Jólagjafir utanríkisráðherra

Kænasti ráðherra ríkisstjórnarinnar Össur Skarphéðinsson hefur nýtt sér þá hæfileika sína með þeim hætti undanfarin misseri að fólk hefur nánast gleymt því að hann ætti sæti í ríkisstjórninni enda vill hann sem minnst vera við hana kenndur. Með sama hætti stóð hann að skipun þriggja nýrra sendiherra mitt í jólaösinni, þegar þjóðin var upptekin við að syngja Heims um ból og huga að jólasteikinni og jólagjöfum.

Íslenska þjóðin eyðir hlutfallslega meiri peningum en nokkur önnur þjóð í utanríkisþjónustu sína. Á niðurskurðartímum telur ríkisstjórnin samt rétt að fjölga enn sendiherrum.

Óljóst er hvar Össur ætlar að koma nýju sendiherrunum fyrir þar sem þegar er búið að sjá fyrir þesskonar tengslum Íslands og Færeyja og margir íslenskir sendirherrar starfa nú á Rauðarárstígnum í Reykjavík.

Norræna vinstri velferðarstjórnin hlítur að líta á það sem þakkarvert þegar ráðherrar reyna að leysa atvinnuvanda yfirstéttarinnar á kreppu- og niðurskurðartímum.

Hvaða skattar skyldu verða hækkaðir næst á hinum vinnandi stéttum til að halda uppi störfum, launum og styrkjum fyrir vildarvini og afkvæmi ráðherra ríkisstjórnarinnar?

Athugasemdir

[Haukur Gunnarsson, 27.12.2010 kl. 13:42]

Gott hjá þér Jón að vekja athygli á þessu.

[Jón Magnússon, 27.12.2010 kl. 23:57]

Þakka þér fyrir það Haukur.

[Júlíus Björnsson, 28.12.2010 kl. 03:41]

Ég hefi ekki trú á að 2041 verði mikið af niðjum Jóns Arasonar til að  skattleggja. Ekki er betri músin sem læðist.

[Jón Magnússon, 29.12.2010 kl. 09:38]

Eru ekki allir Íslendingar sem eiga foreldra af íslensku bergi brotna niðjar Jóns Arasonar, Júlíus? Einhverntíma var mér sagt að allur ættstofnin hvað hann varðar hefði komið saman á 19.öldinni og þá hefðu allir Íslendingar verið komnir af síðasta kaþólska biskupnum yfir Íslandi.