Mínútuþögn á morgun vegna atburðanna í Noregi

Norðmenn og Svíar ætla að hafa mínútuþögn á morgun kl. 12 að staðartíma þar.  Ef ég fer ekki villur vegar þá þýðir það kl. 10 hjá okkur. 

Mér finnst að við eigum að taka höndum saman með þessum frændþjóðum okkar og hafa mínútuþögn á sama tíma til að minnast fórnarlambanna og samhryggjast með vinum og ættingjum hinna myrtu og Norðmönnum öllum.

Árás vitfirrta hryðjuverkamannsins á samlanda sína í Osló og unga fólkið í Útey var um leið árás á lýðræðið og stofnanir þess.

Við skulum því hafa mínútu þögn á morgun kl. 10. 

Ég skora á  yfirvöld að taka þetta upp opinberlega og skora á fólk að hafa þagnar og minningarstund á sama tíma og frændur okkar í Noregi og Svíþjóð.  

Athugasemdir

[Rafn Haraldur Sigurðsson (IP-tala skráð) 24.7.2011 kl. 21:52]

Tek undir með þér að stjórnvöld eigi að gefa út tilmæli til fólks og þá sérstaklega til  atvinnurekenda til að gefa þessu aukið vægi, en t.d. fólk sem vinnur við færibönd og þess háttar á erftt með að stoppa nema að til komi skipun frá atvinnurekanda