Eru Vinstri grænir ekki í ríkisstjórn?

Ríkisstjórn Íslands er ábyrg fyrir hernaði NATO í Afghanistan og Líbýu.  Ráðherrar VG hafa ekki hreyft andmælum eða krafist þess innan ríkisstjórnarinnar að Ísland mótmæli þessum hernaðaraðgerðum NATO og taki fram að Ísland er ekki aðili að þeim.

Ráðherrar og þingflokkur Vinstri grænna er ábyrgur fyrir afstöðu Íslands í utanríkismálum þ.á.m. að andmæla ekki hernaði NATO í Afghanistan og Líbýu. Formaður utanríkismálanefndar Alþingis er auk heldur þingmaður Vinstri grænna.

Nú hefur Steingrímur J af sinni alkunnu snilld fengið forustusauðina í flokksráði VG til að samþykkja að skipuð verði rannsóknarnefnd til að rannsaka af hverju Ísland ber ábyrgð á hernaði NATO í Líbýu. Forustusauðirnir réttu allir sem einn upp hendina meira að segja formaður utanríkismálanefndar Alþingis.

Skyldi Þráinn Bertelsson hafa valið sér vettvang meðal þess meiri hluta þjóðarinnar sem hann lýsti svo fjálglega fyrir rúmu ári sem fá.........?

Athugasemdir

[Hörður Þórðarson, 28.8.2011 kl. 06:05]

Kannski ætti Steingrímur að skipa rannsóknarnefnd til að rannsaka hverjir eru í ríkisstjórn Íslands...

[Jón Magnússon, 28.8.2011 kl. 10:14]

Góð hugmynd Hörður

[Heimir Lárusson Fjeldsted, 28.8.2011 kl. 10:57]

vg gengst ekki við gjörðum sínum.

[Jón Magnússon, 28.8.2011 kl. 17:21]

Það er alveg rétt Heimir, þeir muna bara það sem þeir vilja muna.