúa viðbrögð. Árni Páll hefur nú gullið tækifæri til að marka sér réttláta ímynd.

[Theódór Norðkvist, 7.9.2010 kl. 00:11]

Þú hefur meiri trú á dómskerfinu en ég, það get ég sagt þér.

[Inga Sæland Ástvaldsdóttir, 9.9.2010 kl. 14:57]

Ég er sammála því að Hæstiréttur hafi sýnt stöðugleika og áttað sig á þrískiptinug ríkisvaldsins og þá skyldu sem á honum liggur að daæma eftir lögunum, hins vegar átta ég mig ekki á því sem Árni Páll er að gaspra um að þegar liggi fyrir viðbrögð stjórnar við dómi Hæstaréttar, hver sem hann verður. Er maðurinn að segja að dómsvaldið sé bara núll og nix og að löggjafinn muni taka til sinna ráða til að umbylta dómi réttarins? Ég vil trúa því að Árni Páll hafi misst sig í einhv. bulli en óttast samt að ef dómurinn fellur ekki fjármagnsfyrirtækjunum í hag þá eigi einvh. skítur eftir að flæða upp rétt eina ferðina.

[Jón Magnússon, 9.9.2010 kl. 22:31]

Ég er sammála þér Haraldur.  Það er með endemum með hvaða hætti fyrrverandi félagsmálaráðherra og núverandi viðskiptaráðherra og sérfræðingur í málefnum Íbúðalánasjóðs skuldi endalaust taka afstöðu gegn fólkinu  í landinu, en með íslensku sérleiðunum og lánaokrinu.

[Jón Magnússon, 9.9.2010 kl. 22:31]

Theódór ef við getum ekki treyst dómstólum hverju getum við þá treyst í þjóðfélaginu?

[Jón Magnússon, 9.9.2010 kl. 22:32]

Hjartanlega sammála Inga.